مصر موتورز مجتمع السيارات - شاركونا بالرأى فى مشروع رحلة العمر : مشروع رحلة عمره

مصر موتورز مجتمع السيارات (https://www.masrmotors.com/vb/index.php)

- الأجازات و السفر (https://www.masrmotors.com/vb/forumdisplay.php?f=223)

رد: شاركونا بالرأى فى مشروع رحلة العمر : مشروع رحلة عمره

:010104~171::010104~171:ر بنا معاكم وان شاء الله تتم علي خير هي فكرة حلوة بصراحة

رد: شاركونا بالرأى فى مشروع رحلة العمر : مشروع رحلة عمره

اقتباس:

المشاركة الأصلية كتبت بواسطة ابو الشوق كاديلك (المشاركة 630832)

:010104~171::010104~171:ر بنا معاكم وان شاء الله تتم علي خير هي فكرة حلوة بصراحة

اهلا بيك يا فندم
وان شاء الله خلال ايام بالكتير هنزل التفاصيل كلها والسعر النهائى

رد: شاركونا بالرأى فى مشروع رحلة العمر : مشروع رحلة عمره

والله يا فندم انا كان نفسي اشارك معاكم بس مش هقدر لظروف الدراسة و العمل

بس اكيد انا معاكم بقلبي ، وربنا ان شاء الله هيوفقكم و هيكرمكم طالما انتوا بتحاولوا تتقربوا من ربنا وتعملوا عمل خير
:010104~171::010104~171:: 010104~171::CONGRA~238::C ONGRA~238:

رد: شاركونا بالرأى فى مشروع رحلة العمر : مشروع رحلة عمره

اقتباس:

المشاركة الأصلية كتبت بواسطة ابو الشوق كاديلك (المشاركة 630858)

يكفينا كلامك الرقيق
:CONGRA~238:

رد: شاركونا بالرأى فى مشروع رحلة العمر : مشروع رحلة عمره

هى فكره طيبة من حيث المبداء لكن التطبيق والتفاصيل هما الفيصل

اولاً مبداء لم الفلوس :

- الطبيعى ان اى حساب بنكى او استلام فلوس باليد بيبقى فى طرف وباسم شخص واحد وبالتالى شخص واحد فقط المسئول فعلياً عن الفلوس وده مش صح
- ايه الضمانات مقابل الفلوس ديه اللى هياخدها اللى بسدد الاقساط
- ايه الضمانات بان السعر ثابت خاصة وان التاريخ لسه كمان سنة ومعروف ان كل سنة بتتغير الاسعار ومصاريف التاشيرة والاقامة والانتقالات وكل حاجة

ده كده نظام تقسيط غير واضح المعالم

والاسهل من كده ان موضوع التحويش ده يتعمل عن طريق جمعية مثلاً (بالمعنى التقليدى) او جمعية خيرية او شركة رسمية (عرض تقسيط)

ويكون العرض واضح من حيث السعر الاجمالى وطبيعة الخدمات المقدمة من اقامة وانتقالات وخلافة

اخيراً من حيث السعر معروف ان اسعار اوائل رمضان غير المنتصف غير الاواخر ومعروف ان الاواخر بتبقى اغلى وفيه ناس بتفضل الاواخر طمعا فى الثواب الثابت فى السنن
وعلى حد علمى المتواضع فى الموضوع ده ان تكاليف العمرة فى اوائل رمضان بتتراوح مابين 4500 الى 5000 وبالتالى السعر المبدئى المطروح كتير اوى وتقريبا سعر عمرة العشر الاواخر !!

رد: شاركونا بالرأى فى مشروع رحلة العمر : مشروع رحلة عمره

اسمحلى انى ارد على اسالتك فى جزئيه جزئيه

اقتباس:

المشاركة الأصلية كتبت بواسطة AboNoRa (المشاركة 631736)

هى فكره طيبة من حيث المبداء لكن التطبيق والتفاصيل هما الفيصل

اولاً مبداء لم الفلوس :

- الطبيعى ان اى حساب بنكى او استلام فلوس باليد بيبقى فى طرف وباسم شخص واحد وبالتالى شخص واحد فقط المسئول فعلياً عن الفلوس وده مش صح

لو راجعت اعلان الموضوع كويس با وائل هتلاقى ان اللى هيبقى مسؤل عن الفلوس 3 مش واحد
لضمان الشفافيه
واكيد قبل كل دا مش هنخلى المسئول عن الفلوس دى حد غير شخص موثوق فى امانته
وكمان انا ذكرت فى الموضوع ان اللى هيحط فلوس فى الحساب او هيديها للشخص المسئول عنها هياخد قصادها ايصال امانه بالمبلغ

- ايه الضمانات مقابل الفلوس ديه اللى هياخدها اللى بسدد الاقساط

ايصالات الامانه اللى تم التنويه عنها فى السؤال اللى فات واللى تم ذكرها فى الاعلان عن الموضوع

- ايه الضمانات بان السعر ثابت خاصة وان التاريخ لسه كمان سنة ومعروف ان كل سنة بتتغير الاسعار ومصاريف التاشيرة والاقامة والانتقالات وكل حاجة

تم سؤال اكثر من شركه سياحه عن اسعار الرحلات السنه دى ومتوقع ارتفاعها السنه اللى جايه مقارنة بارتفاع الاسعار السنه دى عن السنه اللى فاتت
وتمت الافاده بأن المتوقع فى الارتفاع هيكون بنسبه 10 %
دا غير ان فيه رحلات لاول مره السنه دى بتطلع من القاهره - ينبع - القاهره
الرحلات دى اسعارها اقل بكتير من رحلات القاهره - جده - القاهره
وكده كده انا قلت برضه فى الاعلان فى الاول ان السعر دا مش النهائى ولكن مش هيزيد عنه

ده كده نظام تقسيط غير واضح المعالم

اعتقد ان بعد اجابتى على الاسأله هيبقى واضح المعالم
دا غير انى قلت ان من حق اى حد مشترك معانا انه يسحب فلوسه فى اى وقت بدون ما يتخصم منها اى شىء
وكمان قلت ان من حق المشتركين انهم يتطلعوا على كل المصاريف اللى هتتصرف على الرحله سواء تكلفه التأشيرات او حجز الطيران او حجز شركه السياحه اللى هنتق معاها
وقبل كل دا
انا قلت برضه فى اعلانى انى مش عايز قرش واحد مكسب من الرحله دى
انا كل اللى بفكر فيه هو الثواب
ولو الناس بعد كل المصاريف اتبقالها جنيه واحد انا هرجعهلهم قبل ما نغادر مصر

اما عن مسمى الجمعيه دا فاسمحلى انى اختلف معاك فيه
ليه؟؟؟
لان المعنى المتعارف عن الجمعيه هو انك ممكن تحصل على فلوس وانت لسه ماسددتش باقى الاقساط
يعنى فيه ناس بتقبض الاول وناس التانى وهكذا
انما دى حاجه زى صندوق هنحوش فيه كلنا للناس اللى مبعترفش تحوش مبلغ ولما هنكمل ثمن الرحله هنطلع
لذلك انا ارجئتها لرمضان بعد اللى جاى

والاسهل من كده ان موضوع التحويش ده يتعمل عن طريق جمعية مثلاً (بالمعنى التقليدى)

الجمعيه مش هتحقق الهدف لاكتر من سبب
اولا : فى الجمعيه الشخص ملزم انه يدفع الجمعيه لاخر قسط بعكس مشروعنا فمن حق اى فرد سحب فلوسه وقت ما هو عايز ومش هيبقى عليه فلوس بعد كده
ثانيا : الجمعيه ممكن ناس اول ما تقبض تصرف الفلوس لاى سبب وماتطلعش برضه الرحله ويبقى احنا كده ماحققناش الغرض من المشروع

او جمعية خيرية

انا الحقيقه معرفش ولا جمعيه خيريه بتعمل حاجه زى كده
وبعدين لو احنا 10 اللى طلعنا وفيه 3 او 4 مش واثقين فى الشخص اللى بيلم الفلوس ودا وارد ومشروع هيعوض خوفه بايصالات الامانه
عكس ما يكون الـ 10 كلهم خايفين .. دى حاجه
الحاجه التانيه : اكيد الجمعيه هتلم مننا الفلوس ولو بالقسط علشان نطلع تبعها رحلة العمره طيب ليه نحصر نفسنا مع عرض واحد فى حين اننا بفلوسنا نقدر ساعتها نختار من كذا شركه؟؟؟

او شركة رسمية (عرض تقسيط)

مافيش شركه سياحه هترضى تقسط المبلغ دا اولا
ولو فيه شركه رضيت فهتاخد فايده كبيره نظير وجع قلب لم الفلوس كل شهر واحنا عايزين نطلع بارخص سعر ممكن يدينا رحله غير متعبه دا ثانيا
وبرضه لنفس السبب اللى فات
ليه انا احصلا نفسى فى عرض واحد واخلى صباعى فى بق شركه واحده مادام فلوسى فى ايدى واقدر اختار من كذا شركه العرض اللى يناسبنى

ويكون العرض واضح من حيث السعر الاجمالى وطبيعة الخدمات المقدمة من اقامة وانتقالات وخلافة

مافيش شركه فى الدنيا هتديك سعر نهائى
الموضوع نسبه وتناسب
انما احنا هنحط القسط على الحد الاقصى وكمان هنحط تفاصيل العرض
زى السفر هيبقى ازاى / الفنادق فى مكه والمدينه كام نجمه وبعدها عن الحرم ومسجد النبى اد ايه
دا اللى نقدر نحط تفاصيله دلوقتى
انما نسمى الفندق ... لا يمكن

اخيراً من حيث السعر معروف ان اسعار اوائل رمضان غير المنتصف غير الاواخر ومعروف ان الاواخر بتبقى اغلى وفيه ناس بتفضل الاواخر طمعا فى الثواب الثابت فى السنن
وعلى حد علمى المتواضع فى الموضوع ده ان تكاليف العمرة فى اوائل رمضان بتتراوح مابين 4500 الى 5000 وبالتالى السعر المبدئى المطروح كتير اوى وتقريبا سعر عمرة العشر الاواخر !!

انت عندك حق فى موضوع العشر الاواخر ولكن انا حطيت العشر الاوائل لسببين وانا برضه ذكرتهم فى الموضوع
اولا : علشان الزحام فى العشر الاواخر بيبقى تقريبا 2/3 الزحام فى العشر الاوائل
وثانيا لنفس السبب اللى انت ذكرته وهو بكده المبلغ هيكبر

اما بخصوص الاسعار فانا قلت ان دا الحد الاقصى مش النهائى
ولكن تعالى نحسبها مع بعض لو دا السعر النهائى
400 ج شهريا * 16 شهر = 6400 ج
فده مش رقم كبير مقارنه باسعار السنه دى
اما بخصوص ان متوسط الاسعار من 4500 الى 5000 فى رمضان السنه دى فهى ارقام مش مظبوطه يا وائل
واحنا نمتمنى انها تقول اقل من كده كمان
بس اللى هيحكمنا متوسط سعر السوق السنه دى
وفى النهايه برضه عايز اقولك ان مش دى الاسعار النهائيه
وانا عملت الموضوع دا لمجرد انى اخد راى الناس فى الفكره

شكرا على مشاركتك وان كان فيه حاجه لسه مش واضحه بالنسبالك ياريت تقول

رد: شاركونا بالرأى فى مشروع رحلة العمر : مشروع رحلة عمره

انا زى ما قولتلك نظام الدفع مش محدد اذا كان ايداع بنكى او تسليم باليد
ايداع بنكى يبقى لازم فى حساب شخص واحد
تسليم باليد برضو لطرف شخص واحد
ازاى بقى يبقى اكثر من شخص مسئولين عن الفلوس !!!

ثانياً ايصالات الامانة بقيم مادية صغيرة مش قوية خاصة ان دلوقتى مفيش تنفيذ احكام ولا اى حاجة فالمعملات اللى من النوع ده دلوقتى مش مضمونة وطبعاً لو (تم وضع تاريخ) فى الايصال او اثبات ان الايصالات ديه كانت لسداد دفعات (تتحول لكمبيلات) ولا تصبح بقوه ايصال الامانة

خد بالك انا بتكلم كل ده عن نظام يتم تعميمة والاعلان عنه لكل الناس
اما لو بنتكلم عن مجموعة اصدقاء عارفين بعضهم شخصياً فاكيد كل ده ملوش لازمة

وكل ده سبب مباشر فى انكو تركزو فى عمل عروض مميزة ( غير تجارية) وديه اكيد هتبقى بفارق سعر كويس وثواب ليكم بإذن الله اما مشكلة التحويش ديه فتبقى مسئولية كل واحد

وبالنسبة للاسعار اعمل بحث على عروض السنة دى هتلاقى اسعار اول رمضان زى ما قولتلك مابين 4.5 الى 5 الاف جنية ومتوقع كعمل غير هادف للربح تبقى ارخص كمان