مصر موتورز مجتمع السيارات - قول رايك في الصورة دي

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - قول رايك في الصورة دي (https://www.masrmotors.com/vb/showthread.php?t=79426)

رد: قول رايك في الصورة دي

ممكن اخد راى صديق ؟:fun_36_3_4[1]:

رد: قول رايك في الصورة دي

موضوع ان فيه بلطجية مندسين و مدفوعلهم دا امر انا متأكد منه اصلا مليون المية لكن عددهم عمره ما يزيد عن عشرات من وسط الاف و لكنهم منظمون بحيث يقوموا بعملية تخريب محدده و عملية اشعال النار طول الوقت بين الثوار و الجيش و الثوار و الداخلية و الثوار و بعضهم في احيان اخرى!!!

مين اللي بيدفع للبلطجية دول و مين اللي بيوجهم هو ده الخلاف الاول
الخلاف التاني ان استحالة و اكبر غلط انك تقول على كل المتظاهرين بلطجية بسبب القلة المندسة المدفوع لها

انا رايي في الاختلاف الاول ان البلطجية دول مدفوعلهم من بعض رموز و فلول الحزب الواطي المنحل و بتخطيط و توجيه من امن الدولة الذي لا يزال فعال استمرارا لخطة الفوضى التي اعلنوا عنها بانفسهم قبيل تنحي مبارك و بدأت بفتح السجون و اطلاق المجرميم مرورا بالموتيسيكلات اللي لما كانت بتتمسك اثناء اللجان الشعبية يطلعوا مخبرين امن دولة و مرورا ايضا بحوادث متفرقة و متعدده شهدتها مصر خلال العام الماضي و منها احداث بورسعيد على سبيل الذكر و ليس الحصر

في الطرف الاخر الاخ وليد الوحش اللي بيقول ان اللي بيمول البلطجية دول هما اسرائيل و امريكا و صربيا و ايران و السعودية و بعض دول اوروبية و مفيش مانع ليبيا و سوريا و حماس و الاخوان الدولي و حزب الله و الهدف هو ما بين تدمير البلد بالكامل - و ما بين ان امريكا تمسك الحكم او ان مصر تتقسم لاربع دول و اسرائيل تاخد سيناء

الاختلاف التاني طبعا هو عدم جواز التعميم و ان سبب المصايب دي كلها المجلس السمكري
لان بكل بساطة لو كان مجلس الشعب انتهى خلال 4 اشهر من فبراير و اتلغى مجلس الشورى و الانتخابات الرئاسية خلصت على دلوقتي. و القضايا الجنائية كما هو معلوم الحكم فيها بيستغرق 6 اشهر على اقصى تقدير و المدرعات اللي نازلة بتتمخطر دلوقتي كانت نزلت من سنة فاتت و مكانش مصريين ماتوا و اتنهبوا على ايد البلطجة المطلقي السراح ما كانش في اي بني ادم فتح بقه بنص كلمه لاننا كنا كلنا حنشهد بنزاهة و صدق نوايا مجلس الجنرالات

رد: قول رايك في الصورة دي

اقتباس:

المشاركة الأصلية كتبت بواسطة MmFFoR (المشاركة 613574)

موضوع ان فيه بلطجية مندسين و مدفوعلهم دا امر انا متأكد منه اصلا مليون المية لكن عددهم عمره ما يزيد عن عشرات من وسط الاف و لكنهم منظمون بحيث يقوموا بعملية تخريب محدده و عملية اشعال النار طول الوقت بين الثوار و الجيش و الثوار و الداخلية و الثوار و بعضهم في احيان اخرى!!!
تمام
مين اللي بيدفع للبلطجية دول و مين اللي بيوجهم هو ده الخلاف الاول
ايوه مين ؟ خلي بالك محدش فينا شاف ولكن احنا كلنا بنتوقع يعني كلها توقعات في توقعات
الخلاف التاني ان استحالة و اكبر غلط انك تقول على كل المتظاهرين بلطجية بسبب القلة المندسة المدفوع لها
اكبر صح والالتزام بالمبدأ ده واجب لكل اللي عاوز يوصل فكره للناس خصوصا اذا كان من دعاة الاستقرار وتجنب الصدامات والمواجهات

انا رايي في الاختلاف الاول ان البلطجية دول مدفوعلهم من بعض رموز و فلول الحزب الواطي المنحل و بتخطيط و توجيه من امن الدولة الذي لا يزال فعال استمرارا لخطة الفوضى التي اعلنوا عنها بانفسهم قبيل تنحي مبارك و بدأت بفتح السجون و اطلاق المجرميم مرورا بالموتيسيكلات اللي لما كانت بتتمسك اثناء اللجان الشعبية يطلعوا مخبرين امن دولة و مرورا ايضا بحوادث متفرقة و متعدده شهدتها مصر خلال العام الماضي و منها احداث بورسعيد على سبيل الذكر و ليس الحصر

احنمال وارد
في الطرف الاخر الاخ وليد الوحش اللي بيقول ان اللي بيمول البلطجية دول هما اسرائيل و امريكا و صربيا و ايران و السعودية و بعض دول اوروبية و مفيش مانع ليبيا و سوريا و حماس و الاخوان الدولي و حزب الله و الهدف هو ما بين تدمير البلد بالكامل - و ما بين ان امريكا تمسك الحكم او ان مصر تتقسم لاربع دول و اسرائيل تاخد سيناء
احتمال وارد برده ... ايه المانع يعني ماهيا كلها توقعات

الاختلاف التاني طبعا هو عدم جواز التعميم و ان سبب المصايب دي كلها المجلس السمكري
لان بكل بساطة لو كان مجلس الشعب انتهى خلال 4 اشهر من فبراير و اتلغى مجلس الشورى و الانتخابات الرئاسية خلصت على دلوقتي. و القضايا الجنائية كما هو معلوم الحكم فيها بيستغرق 6 اشهر على اقصى تقدير و المدرعات اللي نازلة بتتمخطر دلوقتي كانت نزلت من سنة فاتت و مكانش مصريين ماتوا و اتنهبوا على ايد البلطجة المطلقي السراح ما كانش في اي بني ادم فتح بقه بنص كلمه لاننا كنا كلنا حنشهد بنزاهة و صدق نوايا مجلس الجنرالات
ودي برده من جوانب التقصير بتاعت المجلس العسكري كقياده سياسية وتنفيذية

الرد في الاقتباس ..
فيه حاجه صغيرة بس مهمة يمكن توضح الامور وتزيل كتير من الخلاف ... فيه بعض الناس في مصر معترضة حاليا على كل انواع التظاهر والاضرابات والصدام وكل واحد ليه اسبابه .. مش معنى كده انهم ضد الثورة .. ابدا .. انا عن نفسي معترض ان في الفترة الاخيرة وتحديدا من بعد 18 نوفمبر دعاة التظاهر والمنظمين الرئيسيين ليها هما رموز انا بالبلدي( مبحبهومش ) علشان كده مش عاوز امشي وراهم ...بس كده .. بكل بساطه .. ليه بقى ؟ ده موضوع تاني نبقى نتكلم فيه بعدين

رد: قول رايك في الصورة دي

شكرا على اسلوب الحوار و الرد

رد: قول رايك في الصورة دي

:017165~155::017165~155:: 017165~155::017165~155:

رد: قول رايك في الصورة دي

اقتباس:

المشاركة الأصلية كتبت بواسطة MmFFoR (المشاركة 613599)

شكرا على اسلوب الحوار و الرد

يا باشمهندس انت عارف احنا كلنا مشكلتنا في ايه ؟ مش عاوزين نسمع بعض او مش عارفين نسمع بعض .. كل واحد عاوز يبقى هوا الصح من غير ما يتحمل حتى تعديل على كلامه ... والحاجه التانيه اللي مدايقاني وياريت اقدر اوصلها للناس كلها ... مثلا لو موضوع سياسي اتفتح ودخلت الناس تعلق .. مش لازم نكون كلنا متفقين ... ولكن انا بلاحظ ان فيه ناس قاعده مستنيه ان اي واحد يدخل يقول راي فيه شبهة انه مش موافق على المظاهرات او انه مش وقته او نهدا ياجماعه علشان البلد تهدى او مش عاجبه علاء او نوارة او البرادعي .. او اي حاجه في الاتجاه ده .. تلاقي المدافع اشتغلت .. يافلول ياعبد يابتاع جزمة المجلس ياذليل يااااااااا وهاتك يا ضرب ... يضطر حفظا لكرامته يشغل مدفع التخوين هوا كمان هيعمل ايه يعني ؟
في حين انه مقالش في البداية حاجه تستدعي الكلام ده كله ... بس تقول ايه لازم نلاقي واحد نعمل عليه ثورجيه .. ويبدا خلاف ومشكلة كبيرة كان ممكن من الاول ما تحصلش لولا الرغبات الشخصية في البطولة اللي كلنا محرومين منها من سنين لاننا كلنا كنا في عهد مبارك كومبارس وصامت كمان ..

رد: قول رايك في الصورة دي

اقتباس:

المشاركة الأصلية كتبت بواسطة تامر ديزل (المشاركة 613614)

وجهة نظر يتم احترامها

بس و الله يا جماعة انا مش مؤيد لنوارة و لا البرادعي!!! و اصدقائي في الجمعية للتغيير بتوع البرادعي بيتخانقوا معايا اني مش مع البرادعي او مؤيد ليه
و الاخوان بيهاجموني اني مش مع الاخوان
و مؤيدي العسكري بيهاجموني ان بنقد العسكري و مش مؤيد ليه
الوحيدين اللي حنيين شوية معايا هما السلفيين بس برضه بيهاجموني لو قولت ان الشحات او التاني عكوا شوية في الكلام

كأن اللي بيؤيد جهة نصبها الهة من دون الله تصيب ابد الدهر ولا تخطيء بالمطلق