المشاركة الأصلية كتبت بواسطة Hisham.Elgazzar (المشاركة 598631)

مبدئيا كده لو الكربيراتير بيهبب البوجيهات:
،1- حاول تظبط الهوا والبنزين وده طبعا مع تنظيف البوجيهات القديمة أو إستبدالها
2 - لو منفعتش يبقى لازم تفك الكربيراتير عند واحد متخصص وخلى بالك مش كل العربيات يتفك الكربراتير بتاعها

المشاركة الأصلية كتبت بواسطة koky_90 (المشاركة 599207)

انا عند المشكله ده برده
لسه اليوجيهات فصله والعربيه مكنتش بتدور اصلا
طيب البوجيهات فصلة عشان عليها اعزك الله هباب ولا زيت لانها تفرق كتير
وغيرت البوجيها وجبت تلاته شمعه
ما فيش بوجيهات اسمها 3 شمعة ودى كذبة واحنا صدقناها وانما فى بوجيهات اسمها واحد شمعة و3 ارضى
بس انا عاوز احل اصلا المشكله الى هى الكربيراتير
لان السحب بتاع العربيه ضايع وكمان بشم ريحه عادم داخل الكبينه
ريحة العادم ممكن يكون سببها حاجات كتير ومن ضمنها ان العربية ماخرة كهرباء وطبعا ممكن يكون خليط زيادة عن اللزوم
وش عارف افك الكربيراتير ولا اعمل فيه ايه فكرت اوديه الى ابرهيم بتاع الكربيرتيرات الى فى شبرا
ومش عارف اذا كان ينفع يتفك ولا ايه
ربنا ما يجعلنا سبب فى قطع عيش حد بس ابراهيم بتاع الكربراتير اللى فى شبرا بقت سمعتة وحشة جدااااااااااا لان معظم الصنيعية اللى عندة مشيوا والبديل مركز الصفا لتحليل العادم فى جسر السويس
العربيه نيسان صنى مو 2000
انت ايه ريك

المشاركة الأصلية كتبت بواسطة koky_90 (المشاركة 599207)

انا عند المشكله ده برده
لسه اليوجيهات فصله والعربيه مكنتش بتدور اصلا
وغيرت البوجيها وجبت تلاته شمعه
بس انا عاوز احل اصلا المشكله الى هى الكربيراتير
لان السحب بتاع العربيه ضايع وكمان بشم ريحه عادم داخل الكبينه
وش عارف افك الكربيراتير ولا اعمل فيه ايه فكرت اوديه الى ابرهيم بتاع الكربيرتيرات الى فى شبرا
ومش عارف اذا كان ينفع يتفك ولا ايه
العربيه نيسان صنى مو 2000
انت ايه ريك

المشاركة الأصلية كتبت بواسطة Hisham.Elgazzar (المشاركة 600407)

طبعا انا جربت الثلاثة شمعة وكان تحفة اوى بس ده للمواتير الجامدة عشان ترزيعه على وش البستم ووش السلندر بيبقى الله ينور ، متروحش لإبراهيم كربراتير لأنك هتضطر تقف فى الدور وبعدين هوا خراط كربراتير مش بوديله غير الكربراتيرات المفقود الأمل فيها لكن الظبط الصح عند مركز الصفا ( بس مشكلتهم الدور طويل ودلوقتى عيشين فى دور التوكيل وبقت الفيزيتة عالية أوى ) ، وربنا يوفقك وآسف للإطالة

المشاركة الأصلية كتبت بواسطة Vanditta (المشاركة 600764)

انا اماروحت لمركز الصفا قالى 120 جنية دة المصنعية بس غير لسة قطع الغيار
يعننى الموضوع ممكن يدخل فى 200 جنية او اكترالله اعلم
اية رأى حضرتك اتوكل على الله واصلحة عندهم ولا ادور على واحد استيراد احسن
خصوصا ان ناس كتير قالتلى طالما الكاربيراتيراتفك واتصلح عمرة مابيرجع زى الاول
وياترى المركز دة على اسعارة الغالية اوى دى شغلة يستاهل على كدة ولا زى بتوع الكاربيراتيرات اللى تروح عندهم تعمل طقم اصلاح ويقعد شهر شهرين وترجع الحالة اسوء من الاول !!!

المشاركة الأصلية كتبت بواسطة Hisham.Elgazzar (المشاركة 600817)

لو سالت على الكربراتير الإستيراد لعربيتك هتلاقيه غالى على ما أظن
عموما كل شىء نصيب ، هو بيقيس نسبة العادم قبل وبعد التصليح وهتجرب العربية وتلاحظ الفرق إن شاء الله ، ومتنساش بيبقى فيه ميعاد تراجع معاهم الكشف على العربية عشان تطمئن وربنا يوفقك