مصر موتورز مجتمع السيارات - استفسار بخصوص تخبيط فى عمود الكرنك و السبيكة

صفحة 2 من 3

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - استفسار بخصوص تخبيط فى عمود الكرنك و السبيكة (https://www.masrmotors.com/vb/showthread.php?t=78207)

atgps

26-01-2012 10:24 PM

رد: استفسار بخصوص تخبيط فى عمود الكرنك و السبيكة

اقتباس:

المشاركة الأصلية كتبت بواسطة douha_wise (المشاركة 603918)

يعنى بتعطى تحذير بصوت كام مرة و بعدين تسكت و بعديها بشويه ممكن تطول أو تقصر تعطى نفس التحذير و برضه تكست و حتى على السلانسيه بتعمل كده احيانا

العربية معاك بقالها كتير؟ حضرتك قلت انك غيرت فلتر الزيت، ديه كانت المرة الوحيدة اللى غيرت فيها فلتر الزيت؟
ياترى صوت الونة ده كان موجود قبل تغيير الزيت والفلتر؟

douha_wise

26-01-2012 10:36 PM

رد: استفسار بخصوص تخبيط فى عمود الكرنك و السبيكة

اقتباس:

المشاركة الأصلية كتبت بواسطة atgps (المشاركة 603934)

العربية بقالها شهر و شوية بس لما اشتريتها و جربت الموتور مسمعتش خالص الصوت ده و بعد ما غيرت الزيت و الفلتر ابتديت الاحظه و دى اول مرة اغير لها زيت و فلتر طبعاو على فكرة العربية بتعرق ميه من الشكمان و كويسه فى سحبها و استهلاك البنزين برغم انها اتوماتيك يعنى تحس انها طبيعية تماما فى الميكانيكا مفيش غير موضوع الصوت ده بس اللى عاملى قلق

samirayad

26-01-2012 10:47 PM

رد: استفسار بخصوص تخبيط فى عمود الكرنك و السبيكة

للأسف

واضح أنه تم غشك فى هذه السياره

والبيه إللى باعهالك غشاش

وكان حاطط زيت شنبر على زيت المكنه علشان يقدر يبيع العربيه

بدون ما أنت تلاحظ موضوع الكرنك وسبائكه

وكده كلام الميكانيكيه سليم

-----------------

لازم طبعا تسقط كرتيرة المكنه ويتم الكشف على حالة عمود الكرنك والسبائك

atgps

26-01-2012 10:58 PM

رد: استفسار بخصوص تخبيط فى عمود الكرنك و السبيكة

اقتباس:

المشاركة الأصلية كتبت بواسطة samirayad (المشاركة 603950)

للأسف
واضح أنه تم غشك فى هذه السياره
والبيه إللى باعهالك غشاش
وكان حاطط زيت شنبر على زيت المكنه علشان يقدر يبيع العربيه
بدون ما أنت تلاحظ موضوع الكرنك وسبائكه
وكده كلام الميكانيكيه سليم
-----------------
لازم طبعا تسقط كرتيرة المكنه ويتم الكشف على حالة عمود الكرنك والسبائك

للأسف ممكن تكون ديه الحقيقة
ولكن غير فلتر الزيت الأول بنوع آخر، احتمال يكون الفلتر مخنوق، وبيمنع وصول ضغط الزيت للضغط الطبيعى، ولكن اذا استمرت لمبة الزيت تنور أو ترعش خصوصا فى السلانسية أو لما يكون الموتور ساخن، فيجب الكشف على السبيكة.

douha_wise

26-01-2012 11:06 PM

رد: استفسار بخصوص تخبيط فى عمود الكرنك و السبيكة

جزاكم الله خيرا اخوتى على اهتمامكم و بخصوص ان اللى اشتريت منه العربيه غشاش فلا اظن هذا لأن معرفة و كمان رجل محترم جدا و كبير فى السن و لا أظن هذا منه و ان شاء الله اجرب تغيير فلتر الزيت لعل و عسى يكون له تأثير فعلا لكن لو لا قدر الله مكنش من الفتر و اضطررت للعمرة و كان الميكانيكيه قالولى امشى بها كده مفيش مشاكل لكن متقرصش على الموتور جامد فهل كده صح علما بأنى لطبيعة سواقتى هاديه فممكن امشى بيها فترة الى أن اجهز و اعمل العمرة و الا غلط
و اكرر شكرى لكما

mr_astra

26-01-2012 11:23 PM

رد: استفسار بخصوص تخبيط فى عمود الكرنك و السبيكة

من سردك للموضوع فعلا عندك ترزيع فى سبيكة الكرنك
والحل سهل مش صعب على فكرة
الاول تعالى نشوف انهى سبيكة بترزع
هاتشيل سلك البوجية بالتتابع 1-2-3-4 وفى كل مرة تزود بنزين لو شلت مثلا سلك البوجية رقم 1 وزودت بنزين والصوت لم يحدث يبقى البستم رقم 1 هو اللى بيرزع
ولكن انا اعتقد مسبقا ان البستم رقم 4 هو اللى بيرزع
المهم بعد ما نحدد البستم نفك كرتيرة الزيت (والموتور راكب)
نفك مسامير البيل ونخلع السبيكة ونجيب زيها بالظبط نفس الزيرو
ونقفل تانى وبامر الله الدنيا تظبط معاك
وعلى فكرة طقم السبيكة مصانع ودة احسن حاجة بـ 80 جنية
وممكن ترجع الزيت تانى لو حبيت عشان تقلل التكلفة
تقبل مرورى

samirayad

26-01-2012 11:34 PM

رد: استفسار بخصوص تخبيط فى عمود الكرنك و السبيكة

غير زيت وفلتر أولا

أما نشوف الترزيع هيمنع واللمبه متنورش معاك ولا لا

جايز نكون ظالمين بائع السياره

والعيب عيب فى نوعية الزيت

...................

أنا بأستخدم زيت التعاون SL ( ذو الجركل الأصفر )

زيت ممتاز وبحوالى 92 ج

هاته هو والفلتر وغير ونشوف الوضع هيبقى ماشى معاك إزاى

الساعة الآن 09:10 PM.

صفحة 2 من 3

عرض 7 مشاركات من هذا الموضوع لكل صفحة