مصر موتورز مجتمع السيارات - التعريفة الجديدة لتاكسي القاهرة: 2.5 جنيه لفتح العداد و125 قرشًا للكيلو

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: التعريفة الجديدة لتاكسي القاهرة: 2.5 جنيه لفتح العداد و125 قرشًا للكيلو

الله هو المستعان

والله المشكلة الحقيقية انك ماتعرفش مين الظالم و مين المظلوم

لكن انا راى الشخصى

كلنا مظلومون

ماهو سائق التاكسى علية التزامات و فاتح بيت و اسرة و مصاريف و غيرة

و ايضا الزبون مشحوووووووووووط و مهلوك و احيانا بيكون مضطر ياخد تاكسى

فاربنا يعننا جميعا

رد: التعريفة الجديدة لتاكسي القاهرة: 2.5 جنيه لفتح العداد و125 قرشًا للكيلو

اهم حاجة ان السواقين تلتزم ب التعريفة ديت

و ميبقاش فى خناق بين السواق و الراكب

و الاسعار كويسة فى مقابل انك هتركب عربية نضيفة و كراسى تريحك

مش عربية عامل بتتخلع و انت ماشى و تلاقى الكراسى فيها مسامير و حاجة توجع الظهر

شكرا مستر ايمن على الموضوع

رد: التعريفة الجديدة لتاكسي القاهرة: 2.5 جنيه لفتح العداد و125 قرشًا للكيلو

شكرا يا عم ايمن على الخبر الجامد ده

بس يارب في الاخر يعملو بيهptmnlo123per195

رد: التعريفة الجديدة لتاكسي القاهرة: 2.5 جنيه لفتح العداد و125 قرشًا للكيلو

اقتباس:

المشاركة الأصلية كتبت بواسطة Bolbolan (المشاركة 40433)

الى الآخ أبمن - يا عزيزى المسافه بين الحرفيين وسيتى ستارز لا تقل عن 22 -23 كم ! يعنى سواق التاكسى مش جشع أوى كان ممكن من 15 - 20 ج يبقى معقول !
شوف أنا ساكن فى النزهه الجديده والمسافه من الحرفيين للنزهه الجديده حوالى 8-7 كم على حسب انت فى أول الحرفيين أو آخرها ومن أول سور الكليه الحربيه + دائرى الشيراتون حتى سيتى ستار حوالى 13-14 كم
يبقى المجموع حوالى 21 كم أقل شىء يعنى مثل من المطار لرمسيس ! شوف ازاى !! وعجبى !!

Dr. Bolbolan ptmnlo123per1127

لا يا دكتور انا ماكنتش فى الحرفيين انا كنت تقريبا بعد جراج جسر السويس بحوالى 2 كيلو ياعنى نقول السلام مثلا بالضبط عند شارع عمر بن الخطاب تحت الكوبرى

وتقريبا كلها متكملش 10 كيلو

رد: التعريفة الجديدة لتاكسي القاهرة: 2.5 جنيه لفتح العداد و125 قرشًا للكيلو

اقتباس:

المشاركة الأصلية كتبت بواسطة ayman abdelrazek (المشاركة 40348)

انت بتتكلم فى النص والربع جنيه

يا حازم التعريفه دى مش ملزمه للسواقين وياريت اصلا يلتزموا بيها

دول هياخدوا ادها مرتين انت مش عارف الجشع اللى عندنا عامل ازاى

انا مره اخدت تاكسى من عند الميكانيكى فى الحرفيين ورحت لواحد صاحبى فى سيتى ستار

مسافه ماتكملش 3 كيلو كان عاوز كام تخيل؟

بديلو 10 جنيه ومستنى الباقى قالى ايه ده يا استاذ؟

انا عاوز 25 جنيه

شفت الجشع يامعلم

ماهو يا ايمن لما تحسبها في مشوار طويل مثلا 20 كيلو
يبقي وفرنا نص جنيه من فتح العداد و 5 جنيه من توتال المسافه
يعني بدل ما يدفع 27 و نص حيدفع 22 جنيه حتبقي توفير للمسافات الطويله
النص و الربع دول بيعملوا بلاااوي
يا راجل دا مكسب المحل من كارت الموبايل ما بين 10 قروش ل نص جنيه
و هكذا السجاير و البنزين برضه
كده بصراحه كتير علي الزبون