جزاك الله خيراً يا أستاذ حسن
وكمان فية مكان أسمة كوم السمن فى القليوبية برضو عبارة عن وقر للسيارات المسروقة وللاسف فية شيخ بيطلع على قناة الناس إسمة إسماعيل ال دراز اتسرقت عربيتة وعرف من ناس إنها فى قوم السمن ولما راح بلغ الظابط قال لة الحكومة لا تستطيع دخول هذه المنطقة
http://www.youtube.com/watch?v=zqWPg5uMdbM
وحسبى الله ونعم الوكيل

أولا عربية صحبى الى اتسرقت اتسرقت من تحت البيت عن طريق عمل نسخة للمفتاح علشان هى تاكسى 2011 سوزوكى وبيت صاحب العربية بجوار المسجد مباشرة والحرامى سرقها لما قرآن الفجر اشتغل علشان محدش يسمع صوت العربية ( فكرة هايلة ) وسبحان الله بعد 10 دقايق من السرقة مجموعة شباب شافوا الى سارق العربية متلسم يعنى مغطى وشه كله وطاير باالعربية وبيهرب بيها برة البلد جم خبطوا على بيت صاحب العربية وبلغوهم طبعا صاحب العربية صحى من النوم وجرى بالموتوسيكل هو وشباب القرية باالموتوسيكلات لغاية ما عرفوا انوا راح اتجاة قويسنا ولاكن الحرامى أساسا من البلد من عندنا واسمه عماد واداهم رقم المحمول بتاع صاحب العربية بس معرفش وجه الصلة بينه وبين الحرامية بتوع عرب أبو ذكرى ولاكن المفاجأة الكبرى ان لما رحنا هناك قالولنا ان الى جاب العربية بعها لينا تخيلوا بكام بورقة بانجوا يعنى تقريبا بحوالى 25 جنيه وطبعا اتصلوا بصاحب العربية ورحنا وقال لينا الاول الى واقف على أول البلد واسمه تقريبا محمد وكان ماسك سلاح آلى فى ايده قال لينا ان العربية مش موجودة وبعد ما اكدنا ليه ان جالنا اتصال من الرقم كذا وقال ان العربية موجودة عندنا قعد يتصل بكذا مكالمة ويحور فى الكلام وبعد كدا قال لينا العربية موجودة جوا وحلوتها 30000 جنيه قولنالوا كدا كتير قوى وقعدنا نفاصل معاة وبالعافية وصلناها ل 20000 جنيه وقال الفلوس تكون موجودة بكرة قبل العصر ولو العصر أذن متجيش تاخد العربية لأن هتكون اتقطعت خردة وفعلا تانى يوم كنا هناك الظهر ودخلنا شوفنا العربية وكانت اتقلبت من كل حاجة موجودة فيها كاست وشاشة عرض وطقم صوت كامل واكسسوارات يعنى بما يعادل 2000 جنيه وكمان خدنا العربية مخبوطة من الجنب الشمال والحمد لله روحنا باالعربية وشكرنا ربنا ودى كانت قصتى مع العربيات المسروقة