|
رد: هو ليه الناس بتبيع السيراتو 2011 و 2012
حاجة غريبة جدا مش فى العربية لكن فى الناس لما نزلت العربية عملوا منها طياره وكلام فوق الوصف فية مبالغة ولما الناس بدات تهاجم العربية برضة مهاجمة غير منطقية كل واحد كلها عيوب ممكن اعرف ايه هى العيوب من ناحية الخامات اى نعم خامات دون المستوى لكن دة حال معظم السايرات الحديثة حتى الالنترا الموديل اللىفات والشكل الجديد نفس الخامات لكن دة لا يعيب السيارة انا ركبت مع صديقى فيها وسالتة اية رائيك قال عربية مش كويسة استفسرت عن الاسباب لقيتة بيقولى على 160 بحس انها خفيفة طيب ارد علية اقوله اية دى فى الاخر سيارة ركاب ملاكى متوسطة او كمان متوسطة صغيره وقال كمان ان الفرامل مش بتمسك معاه وبيحس برجة قوية على السرعة العالية طيب ما دة طبيعى لو فيها ABS
يا جماعة لازم يكون تحليل الكلام يكون منطقى وعن واقع مش وهم او احاسيس وحب وكره للسياره نفس الكلام بشوفة مع ماركات كتير تانية مما يفقد الوضوع اساسا لمصدقيتة زالجدية فى طرح المواضيع اسف للاطاله وشكرا |
رد: هو ليه الناس بتبيع السيراتو 2011 و 2012
الشكل بتاع السيراتو رائع لاكن الصاج ضعيف والعفشة ناششفةوالدنجل في المطبات والنقرمش ظريف وسعرها غالي وفية اسباب كتير للي بيبيع ممكن معرفش يتأقلم مع العربية زنقة فلوس او من وجة نظر البعض انها مقلب عل العموم الحمد للة فية انواع احسن بس المسألة اذواق ووجهات نظر وفية ناس مش لاقية عجلة نحمد اللة شكرا لكم
|
رد: هو ليه الناس بتبيع السيراتو 2011 و 2012
انا حضراتكم بتكلم عن تجربه والله وتجربه ناس كتير اعرفهم معرفه شخصيه اكتر عربيه حوادث وكسر زيرو هي السيراتو حتقوللي عشان انتشارها ممكن برضه واللي حصل معايا جيبت عربيه 2011 خليجي كسر زيرو ماشه 10000 كيلو العربيه بالنسبه للخامات كويسه مش وحشه زيها زي كل الكوري العربيه عفشتها وحشه حتقولوا عشان رياضيه برضه مش مبرر والحمد لله انا تاجر عربيات وليا خبره اوسع مما احد يتخيل ركبت من الفيات القرده للهامر والبورش العربيه ثبات فالضياع زي الالنترا وكتير من الكوري التقفيل حلو بنسبه 90 % عشان خليجي طبعا الاوبشن مقبول اداي السياره فالسحب والشد والتسارع علي قده رغم ان المحرك فوق ال130 حصان !! الوسع الداخلي يعني مقبول اما مشكلها واللي بيقول مافيش مشاكل يبقي يحمد ربنا انه ماتعرضش ليها العربيه بيها عيب تصميم وطلع تسريبات عن الخبر ده من اوروبا وححاول اجيب الرابط والعيب يتمثل في وجود خطأ في تصميم المقدمه ووضع الماتور مما يسبب عدم توزيع الوزن بصوره صحيحه وبالتالي عند السرعات العاليه لما وزن السياره يخف يبان الموضوع ويحصل المقدر \واحب اقولكم نهايه تجربتي مع العربيه وانا طالع بيها مشوار وتمام ماشي زي الفل داخل علي كام مطب من الصغيرين خالص وعديتهم بسلاسه وسلانسيه واول ماعديت لاقيت دخان من قدام فكرت العربيه سخنت والقربه بتدخن علي الرغم من اني طالع بيها من اقل من 10 دقايق وماقرصتش عليها والله المهم يدوب بحاول اوقف علي جنب لاقيت العربيه ولعت ولحسن حظي اني كنت في منطقه فيها ناس لحقوني يا اما كان زماني واقف بتفرج عليها وهي بتتحول رماد المهم بمعجزه وحروق اتفتح الكبوت والناس طلعت الطفايات والمياه وطفينا العربيه بعد فيلم رعب واكشن وانبطح عالارض ولحسن الحظ يا دوب النار طفيت وخرطوم البنزين ضرب وطبعا اي حاجه فبر او بلاستيك في صاله الموتور ساحت والكبوت والرفرفين اللي قدام وطبعا صرفت 15000 جنيه عشان شويه البلاستيكات والفبر والمصنعيات ورش وغيره وبعد التقرير اتضح ان العربيه بيها عيب فني تسبب في ماس هو اللي ولع العربيه وقدر الله و ماشاء فعل والحمد لله والتجربه للافاده مش اكتر وربنا يكفيكم الشر ويبارك لاصحاب العربيه ويحفظهم من شرها ويعطيهم خيرها |
رد: هو ليه الناس بتبيع السيراتو 2011 و 2012
اقتباس:
|
رد: هو ليه الناس بتبيع السيراتو 2011 و 2012
اقتباس:
ربنا يباركلك فيه بس حضرتك قريت المشاركه السابقه ؟؟؟؟؟؟؟ |
رد: هو ليه الناس بتبيع السيراتو 2011 و 2012
السيراتو كلاكيت 1000 مرة
الاخوة فى المنتدى : السلام عليكم أولا مفيش سيارة حلوة وبرضه مفيش سيارة وحشة الكمال لله وحده اى عربية ليها مميزاتها وعيوبها والحكم على اى عربية يكون منطقى ولو من خلال تجربة عملية يكون أفضل السيراتو زى اى عربية فيها حاجات حلوة وليها ايضا عيوب ممكن ناس بتحبها علشان شكل جديد ( وان كان ازواق) واسعة و ابشن كتيرة وأداء جيد لا بأس به خصوصا على سرعات معقولة ممكن ناس بتكرهها علشان موضوع العفشة الناشفة او بتحب تجرى او انها بقت منتشرة اوى او اللأداء بعد سرعة 120 مش قد كده لكن فى الآخر هى عربية لها حضورها فى السوق واللى يحب مميزاتها يشتريها واللى بيكرهها يبعد عنها |
رد: هو ليه الناس بتبيع السيراتو 2011 و 2012
كلام سليم
انا معاك بالراي دي وبتفرق حسب العربية اللي كانت معاك قبل السيراتو |
| الساعة الآن 05:02 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017