رد: أرجو الأفادة مرسيدس E240 elgance
 

متشكر على ردكم بس المتور حالتة فوق 90 %بعد الكشف علية و هى تعمل فلوس فوق 200 الف جنية أية رأيكم ياجماعة

رد: أرجو الأفادة مرسيدس E240 elgance
 

ياجماعة أرجو المساعدة بالرأى ...أنا محتار بين العربية دة المرسيديس و البي أم عموما ....مش عارف؟؟؟ ولا خلينى فى المرسيديس خصوصا فى العربية دة ولا أخش فى البى أم مع أن معظم المتواجد فى السوق سواء الفئة الثالثة أو الخامسة تقفيل مصرى و أحدث أرخص و العربية المرسيديس اللى قدامى عارف حلتها كويس أوى بعض الكشف عليها فى التوكيل حتة حتة من أول العجل الى السقف و فوق كل دة تقفيل ألمانى وارد ألمنيا ....أرجو الأستشارة بدون تعصب...

رد: أرجو الأفادة مرسيدس E240 elgance
 

اية ياجماعة هو الأستفسار صعب أوى كدة ... ياريت حد يفدنى لأنى بجد محتار فى أنتظار مشاركتكم

رد: أرجو الأفادة مرسيدس E240 elgance
 

المرسيدس طبعا جميلة جدا .. لو هتقدر على استهلاكها للبنزين وصيانتها الدوريه .. وهتقدر تحافظ عليها يبقى توكل على الله وخصوصا ان حالتها كويسة زى ما بتقول ...

وطبعا المرسيدس افضل بمراحل من البى ام وانا متأكد انك يوم لما تشتريها عمرك ما هتفكر تنزل منها ابدا الا علشان تركب مرسيدس احدث ...

بالتوفيق ......

رد: أرجو الأفادة مرسيدس E240 elgance
 

المرسيدس e240 elgance موديل2000 ديه 2400 سى سى بقوه 170 حصان والعربيه ديه تعتبر من اروع العربيات فى سنه انتاجها المرسيديس عيبه ارتفاع سعر قطع غياره وسعر الصيانه بيكون غالى بس عربيه معمره سواء قطع غيار او العربيه زات نفسها وسعر اعاده البيع معقول ماسك نفسه لكن بتكون المرسيديس تقيل شويه فى اعاده بيعه لكن بتنباع . وعلى العموم ديه صوره للعربيه الى حضرتك بتكلم عليها .
http://pic.autoscout24.net/images/66...9971667001.jpg
بس ملحوظه حضرتك السعر الى بتكلم فيه الى هوا فوق 200الف جنيه ده يعتبر سعر مبالغ فيه جدا هوا يعتبر سعرها فى رنج 160الف حلو جدا جدا .
لكن ابتداء من 200الف ده هيكون سعر موديل 2003 وانت طالع وديه صوره لموديل 2003 ومطلوب فيها 240الف http://www.car100100.com/car_images/dscf6587.jpg
وربنا يوفقك للى فيه الخير وصلى الاول صلاه استخاره قبل الشراء
وتقبل تحياتى

رد: أرجو الأفادة مرسيدس E240 elgance
 

بالنسبة للحالة هى عربية تمام دة طبعا بعد الكشف عليها عند التوكيل ...اما بالنسبة للسعر لو تاجر هيشترى حيخدها على 240 ودة أمام عينى معرض فى المنصورة و طبعا حيخدها و مش حيبعها أقل من 250 ,270 ألف دة لو مش أكتر كمان حاجة أفترى؟؟؟ و تبرير الكلام دة عشان هى تقفيل ألمانى و طبعا حلتها جيدة جدا ..وفعلا هى زى العربية الفضى اللى فى الصورة بس الفرق وجود جنوط سبور و رشاشات فوانيس بالنسبة لقطع غيرها أنا شيفها معقولة خصوصا الأستراد ومتوفرة ثم أنا و الحمدلله معظم أستعمالى للعربية سفر و حضرتك بتأكد أنها أفضل من البي أم ياترى فى أة ؟؟؟ ويبدو أن سياتك ذو خبرة فى المرسيدس فكنت عايز أعرف أقصى سرعة العربية دة تأدر تجبها و أية أخبار تجمعها و عزمها و أداء تكيفها ؟؟؟؟؟؟؟ياريت ياجماعة تفيدونا أفادكم الله و شكرا

رد: أرجو الأفادة مرسيدس E240 elgance
 

باشا شوف حضرتك المرسيدس كله عموما تقفيل المانى وخصوصا الموديل الى حضرتك بتكلم فيه ده العربيه لو حلتها جيده جدا وكويسه هيبقى اخرها 180الف جنيه غير كده هيبقى سراحه حرام وسرقه عينى عينك معلشى ياباشا كفايا ان عمرها 12 سنه . اما بخصوص اقصى سرعه ليها فبيكون 236 كيلومتر فى الساعه وعزمها شديد جدا والعربيه بتنقل من الصفر الى 100 فى حوالى 9 ثوانى
تكيفها وادائها فى منتهى الروعه بس بردك حسب حاله العربيه لان العربيه الى هتشتريها مستعمله فلازم بردك تعمل كشف على كل صغيره وكبيره فيها .
ولو صاحب العربيه مش موافق على السعر وطالب سعر اكتر انا انصحك انك تخليك فى البى ام دبلو اعلى فئه فى الفئه الخامسه موديل 2000 الى 2004 ده سعره بيتراوح فى السوق من 85 الف جنيه الى145 الف جنيه حسب حاله العربيه
وعربيه شبابيه وبتاع سفريات طويله وهتلاقى فيها كل الكمالياتالى موجوده فى المرسيدس . وربنا يوفقك للى فيه الخير