رد: استفسار بخصوص بطارية شيفروليه لانوس
 

صديقي العزيز
انا لسة مغير بطارية لشيفروليه لانوس 2009
جبت AC-Delco هي امريكي تقفيل سعودي بطارية جافة
المفروض انها 70 امبير بس بعد ما اشتريتها لقيت مكتوب عليها 62 امبير
تمنها 420 لو هياخد القديمة او 480 لو مش هياخد القديمة
صحيح في فرق سعر بس هتريح بالك من تزويد ماء مقطر والمشاكل اللي ممكن تحصل ف حوض العربية وبتشتري راحتك
كمان بيبقي فيها عين سحرية لو لونها اخضر يبقي البطارية تمام ولو اسود يبقي عايزة تتشحن ولو ابيض يبقي بالسلامة البطارية باظت

لكن عايز استفسر من الاعضاء الكلام اللي قالهولي بتاع البطاريات صح ولا لا
يعني هل فعلا ال 70 بيبقي خرجها 62 امبير والبطارية اللي خرجها 70 امبير مينفعش تركب عندي وعايزة عربية كبيرة نقل مثلا او اوتوبيس
ولا بيشتغلني ولا ايه بالضبط
اسف للاطالة

رد: استفسار بخصوص بطارية شيفروليه لانوس
 

لا توجد مشكله مع إستعمال بطاريه 70 أمبير للانوس

إنا مشغل عندى فى النوبيرا 70 أمبير على الرغم إن جايب العربيه من الزيرو ببطاريه 55 أمبير

رد: استفسار بخصوص بطارية شيفروليه لانوس
 

رد: استفسار بخصوص بطارية شيفروليه لانوس
 

اخي سمير انا بستفسر عن البطارية AC-Delco ال 70 امبير
هل بيبقي الخرج بتاعها الفعلي 70 امبير ولا 62 امبير
لان بتاع البطاريات قالي البطاريه AC-Delco اللي الخارج الفعلي بتاعها 70 امبير
حجمها بيبقي كبير جدا
وقالي هي دي اللي بنقول عليها 70 بس الخرج الفعلي 62
البطارية مكتوب عليها TD 70 L
ومكتوب عليها برده 62AH@20hour
وشكرا

رد: استفسار بخصوص بطارية شيفروليه لانوس
 

نعم فهذا هو الأدق علميا

فتقاس قدرة البطاريه بالأمبير ساعه

----------------------

فى السوق يقولولك البطاريه دى 70 أمبير ولكنها فى الواقع 62 أمبير

رد: استفسار بخصوص بطارية شيفروليه لانوس
 

هات بطاريه 70 نسر المهم شحن البطاريه اول مره على فكره البطاريه بتاع الانوس قعدت معايا5 سنوات متجبش جاف غالي علي الفاضي لان الجاف في مصر اي كلام

رد: استفسار بخصوص بطارية شيفروليه لانوس
 

انا معى لانوس 2009وبغير البطاريه بعد 6شهور وايام هى بتبوظ انا اربع بطاريات اشترته لحد الوقت الان بس ان شاء الله هاجيب البطاريه الجافه بعد هذه البطاريه