مصر موتورز مجتمع السيارات - عايز اختار بين هؤلاء ( رينو سكالا - نسان صنى - هيونداى i20 - اكسنت rb

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رينو سكالا اوتوماتيك : عايز اختار بين هؤلاء

اقتباس:

المشاركة الأصلية كتبت بواسطة صلى على الرسول (المشاركة 602861)

بسم الله 1- رينو سكالا اوتوماتيك 2012 2- نسان صنى اوتوماتيك 2012 3- هيونداى i20 اوتوماتيك 4- اكسنت rb اوتوماتيك 5- بروتون برسونا اوتوماتيك مع العلم انى مهندس مدنى بسافر كتير وبمشى فى طرق مبهدله (العفشه كويسه و موتور شديد والسعر عند البيع والتوكيل وقطع الغيار ) ...........ان معايا افيو وطالع عينى منها فانا هبيعها وهشترى حاجه من دول عايز من اهل الخبره يرشحولى واحده ولانى مش هقدر ادفع اكثر من ذلك وجزاكم الله خيرا

رينو سكالا اوتوماتيك

http://www.youtube.com/watch?v=owAgXXizcUs

http://www.youtube.com/watch?v=Wq6jqcH15vQ

http://www.youtube.com/watch?v=J7knCL2p6uY

:pod_of_gold::pod_of_gold ::pod_of_gold::pod_of_gol d::pod_of_gold::pod_of_go ld::pod_of_gold:

رد: عايز اختار بين هؤلاء ( رينو سكالا - نسان صنى - هيونداى i20 - اكسنت rb - بروتون برسونا)

اولاً بالنسبة لتعقيب الشيخ طارق عن الاسم حبيت بس اقول ان فيه ناس اسمهم كده فى البطاقة فعلاً وانا كان معايا زميل فى الشغل اسمة صلى على النبى او على الرسول (عليه الصلاة والسلام)

ثانياً اسمحلى احيي حضرتك على عرضك المرتب لافكارك واستفساراتك اللى بيسهل علينا تقديم الاستشارة وتنسيق محتوى الموقع

اما بخصوص السؤال فحسب اولياتك نستبعد تماما ال I20 لانها لا عفشه ولا موتور ولا اى حاجة من اللى انت عايزة
اما الباقى
1- عفشه كويسه ( السكالا - البروتون - الصنى )
2- و موتور شديد ( الاكسنت - الصنى - البروتون)
3- والسعر عند البيع ( الاكسنت - الصنى )
4- والتوكيل وقطع الغيار ( الاكسنت - الصنى )

وبالتالى هتلاقى القسام المشترك فى كل ما طلبت هى النيسان صنى ثم الاكسنت

يعيب البرسونا والسكالا قطع الغيار والاضطرار للتوكيل وعدم الانتشار اللى بيخلى اعادة البيع مش مضمونة على عكس الهيونداى والنيسان قطع غيارهم وصيانتهم فى كل حته واعادة البيع اضمن بكتير

ويعيب الصنى كونها تقفيل مصرى وشكلها التقليدي نسبياً
ويعيب الاكسنت ضعف عفشتها مقارنة بالصنى او الرينو والبرسونا وافتقارها للكماليات مقارنة بالبيرسونا وانعدام وسائل الامان مقارنة باى عربيه تانية

يعنى مفيش عربيه هى الافضل على الاطلاق لكن فيه الانسب لاحتياجتك واولوياتك

فكر وشاور وانزل اتفرج على كل واحدة فى المعارض واقراء عنهم كويس لحد ما تميل لواحدة نفسياً وترجح اختيارها بعقلك وحسابتك ومتنساش لما تنوى تستخير

ومبروك مقدماً :010104~171:

رد: عايز اختار بين هؤلاء ( رينو سكالا - نسان صنى - هيونداى i20 - اكسنت rb - بروتون برسونا)

متطلبات حضرتك متفصلة بالظبط على النيسان صنى عربية محترمة جدا و يابانى تقفيل مصرى جيد جدا مفيهوش مشاكل ولو فية بتتحل فى اول صيانه مجانا ,عفشه للخدمه الشاقة , موتور قوى 118 حصان , صاج متين ,وسائل امان ايرباجز و اي بي اس ,شكلها انا شايف انو كلاسيك شيك جدا ولية هيبة,النيسان معروفة انها حمالة قاسية الباقى مش هيستحمل معاك زيها ,اتكل على الله و مش هتندم .

رد: عايز اختار بين هؤلاء ( رينو سكالا - نسان صنى - هيونداى i20 - اكسنت rb - بروتون برسونا)

جزاكم الله خيرا على كل الردود وخاصه( ابو نورا) بس انا ان شاء الله مرتاح للبرسونا بس بعد صلاه الاستخاره --- انا كنت منزل موضوع تانى مقارنه بين الكارينز والداستر والسول وليفينا على اساس كنا هنبيع السياره الافيو وعربيه الوالد ونجيب حاجه فيهم بس محصلش نصيب ففى الغالب ان شاء الله هبيع الافيو واجيب ان شاء الله البرسونا ادعوا لى