رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
 

معلش انى تعبتك معايا انا بعتذرلك على الاطالة لكن عشمى انك تعلمنا وتفدنا انا راجعت الطرمبة وراجعت خراطيم الراجع وخرطوم المضخة كله تمامرحت اشتريت موبينه جديدة وركبتها واشتريت وش شاكوشواشتريت وش اسبيراتيرتك تاك غيرت كل ده ولا واحد طلع هو السبب طلع الشىء الى كنت غير متوقعه الابلاتين والكوندنسر دلوقتى انا عندى سؤال وعايز اعرف اجابته انا اشتريت ابلاتين وكوندنسر ماركة فرنسية مكتوب عليه صنع فى فرنساواشتريت ابلاتين وكوندنسر ماركة ماكو مكتوب عليه صنع فى تركيا شلت التالف لقيته لادع ومفوت وركبت الجديد وهو الفرنسى قعد ليلة وتانى يوم لقيته لدع شلته بعد ان عرفت انه لدع وركبت واحد تركى قعد يوم ولدع ركبت واحد فرنسى تانى اشتغل حلاوة وزى الفل يا ترى ايه السبب ؟هل البضاعة خلاص بقت مضروبه ولا الكوندنسر بيقى تالف ولا فيه حاجة فى العربية بتخليه يدلع بسرعة ولا السبب فى ضبطة الابلاتين نفسها ولا ايه ولا ايه ؟واهم سؤالين بعد كده ازاى اعرف ان المكثف تالف او بايظ وازاى اقدر اقيسه بالفولتميتروازاى اركب اثنين مكثف على الابلاتين لانى حاولت بس العربية ما دارتشى الا لما شلت واحد منهم يا ريت اجابة بارك الله فيك وفى الاعضاء الهمام اللى بينورنا دايما ويرحمونا من بليه واتباعه ؟

رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
 

لازم فعلا تطمن على كفاءة الكوندنسر الحالى

وبالنسبه لطريقة أختبار المكثف ( الكوندنسر )

هحاول أشوفهالك وأبلغك بإذن الله

ومن رأيى

بلاش موضوع تركيب أكثر من مكثف

( لأنه بيعتبر حشو مصرى غير مفضل )

ومفيش شك

الإلتزام بالتصميمات للدوائر الكهربيه واجب لعدم حدوث مشاكل فنيه

------------------------------------------

لكن !!!!!!!!!!!!!!!!!!!!

أنا شاكك أن هناك عندك خطأ معين فى دائرة الإشتعال

فيه كهرباء عالية الجهد بتروح من البطاريه للأبلاتين تؤدى لتلفه

وهنا يحضرنى سؤال هاااااااااااااااااااااااا ااام

هل جربت تشيك على شحن الدينامو ...................؟.

رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
 

بصراحة حضرتك لازم تكون امير ذهبى مش عضو فضى لانك فى غاية الذوق بترد بكل اهتمام وبترد بسرعة ومش بتتأخر على اللى بيسألكبالنسبة لملحوظة حضرتكالدينامو هل له علاقة بكدهطيب ،أنا ممكن اقيس كهربة البطارية وكمان مستوى شحن البطارية واجيب الارقام لحضرتكبس عايز حضرتك تفهمنى ايه العلاقة بين الدينامو ولدع الابلاتين بالسرعة دى لانى عندى فضول كبير اعرفواشكرك انك بتستحملى اسئلتى الكثيرة

رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
 

إختبار عزل المكثف

باستخدام مصباح وماض ذي جهد منخفض. يتم توصيل المكثف مع مصباح وماض على التوازي بمنيع تيار كهربائي مستمر. وبهذا يتم شحن المكثف عن طريق المصباح الوماض. ويضيء المصباح أثناء الشحن.

----------------------------------------------------------------

إختبار سعة المكثف

يفك المكثف ويوصل على جهاز الاختبار الخاص بقياس سعة المكثف. وهنا يوضع المكثف تحت تأثير تيار متردد. تتناسب شدة التيار مع السعة، في حالة ثبات كل من الجهد وتردد التيار. وتتراوح قيمة سعة المكثف السليم بين 0.23uF و 0.32uF .

-----------------

أتمنى أن يفيدك هذا التلخيص لطريقة أختبار المكثف ( الكوندنسر )

رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
 

صلى على النبى

س - ماهى وظيفة الأبلاتين .............؟

ج - تقطيع تيار البطاريه المستمر ( فى بدء الدواره ) أو الدينامو( والمحرك يعمل )

وتحويله لصورة نبضات كهربيه لكى تستطيع البوبينا من تحويل هذا الجهد الكهربى

الضعيف لآلاف الفولتات لكى نتمكن من إحداث شراره قويه بين قطبى البوجيه

------------------------------

تخيل بأه لو جهد الدينامو عالى وكان كتاوت الدينامو بيخرف وشحنه عالى جدا

ماذا سيحدث .....................؟

ستتراكم الشحنات الكهربيه داخل الكوندنسر ويسخن ويصير غير قادر على إستيعاب

الزياده فى الجهد ( بسبب زيادة شحن الدينامو )

فى هذه الحاله

سيحدث تحميص ولدعان وتلف لقاطع التلامس ( المسمى بالأبلاتين )

رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
 

الله ينور عليك ويبارك فيك
طيب حضرتك فيه نقطتين مش واضحين قدامى

ازاى الدينامو يؤثر على الابلاتين وهو مش مواصل بيهم دايركت

الدينامو حسب معلوماتى التعبانه واصل بالبطارية واثناء تشغيل السيارة بيشحن البطارية

كيف يقوم بتزويد الموبينة بالكهرباء
عايزاعرف النقطة دى

ثانيا ايه هو كتاوت الدينامو وايه دوره بالضبط وازاى اعرف من ارقام القياس ان كتاوت الدينامو فوتت وشحنها عالى

انا عندى فولتمتير وهقيس الشحن اثناء تشغيل السيارة واقول لحضرتك

طيب واستفسار تانى استحملنى

هو لو بدلنا كل ده باسبيراتير الكترونى علشان مشاكل الابلاتين

هل تركيب المشط الالكترونى سهله ولا برده ليها مشاكل

لانى عايز الافضل وعايز أريح نفسى

الالكترونى قدامى بس الناس فريقين

حيرونى

ناس قالوا المشط مش موجود غير استيراد وما ينفعشى تركبه بنفسك لازم ميكانيكى
قالوا بيقطع عالطول والعربية تقف


والفريق التانى

قال ممتاز وعشرة على عشرة وعمره طويل وشرارته قويه وممكن تركبه بنفسك

أيهم من وجهة نظر حضرتك أقرب للصواب

عايز افهم واعرف

وممنون جدا

رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
 

بمجرد ما المكنه بتدور بتطلع البطاريه من اللعبه الكهربيه

وبيكون العبء الكهربى واقع على الدينامو كالآتى

1- تعويض مافقد من البطاريه نتيجة الدواره والتمهيد لإمداد دورة الأشعال بالمتطلبات الكهربيه الأوليه

2- بيشيل بأه الدينامو كل الأحمال الكهربيه بالسياره

وبيبدأ يودى كهرباء للأبلاتين لتقطيعها حتى تتمكن البوبينا من تكبير قيمة الجهد الكهربى

لو لم يكن العيب من الدينامو نتيجة أن كتاوته بدا يخرف

أرى أن تحول دايرة الأشعال

من تقليدى إلى إلكترونى

ولكن يفضل الإستعانه بكهربائى أو ميكانيكى شاطر

-----------------------

وعود نفسك

أى عمل لم تمر به من قبل

شوف غيرك بيعمله إزاى وركز معاه أثناء تنفيذه

ومع خبرتك وحنكتك المهاريه

ستستطيع تنفيذه فى أى وقت تشاء أو تنصح به الغير