مصر موتورز مجتمع السيارات - انا ضد العصيان المدني لأني مش عايز أدمر الإقتصاد !!

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

رد: انا ضد العصيان المدني لأني مش عايز أدمر الإقتصاد !!

اقتباس:

المشاركة الأصلية كتبت بواسطة tonsy1979 (المشاركة 613591)

وعموما ان جيتوا للحق العصيان المدنى نتايجه السلبية ستكون كارثية على الشعب الغلبان قبل النظام
تخيل مثلا واحدة جت تولد راحت المستشفى علشان تولد قالولها معلش اصل احنا مضربين طيب تروح لام احمد الداية مثلا المشكلة تطلع ام احمد مضربة هى كمان تروح تموت تيجى يطلعولها تصريح الدفن من الصحة طبعا اول ناس قافلين مش محتاجين عصيان يروحوا يدفنوها شمال يلاقوا الحانوتى راخر مضرب طيب يعملوا ايه يحرقوها .. ماشى يدورو على بنزين طبعا مفيش اذا كان من غير عصيان كانوا عاملينها ازمة:fun_36_3_4[1]:

العصيان المدنى لا يسرى على الأطباء والمستشفيات والصيدليات والشرطة.

رد: انا ضد العصيان المدني لأني مش عايز أدمر الإقتصاد !!

اقتباس:

المشاركة الأصلية كتبت بواسطة تامر ديزل (المشاركة 613621)

على رايك .. وده اللي انا بقوله برده .. الشعوب الشغالة اوروبا وامريكا لما العمال يعملوا اضراب عن العمل بيقدروا يشلوا حركة البلد بجد فيقوم المسئولين يجروا يشوفوا الناس دي عاوزه ايه ويتفاوضوا معاهم عشان الدنيا تمشي ... انما انا متهيالي عندنا في مصر لو عملنا اضراب تلات سنين محدش هياخد باله :hech:

+111
بالفعل لن يحس أحد بالعصيان المدنى ولن تكون له نتائج سلبية.

رد: انا ضد العصيان المدني لأني مش عايز أدمر الإقتصاد !!

اقتباس:

المشاركة الأصلية كتبت بواسطة atgps (المشاركة 613647)

+111
بالفعل لن يحس أحد بالعصيان المدنى ولن تكون له نتائج سلبية.

واسمحلي اختلف كمان واقول انه مش هتكون ليه نتائج سلبية ولا ايجابية .. لانه زي ما انا متوقع هيكون زي الماتش اللي بدون جمهور... مجموعة من النشطاء هيعملوا الاضراب والناس هتمارس حياتها عادي جدا ... بس انا بقول محدش هيحس بحاجه لاننا اساسا في المجمل العام شعب غير منتج فمش فارقه شغالين تقريبا زي مضربين النتيجه واحده

رد: انا ضد العصيان المدني لأني مش عايز أدمر الإقتصاد !!

اقتباس:

المشاركة الأصلية كتبت بواسطة تامر ديزل (المشاركة 613653)

بالتأكيد مافيش اختلاف، لأن الآضراب أو العصيان المدنى يؤتى نتيجته للشعب المنتج بالفعل، ولكن على رأيك الناس حتمارس حياتها عادى يعنى اللى قاعد على القهوة حيستمر فى قعدته واللى بيتفسح فى المول برضه حيكون عايش حياته العادية، أما موظفى الحكومة فمعظمهم فى حالة اضراب فعلى عن العمل فوقت العمل الحقيقي لا يتعدى دقائق يوميا.
وبرضه أنا حأكلمك فى موضوع خاص بعملك، كم عدد الساعات الواجبة للسيارة النقل للعمل يوميا حتى تكون الشركة فى حالة ربح؟
هل تعلم يا أخى ان فى احدى الشركات التى لديها الآلاف من السيارات، متوسط عمل السيارة يوميا لا يتعدى 3 ساعات!!!!!

رد: انا ضد العصيان المدني لأني مش عايز أدمر الإقتصاد !!

اقتباس:

المشاركة الأصلية كتبت بواسطة atgps (المشاركة 613640)

العصيان المدنى لا يسرى على الأطباء والمستشفيات والصيدليات والشرطة.

حضرتك ده فى الدول المتقدمة التى تطبق القوانين وتلتزم به وليس قانون الشارع
وبالمناسبة حضرتك نسيت اضراب بعض الاطباء من كام شهر لرفع مرتباتهم