|
رد: شباب ؛ ايه الأفضل كورولا من السعودية واجمركها ولا من التوكيل في مصر ؟!
بص يا باشا أنا عربيتى كورولا 2009 خليجى و فضلتها على الجنوب افريقى للأسباب الاتية
1_الباركينج سنسورز و الجنوط 2_الخليجى برئ تماما تماما من عيوب الفرامل اللى كانت موجودة فى الموديلات الاتية 2008 2009 2010 و من العيب ده اتصلح ابتداءا من موديل 2011 رغم انه العيب ده بيظهر فى البلاد ذات الطقس البارد. و خلى بالك ماتور الخليجى 108 حصان و الجنوب افريقى 122 حصان بس أنا راضى تماما بأداء الماتور و بيستجيب كويس جدا. بس الجنوب افريقى فيها اوبشنز أكتر و أسفل العربية مصفح و الخليجى غير مصفح بس مش بخل ولا حاجة ده بس عشان الخليج درجة الحرارة مرتفعة فا العربية هتسخن. الخليجى بجمييع فئاته بها وسادتين أماميتان أما الجنوب افريقى الهايلاين بها تسعة وسائد. و العربيتين قطع غيارهم يابانى 100% فا انت و اللى يعجبك فيهم توكل على الله و اختار :fun_36_3_11[1]: |
رد: شباب ؛ ايه الأفضل كورولا من السعودية واجمركها ولا من التوكيل في مصر ؟!
اقتباس:
طيب بالنسبة لسعر الخليجي والجنوب أفريقي في السوق هل في فرق ؟! وهل يوجد فرق في الاعتمادية بين الاتنين ولا الاتنين تمام |
رد: شباب ؛ ايه الأفضل كورولا من السعودية واجمركها ولا من التوكيل في مصر ؟!
الكورولا ال 2012فى السعودية والامارات تجميع تايوانى فى مصر يابانى
|
رد: شباب ؛ ايه الأفضل كورولا من السعودية واجمركها ولا من التوكيل في مصر ؟!
اقتباس:
أنا فعلا وصلتني معلومات بكدة |
رد: شباب ؛ ايه الأفضل كورولا من السعودية واجمركها ولا من التوكيل في مصر ؟!
فرق السعر مش كبير مش هتوفر كتير لو جبتها من السعوديه
و شحن و جمارك و وجع دماغ اشتريها من مصر علشان الضمان الضمان و علشان فعلا النسخه البتنزل الامارات بتتجمع في التيوان انا متاكد من المعلومه ديت و م 1600 في منها فئتين و الاتنين مفيهمش كل الاوبشنز يعني فتحت السقف بس بتزل في 1800 |
رد: شباب ؛ ايه الأفضل كورولا من السعودية واجمركها ولا من التوكيل في مصر ؟!
الموضوع منور باصحابه
بالنسبة للسعر يا باشا الخليجى سعره بيبقى أعلى نسبيا عشان الطلب عليه أكتر يعنى الرنج هنا بتاع الخليجى موديل 2009 جميع الكماليات من 125 ل140 ده النظيف اللى مش مرشوش مش معدى ال80،000 كم و ممكن حضرتك تدخل على موقع كونتاكت كارز www.contactcars.com و تعمل بحث فى جزء على يمين الموقع و تكتب نوع العربية و سنة الصنع و تتفرج على الأسعار. |
رد: شباب ؛ ايه الأفضل كورولا من السعودية واجمركها ولا من التوكيل في مصر ؟!
شكرا يا جماعة على الردود والتفاعل
|
| الساعة الآن 02:10 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017