رد: غسيل السيارة
 

اية المصيبة فى انة يغسل المتور طب ما هو المتور بيبقى علية تراب و شحم و وساخة

انا معترض على كلمة شحم دي لأن الموتور ده لسه جديد
فالحكايه اخرها شويه تراب
وحتي لو قلنا ان الموتور فيه شحم وتراب
ايه المشكله في كده ؟؟؟
الموتور ح يقرف مثلا ؟؟؟ ولا ح يقول " يع انا مش شغال "
ولا التراب ح يضايق السائق على اساس انه ح يقعد في الكبوت مش في صالون العربيه !!!!

مش الحاجت ديت تستحق التنضيف ولا لا

طبعا تستحق التنضيف ، بس ده في حالة لو كانت ع الكراسي اللي ح نقعد عليها ، إنما ع الموتور ولا على الإطارات ، ح يضايقك ده في ايه ؟؟؟؟؟
وخلينا منطقيين ، انت بتغسل الموتور ، وبتطلع بيه في الشارع وحتت كتيره فيه لسه مبلوله ، يعني بدل التراب والشحم ح تلم فيه طينه !!!!
واوعي تقوللي بيأثر على سحب العربيه !!!

و الرفارف بتاعت العربية ما هيا بيبقى كلها طينة و مياة مجارى و حاجة زفت

يا صديقي .. طريقة الغسيل في البنزينه بدفع الماء بقوة في الرفارف بتخلي الميه توصل لأماكن مش مفروض توصلها اصلا ، وهو ده اللي بيعمل البارومه
انما مياه الشارع العاديه ، اخرها ح تكون حوالين الإطارات فقط ، وبعدين العربيه دي لسه جديده
ثم انك بعد ما ح تغسل العربيه من الطين والمجاري والحاجات الزفت ، ح ترجع تمشي فيها في الطين والمجاري والحاجات الزفت تاني برضه ، ده غير انها ح تلم تراب وقرف لأنها بتكون لسه مبلوله وهي خارجه من البنزينه ، والطين ح توصل لأماكن مكانتش فيها اصلا

عمر ما حد هيغسل عربية ب 20 جنية علشان يبوظها

العبره مش بالفلوس يا أخ lancer,style
ماهو في ناس بتصرف اكتر من كده عشان تركب للعربيه ديفل ، ولا تنفخ الرفارف ، أو تخرم في الشاسيه عشان تثبت بازوكا !!!
ماهو كل دي حاجات بفلوس برضه ، وبتبوظ العربيه


ختاما
دي وجهة نظري
وارجو انك توضحلي لو غلط
عشان انا شخصيا بحب استفيد
وتقبل احترامي وتحياتي

رد: غسيل السيارة
 

اية المصيبة فى انة يغسل المتور طب ما هو المتور بيبقى علية تراب و شحم و وساخة

انا معترض على كلمة شحم دي لأن الموتور ده لسه جديد
فالحكايه اخرها شويه تراب
وحتي لو قلنا ان الموتور فيه شحم وتراب
ايه المشكله في كده ؟؟؟
الموتور ح يقرف مثلا ؟؟؟ ولا ح يقول " يع انا مش شغال "
ولا التراب ح يضايق السائق على اساس انه ح يقعد في الكبوت مش في صالون العربيه !!!!

هو لو حضرتك واخد الموضوع تريقة يبقى بلاش

القصة قصة نظافة


مش الحاجت ديت تستحق التنضيف ولا لا

طبعا تستحق التنضيف ، بس ده في حالة لو كانت ع الكراسي اللي ح نقعد عليها ، إنما ع الموتور ولا على الإطارات ، ح يضايقك ده في ايه ؟؟؟؟؟
وخلينا منطقيين ، انت بتغسل الموتور ، وبتطلع بيه في الشارع وحتت كتيره فيه لسه مبلوله ، يعني بدل التراب والشحم ح تلم فيه طينه !!!!
واوعي تقوللي بيأثر على سحب العربيه !!!


ما هو لو اواحد هيفكر انة هيغسلة النهادرة و هيتوسخ يبقى الناس لا تستحمى ولا تغسل هدومها

و لا تنضف اى حاجة طالما هيا هتتوسخ تانى


و الرفارف بتاعت العربية ما هيا بيبقى كلها طينة و مياة مجارى و حاجة زفت

يا صديقي .. طريقة الغسيل في البنزينه بدفع الماء بقوة في الرفارف بتخلي الميه توصل لأماكن مش مفروض توصلها اصلا ، وهو ده اللي بيعمل البارومه
انما مياه الشارع العاديه ، اخرها ح تكون حوالين الإطارات فقط ، وبعدين العربيه دي لسه جديده
ثم انك بعد ما ح تغسل العربيه من الطين والمجاري والحاجات الزفت ، ح ترجع تمشي فيها في الطين والمجاري والحاجات الزفت تاني برضه ، ده غير انها ح تلم تراب وقرف لأنها بتكون لسه مبلوله وهي خارجه من البنزينه ، والطين ح توصل لأماكن مكانتش فيها اصلا


يا استاذى العربية مش مصفى علشان يخش المياة في اماكن ضيقة

و كمان المياة بتنشف مع و بتنزل مع الوقت و مش كتير

يعنى هتبقى حلوة لو فيها كوم طينة ولا لما تتوسخ و تنضفها


عمر ما حد هيغسل عربية ب 20 جنية علشان يبوظها
العبره مش بالفلوس يا أخ lancer,style
ماهو في ناس بتصرف اكتر من كده عشان تركب للعربيه ديفل ، ولا تنفخ الرفارف ، أو تخرم في الشاسيه عشان تثبت بازوكا !!!
ماهو كل دي حاجات بفلوس برضه ، وبتبوظ العربيه

الحاجات ديت بتبوظ انما الغسيل عمرة مكان ضار المتور بعد ما بيتغسل بينفخ بالهواء

علشان المياة الى عالقة فية تروح لان الحوض بتاع المتور مبتنزلش منة المياة زى باقى الجسم

ختاما
دي وجهة نظري
وارجو انك توضحلي لو غلط
عشان انا شخصيا بحب استفيد
وتقبل احترامي وتحياتي



و بوجة كلامى ل الاستاذ صاحب الموضوع

المتور لما بيتغسل بيتغسل ب مياة و صابون بس

او مياة و صابون و جاز

و بعد لما الراجل بيخلص بينفخة بالهواء و انا بغسل عربيتى و مفيش اى ضرر لان الموضوع كلة نضافة و منظر العربية ليك مش لحد تانى

رد: غسيل السيارة
 

وأنا بوجه كلامي ليك يا lancer.style

الخلاف في الرأي لا يفسد للود قضيه
وحقك علي لو كلامي ضايقك ، انت عرضت وجهة نظر وانا عرضت وجهة نظري
بس انا حاسس انك زعلت من طريقة كلامي
فتقبل اعتذاري واحترامي

<TABLE cellSpacing=6 cellPadding=0 width="100%" border=0><TBODY><TR><TD noWrap>
</TD></TR></TBODY></TABLE>

رد: غسيل السيارة
 

1- يا عم هم هم أنا مع غسيل الموتور حتى لو السيارة جديده ( يعن هيه ح تفضل جديده لحد امتى ) ؟؟

2- أنا مع الآخ لانسر بأن الغسيل يكون بالماء و الصابون بس ! ودلوقت فيه فوم حنين كمان ! بس الشطارة
ما تخليش الراجل يغسله بال Wash Gun ولكن خرطوم ماء عادى وطبعا نغطى الاسبراتير بكيس نايلون !

3- الآهم من نظافة الموتور هنا هو غسيل سرابنتينة الرادياتير لآنها بتشيل التراب اللى سادد المسام
وممكن يسخن السيارة ! بس خليه يغسل السربنتينه من الداخل للخارج و ليس العكس !

4- أخيرآ النظافه من الايمان ودى تمشى على كل حاجه من السيارات للبنى آدمين !

هذا هو رأيى و الآجر والثواب عند الله !!


Dr. Bolbolan ptmnlo123per1127

رد: غسيل السيارة
 

الuser manual بتاع كل العربيات الجديدة بيشدد على ضرورة غسيل السيارةبالكامل بما فيها الرفارف و فى اوقات محددة او عند تعرضها للاوساخ و كمان بيحدد الطريقة الصحيحة لغسيل غرفة المحرل بدون استخدام تيار شديد الاندفاع من الماء فلو الحاجات دى خطا مكانتش الشركات كتبتها كتعليمات لمالك السيارة

رد: غسيل السيارة
 

بعد اذن الجميع اضيف انا كمان حاجه تجربه معا غسيل الموتور

انا كان عندي اولسيه ضرب و محتاج يتغير

و عشان اعرف مكان الاولسيه ده لازم اغسل حوض الموتور بالكامل

و بعد غسيل الحوض تم معرفه مكان الاولسيه و تم تغيره

طيب لو كان علي عمانا كان ايه الحصل ؟؟

رد: غسيل السيارة
 

دكتور بابلون
اللي بيحصل هو رش كميات من الجاز ، واستخدام مسدس الماء ، وبعد نص ساعه بالظبط لو غسلت العربيه ح تنزل نفس كمية التراب والطين والميه السودا
الكلام ده لو الجو غير الجو ، والبيئه غير البيئه ، احنا جونا في مصر ترابي بطبعه

MKN
اول مره اسمع المعلومه دي ، وح تخليني اسهر النهارده اقرا المانيوال بتاع عربيتي وعربيات الأسره كلها

الأستاذ نور
كلامي لا يتعارض مع كلام حضرتك ، انا بقول ان غسيل الموتور للضروره ، زي البيع ، او عشان تشوف فيه تسريب زيت منه بعد عمره مثلا .. والخ
انما غسيل موتور عربيه زيرو !!!! ايه الهدف منه ؟


طبعا النظافه من الإيمان
بس كل شيء له اصوله ، وانا شايف ان طريقة غسيل السيارات في محطات البنزين مؤذيه جدا جدا
وعلى أي حال تقبلوا تقديري واحترامي