مصر موتورز مجتمع السيارات - فولت العربية اتدبست فى شليه تايم شير مش عارف ازاى

مصر موتورز مجتمع السيارات (https://www.masrmotors.com/vb/index.php)

- الأجازات و السفر (https://www.masrmotors.com/vb/forumdisplay.php?f=223)

رد: فولت العربية اتدبست فى شليه تايم شير مش عارف ازاى

انت تقريبا حجزت فى جولدن فايف اللى فى الغردقة صح ؟؟

عموماً التايم شير مش نصب بس هو مش مناسب لكل الناس طبعاً

هى المشكلة الحقيقية فى التايمشيرجية (بتوع التايم شير) انهم بيضغطو باساليب محرجة على الناس علشان ياخدو القرار وغالباً بعد ما العميل ما يخرج من تحت ايديهم بيتصدم انه عمل كده

رد: فولت العربية اتدبست فى شليه تايم شير مش عارف ازاى

اتلعبت معايا اللعبه دى

بس على مين

خلعت بالعقل

اخدت ال 30 جنيه بتوعى وقولت يا فكيك

بس مين

دول كانوا ناقص يحجزونى جوه

قمة الغتاته

اقولهم مفيش معايا المقدم

يقوللى هنقسط المقدم

يا باى كان يوم كله احراج

الحمد لله انى خلعت

رد: فولت العربية اتدبست فى شليه تايم شير مش عارف ازاى

حصل معايا الحوار ده فى سيتى استار وكانت المدام معايا وكنت لسه متجوز مبقاليش 20 يوم وعملى الدنيا ورد ..رحت قايله المهم انت عايز كام فى الحوار ده كله(شاليه وعشاء و هدايا ) قالى 100 جند قلتله معييش ..قالى ممكن تدفع 50 ولما تيجى الحفلة تدفع تانى ..قلتله معييش قالى ادفع 20 قلتله انت باين عليك بتستعبط وروحت ماشى ..ولا قدر يفتح بقه ..كان فاكر ان عشان معايا المدام انى هتثبت ويعمل اللى هو عايزه لكن على مين ..اللى يفرط فى فلوسه كانه فرط فى مناخيره

رد: فولت العربية اتدبست فى شليه تايم شير مش عارف ازاى

شوف يا أبو سلامه
فكرة التايم شير نفسها مش نصب ولا حاجه بالعكس هي فكره كويسه بتناسب بعض الناس و مابتناسبش البعض الاخر
المشكلة مش في التايم شير المشكلة في طريقة تسويق وبيع فكرة التايم شير لانك بتحس إنك وقعت في أيد ناس نصابه لان اسلوبهم بيبقى أسلوب (هاسيبك أنت توصفه بنفسك) و لأن اسلوبهم ده مش مقبول فده بيخليك تعتقد أنهم نصابين

على أي حال حاول تفكر تاني في مزايا التايم شير وتجرب مرة أو أتنين وبعد كده احكم بنفسك من خلال التجربه :thnkr:
يعني هل المنتجعات بتاعتهم منتجعات متميزه ؟ هل العقد بيتيحلك السفر خارج مصر ؟ هل تقدر تأجر الأسبوع بتاعك لغيرك ؟ يعني شوف بنفسك وأعرف مدى الاستفاده إللي هاتستفيدها و قارنها بالمقابل إللي هاتدفعه وأحسبها وتوكل على الله

وماتزعلش نفسك أبدا و لا تضايق ولو حسبتها بتأني ولقيت العقد ماينسبكش إحنا ممكن نجمع أكبر عدد من الاعضاء وأنا أولهم ونروحلهم و نضغط عليهم عشان يرجعوا العقد إن شالله توصل إننا نعمل مظاهرة قدام مقر الشركة:36_2_16:

ماتقلقش

رد: فولت العربية اتدبست فى شليه تايم شير مش عارف ازاى

التايم شير كأنك اشتريت حق الانتفاق بشالية خلال فترة الصيف مدى الحياة
في شركات عندها اكثر من منتجع شرم و الغردقة و العين السخنة و الساحل الشمالي و في شركات كمان بتبقى دولية يعني عندها في تركيا او اليونان او غيرها فده معناه ىانك ليك جناح لمدة اسبوع مجانا كل سنة في اي منتجع تابع للشركة او هي متعاقدة معاه مدى الحياة

في ناس بتحب تصييف في مكان نظيف فالتايم شير ميزة ليهم و في ناس بتأجر الشالية او الجناح لحد تاني خلال الاسبوع بتاعهم يعني ب 2000 او 1000 جنيه في الاسبوع ده كل سنة او على حسب المكان

لو انت ملكش في الخروجات و المصايف امال ليه وافقت و جبت الفلوس و تعاقدت اصلا؟؟؟

رد: فولت العربية اتدبست فى شليه تايم شير مش عارف ازاى

ممكن تروح و تاخد 95 فى المئة من فلوسك لو خلال 3 شهور من كتابة العقد الابتدائى يعنى روح دلوقتى و استلم فلوسك و لو رفضوا اطلع على شرطة السياحة

رد: فولت العربية اتدبست فى شليه تايم شير مش عارف ازاى

اقتباس:

المشاركة الأصلية كتبت بواسطة amdd (المشاركة 618999)

هي دي احسن طريقة للتعامل مع الناس دي
انا زنقوني مرة في بنزينه وواحد بيه ببدلة وكرافته سلمني لواحد بيه تاني اسمه مستر فلان ووقفت معاهم ربع ساعه انا قاعد جوه العربية وهوا موطي على باب العربية بيكلمني ربع ساعه انه يطلع مني بفلوس .... استحالة طبعا وعيب جدا على الدمايطه .. المهم قالي طيب هات اي اثبات شخصية نضمن بيه انك هتيجي الحفلة قولتله ما فيش معايا الا كارنية النقابه .. قال : ماشي طلعتله كارنيه نقابه قديم مكسر ستميت حته .... بص كده ويأس خالص وقالي معلش فرصة تانية