|
رد: إستفسار عن لينيا الجديدة
مش عارف و الله يا جماعة ... السيراتو فعلا عربية جميلة و بدأت تنتشر لكن أنا ماحبيتهاش خالص و المسألة فى الأول و الآخر أذواق زى ما انتوا عارفين .... أما بقى البيرسونا فأفتكر انها هتدخل حيز المقارنة بالنسبة لى لأنى لسة قارى موضوع عنها إمبارح و أفتكر إنها عربية متميزة
شكرا ليكم جميعا مرة تانية |
رد: إستفسار عن لينيا الجديدة
اقتباس:
سعرها موحد من يوم ما طلعت ورقه بوسطه:) الفول اوبشن مانيوال ب 95 الف 1400 سي سي 77 حصان و الفول اوبشن و زياده مثبت سرعه و شويه حاجات كده ب 103 الف بس مش فاكر كماليتها ايه الصراحه. فول اوبشن 1400 و 120 حصان تيربو ب 120 الف . اقتباس:
مع التوكيل ما بيقولوش غير انه توكيل كويس . و بالنسبه لتقفيل العربيه فهو تقفيل تركي و ليس صيني مافيش فيات صيني حاليا غير الباليو فقط ما عدا ذلك اللينيا مصنع فيات في تركيا و البرافو و ال500 و الجراند بونتو و البونتو كلاسيك ايطالي. اقتباس:
بالنسبه للموتور كويس لكن لا تتوقع منه اداء رياضي بحت فيات من الشركات اللي تتميز كل مواتيرها انها عصبيه و مرنه و معمره و لما تكتب علي عربيه انها 77 حصان يبقي فعلا 77 حصان مش زي الشركات التي تبالغ في وصف سياراتها . غير كده شكره فيات شاطره اوي في انها تقلل اي حمل علي الموتور بحيث انك تستفيد من قوه العربيه كمجمل. يعني سير الدينامو و سير التكييف و زوايا الصبابات ...الخ الخ الخ كل دي حاجات بتاكل من قدره العربيه و فيات بتقدر انها تقلل من الفقد دا الي اقصي قيمه. اقتباس:
تويوتا ياريس و كيا سيراتو فقط دول العربيتين اللي ممكن ارشحهم لحضرتك بخلاف اللينيا و ارشح السيراتو عن الياريس كمان نظرا لحداثتها و كمان عاوز مانيوال يبقي الكوري مش حيبقي فيه مشكله. انما البيرسونا مع احترامي للجميع فهي تقفيلها قريب من الجين 2 السئ اساسا. يعني مش معقول اجيب عربيه جديده الاقي شهر ولااتنين ايد الفتيس بتاعتها قشرت!! او الاقي اكره بتلخلخ او زجاج مش عاوز يترفع !!! دي حاجات تحرق الدم بصراحه في عربيه المفروض انا شاريها جديده مش مستعمله |
رد: إستفسار عن لينيا الجديدة
كلاك حازم عين العقل تقفيل و خامات البروتون عموما علي اد حالها اقل من خامات الاوربي و اعلي من خامات الصيني
و بالمناسبه البيرسونا بتاكل بنزين كتير انا واحد صحبي معاه العربيه و بتعمل 170 في الصفيحه في عربيه انجكشن مودي جديد و انا العربيتي موديل 90 كلبرتير بتعمل 180 في الصفيحه داخل البلد فا الفرق واضح |
رد: إستفسار عن لينيا الجديدة
اقتباس:
السيراتو الهاي لاين فيها 2 ايرباج و ABS و smart key و فتحه سقف و فرش جلد و فتيس ترونيك .. و بتقول بابا و ماما ... لكن كانت حصلت لي حادثه مش ظريفه بالماتريكس خلتني اشيل من الكوري عموما من ناحيه مواصفات الامان ... بعد ما جبت العربيه ب 3 شهور اتعملت سندوتش بين عربيتين .. كانت بسيطه .. لكن كان لازم الاكصدام الامامي يتفك علشان دخل لجوه شويه .. الاكصدام اتفك عادي جدا ... و ابص وراه .. واشوف منظر لا يمكن كنت اتوقعه ... الاقي ورا الكصدام ... هوااااااا ... ايوه .. بالظبط كده ... مفيش اي حاجه ورا البلاستكه دي الا الهوا .... لا بار حديد و لا كمر و لابالتات حته ... يدوبك حته صفيحه ماسكه الاكصدام الفبر ptmnlo123per111 ومن ساعتها وانا متعقد من مواصفات الامان في الكوري .. و دي سياسه مستر غبور ... اي حاجه مش باينه .. بيشيلها وطبعا ده وضع الفيرنا و الانوس و الاكسنت و الالنترا ... لا يمكن تكون العربيات الكوري اللي بتنزل اوروبا تكون بالشكل ده ودي ميزه الاوروبي في عربياتهم ... عندهم ضمير شويه .. ميقدروش ينزلو عربيه مواصفاتها سكلنس .. (الا اذا كانت معموله للشعوب السكلنس ) علشان كده بس بحذر الناس من الكوري من ناحيه مواصفات الامان .. الاتزان و الثبات مش من مواصفات الامان .. دي من اساسيات العربيه .. و انظمه الامان المختلفه زي حزام الامان و ال Air Bag و ال ABS - EBD - .... الخ انظمه مساعده و مهمه .. لكن الغير مرئي او محسوس مهم برضو ... زي بارات خلف الاكصدام .. وقدره العربيه على امتصاص الصدمات ... و اختبارات الاصطدام ... من الاخر .. مصداقيه الاوروبي في مواصفات الامان بالنسبه لي اعلا من الاسيوي عموما .. حتى الياباني ... واسف على الاطاله ptmnlo123per1127 .... بس هي السيراتو حلوه برضو ... و مواصفات الهاي لاين تجنن اسف على ... الدوخه ptmnlo123per1106 |
رد: إستفسار عن لينيا الجديدة
شوف يا عم سامح ! كلامك سليم و أنا بس مؤجل الشراء لغاية آ خر شهر يوليو انشاء الله !
أما بالنسبه لمواصفات السلامه يا محترم ! ف كله ساعة القضاء مساوى بعضه ! يعنى من زمن بعيد شويه حصلت حادثة فى الكويت ! قسمت مرسيدس 500 نصفين زى ما يكون قطعتها بسكينه حاميه ! ptmnlo123per1106 و شركة مرسيدس جت وشالت السيارة لكى تعرف مين و ازاى حصلت المصيبه دى ! و ابن ملك البحرين الحالى و كان عنده 15 سنه مات من 3 سنوات فى حادثة سياره الله أعلم طبعآ موش سيارة صينى ! و مذيع المواد الدينيه فى قناة الجزيره بقطر مات فى حادثة سيارة مرسيدس داخل الدوحه ! و أخيرآ من 3 أيام مات وزيييييير قطرى فى حادثة سياره على بعد 20 كم من الدوحه ! أظن الناس دى ما كانتش راكبه مراجيح ! وفى الآول و فى الآخر الآمان أمان الله ! Dr. Bolbolan ptmnlo123per1127 |
رد: إستفسار عن لينيا الجديدة
كلام حضرتك سليم يا دكتور ...
لكن انا قصدي الحوادث الطبيعيه ... مش الكوارث المميته نتيجه التهور البشري !!!! مواصفات الامان مش معناها انها الحارس الامين اللي حيحافظ على الركاب من اي خطر داهم ... لكن دورها تقليل قوه التصادم و تخفيف اثار الحوادث ... لما اشوف عربيتين بيخبطوا وش في وش بسرعه 60 كم ( يعني السرعه النسبيه للتصادم 120 كم ) و الكابينه متتأثرش و الباب يفتح و يقفل ... غير لما اشوف عربيه بتتكرمش من خبطه على 60 كم/س كانو لسه عاملين تجارب على التصادم ... بيشوفو تأثير الحجم على التصادم ... يجيبوا عربيه صغيره مع عربيه متوسطه ... ويخبطوهم وش في وش ... يعني السرعه النسبيه واحده... ال سمارت فور تو كانت قدام مرسيدس سي كلاس.. نتفرج على العروسه .... ptmnlo123per154 http://www11.0zz0.com/2009/05/09/20/702058404.jpg الوحش الكاسر ... ptmnlo123per172 http://www11.0zz0.com/2009/05/09/20/254775473.jpg لحظه اللقاء ... ptmnlo123per122 http://www2.0zz0.com/2009/05/09/20/601227838.jpg الفقيده ... ptmnlo123per1106 http://www5.0zz0.com/2009/05/09/20/280823969.jpg وعلى كل اربع صور ... صوره هديه كامري مع ياريس http://www11.0zz0.com/2009/05/09/20/135220577.jpg الواحد مبقاش بيفكر في نفسه .. بقى بيفكر في اولاده .. وادينا بنعمل اللي علينا ... و الباقي على ربنا ... لكن ساعه القدر .. لو راكب قطر ما حينفع حد ... المهم ميكونش قطر الصعيد ptmnlo123per1147 ربنا يسترها على الجميع ... ويحفظنا من شر الطريق |
رد: إستفسار عن لينيا الجديدة
linia dah mn r2yeh 3rbya to7faa
|
| الساعة الآن 12:19 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017