رد: عاوز اشترى نيسان صنى 2012
 

فعلا كلامك صح وربما تكون الاسكلا افضل انا مش بفتى لكن انا كان معايا لوجان 2011 وبعتها لظروف طارئة والله الرينو عربيسة ما ليها حل احسن عربية تركبها فى مصر ب 70 الف هى اللوجان لكنى بعتها لظروف وللاسف اعادة البيع بتاعتها سيئة جدا يعنى انا انصح اى حد عايز عربية ب ال70 ياخذ اللوجان بس يحط فى دماغه عدم البيع
اما الان انا اود اشترى السوبر صالون زيرو وانا عارف ان الشكل المنتشر فى المنتدى ده مش بتاعها لكنى محتار بسبب فتاوى الزملاء حول هذه السيارة واغلب اللى بيكتبوا التقارير متفزلقين وبيكتبوا حاجات منقولة من مواقع عالمية لدرجة ان واحد كتب فى تقرير عن اللوجان ان الطارة بتاعتها (مالتى فنكشن) وبيقول ان العربية معايا دا كلام؟؟؟؟ وانا كانت معايا اللوجان مافيهاش الكلام ده؟؟؟؟؟

نفسى حد يكلمنى عن السوبر صالون بحيادية

رد: عاوز اشترى نيسان صنى 2012
 

حبيبى واضح انك غير ملم بكل ما هو جديد فى السوق المصرى بكل اسف وده يتضح من كلامك وقبل بتقول ان فيه شخص بيقول ان فيه لوجان طاره مالتى فانكشن وده كلام وكلامك ده تسأل الاول لان بالفعل الكلام ده صحيح مليون بالمائه لان يوجد بالفعل لوجان 2012 طاره مالتى فانكشن بالسوق وبتزيد حضرتك 500 جنيه عن سعر اللوجان العاديه الكامله برضه 2012 بدون مالتى فانكشن وبتعمل كمان 71.500 جنيه وبلاش انك تفتى من غير متعرف وتتأكد كمان بلاش ده كلام دى لان فعلا ده كلام وكلام موثوق فيه جدا كمان واسأل قبل متدخل شمال كده من غير متعرف ايه الجديد فى السوق بلاش فرد عضلات الله يخليك وعلى فكره كمان بلاش تفتى من غير متعرف وكمان مش حقولك على حاجه بخصوص الصنى السوبر صالون برغم انى اعرف عنها الكثير بس حسيبك كده عشان مترجعش تقول ده كلام ده كلام!!!! وتندهش اوى كده زى مقولت ان مفيش سياره لوجان بطاره مالتى فانكشن وعلى فكره كمان ادخل على سايت لقطه للسيارات الجديده وشوف هناك حضرتك اوتو سمير ريان حتلائى سياره لوجان ب 71.500 جنيه مزوده بطاره مالتى فانكشن عشان تعرف اذا كان ده كلام والا ده حقيقه وبرضه حسيبك تقرأ فى السايت المذكور بخصوص السياره نيسان سوبر صالون بنفسك عشان تتأكد ودى جدعنه منى فقط انى اوصلك للشيىء اليى انت عاوزه عشان تعرف بس ان احنا جدعان برضه ومش بنفتى اى كلام وخلاص وكمان حضرتك لسه قايلها اهو رينو اعاده بيعها زفت وانت خير دليل على كده وكمان قطع غيار الاسكالا زفت واعاده بيعها زفت يبقى ازاى كلام حضرت الاخ اليى بيقولك سكالا مظبوط بقى؟ واضح ان احنا فينا ناس كتير مبتعرفش تقدر الشيىء بشكل صحيح من كافه جوانبه مفيش مقارنه اصلا بين اسكالا ونيسان صنى نيسان صنى اول عربيه يابانى تدخل مصر من ايام ما كانت اسمها داتسون اسأل سائقين مصر عن سياره داتسون اول عربيه تعرفهاا مصر يقولولك مين نيسان
http://deals.logta.com/ar/CategoryLi...28114790867433

رد: عاوز اشترى نيسان صنى 2012
 

يا اخ gedawy
أولا: انا مش داخل حرب علشان تلطمنى فى الحيط كده وبعدين انا امبارح بعتلك انت رسالة وسالتك عن السوبر صالون يعنى وثقت فى تعليقاتك فكان مفترض تبادلنى الثقة وتعطينى مما اعطاك الله (هههههه).

ثانيا: انا والله بعد ما بعت اللوجان رحت مركز بيع معتمد لرينو فقط فى اسيوط وسالته فيه تغيير فى ال 2012 قالى مافيش اى تغيير فطبيعى انى اثق فى كلامه

ثالثا: ابعت معلوماتك بسرعة علشان فعلا انا وثقت فى كلامك مفيش وقت

رابعا: المواقع الرسمية زى لقطة وكونتاكت وغيرهم ما بتجيبش تجارب دى فقط بتعرض الوضع الحالى للسيارة

خامسا:انا بعتذر لو فيه اساءة صدرت منى

رد: عاوز اشترى نيسان صنى 2012
 

لا حبيبى مفيش اسف بينا ولا سيىء احنا هنا كلنا اخوات وبنفيد بعض بس انا افتكرت انك بترد على فى موضوع اللوجان لانك قولت فيه ناس بتفتى فى الموضوع ده ومتفزلكه وانا كنت اصلا بتكلم مع واحد من الاعضاء فى الموضوع ده وافتكرت ان انت بتتريق بس على كلامى بدون سابق علم عشان كده تلائينى اتحفزت شويه سورى بس طبعا مقصدش انى ادايقك الجلاله خدتنى بس شويه ههههههه عموما حصل خير اخى الكريم بص عشان مطولش عليك السياره نيسان صنى ممتازه سواء سوبر صالون او الايه كس صالون بس حوضحلك شيىء عالسريع كده لو ناوى السياره تبقى معاك ومش بتفكر تبيع خالص هات السوبر صالون ليه بقى لان السوبر صالون مشكلتها اعاده البيع فيها حتخسر كتير لكن الاى اكس صالون ممتازه جدا فى اعاده البيع فى حاله لو كنت بتفكر مثلا 3 او 5 سنوات وتبيع يبقى الاى اكس مناسبه اوى ليك وبعدين بص يا سيدى بقى استهلاك البنزين جوه البلد لو مش زحمه اوى بتكون 200 كيلو فى الصفيحه يعنى 20 لتر وممكن 210 كيلو كمان حسب اسلوب سواقتك وطبعا المعدل ده لان السياره معايا لسه بتلين يعنى معدتش لغايه دلوئت 1600 كيلو فيه ناس بتقول المعدل حيتحسن بعد 5000 كيلو بس معرفش المهم فى الطوالى بقى جربتها وطبعا سيارتى اى اكس اوتوماتيك وكنت ماشى ما بين 100 ال 120 الى 140 الى 150 كيلو لكن طبعا معدلى الثابت بين اسكندريه مصر كان 100 كم ساعه وشغلت التكييف نص ساعه متقطعه على 3 مرات كل مره 10 دقائق واستهلكت بنزين 270 كيلو فى الصفيحه بعد المشوار ده يعنى لو ماشى بسرعه 100 كيلو فى الطوالى مثلا ومش مشغل تكييف ممكن توصل معاك ما بين 300 الى 320 كم ساعه والخلاصه السياره ممتازه سواء الاى اكس صالون او السوبر صالون لو انت طويل بقى ممكن ترجع الكرسى ورا وممكن تعلى الكرسى وتوطيه زى منت عاوز وبرضه مبدئيا ومش بشكل قاطع بس دى ملحوظه ان معدل البنزين فى البلد اى داخلى مش ثابت على قاعده معينه يعنى لو بتركن السياره مثلا وبتدورها كل 3 ايام عشان تشحن البطاريه وبعدين توقفها من غير متتحرك بيها لمده اسبوعين مثلا وكل 3 ايام تروح تسخن فقط لمده ربع ساعه كده والا حاجه وبعدين بعد 15 يوم تطلع تمشى فى الزحمه بقى والكلام اليى انتا فاهمه ده حتاخد منك ما يعادل 180 كيلو لكل 20 لتر لكن لو سواقتك مثلا مبتسخنش كتير وقطعت مشوار حلو فى وسط البلد طول اليوم او على مدار يومين مثلا او 3 وجيت تفول حتاخد منك من 200 الى 210 كم لكل 20 لتر والكلام ده ينطبق عليا انا بس لانى لحد دلوئت فى فتره التليين بتاع العربيه يعنى المعدل حيتحسن ان شاء الله فيه حاجه تانيه بقى فى الاى اكس معرفش فى السوبر صالون موجوده والا لا هى ايه ان العفشه ناشفه شويه فى المطبات وده عشان السياره بيقولوا عفشتها رياضيه ولسه جديده مع الاستعمال حتخف وكمان مع الحموله وانا لغايه دلوئت محملتش فيها اوزان خالص بس عموما لو عاوز تريح السياره فى المطبات ومتشعرش بالدبه دى حتخلى ضغط الكاوتش 32 امامى 29 خلفى حتبقى كويسه جدا معاك وعلى فكره االعزل بتاعها ممتاز جدا متقلقش من اليى يقولك عزل وحش وكلام فارغ من ده كل ده فى موديل 2012 مش موجود المهم بس وانت بتختار حاول تروح معرض فيه كذا سياره الاول وتفحصها كويس وتفتح وتقفل الابواب وتشوف لان ساعات بيكون فعلا بعض الابواب بتفتح وتقفل حلو وساعات تلائى باب او بابين تقال فى الفتح والقفل وتشيك على مسجل السياره قبل متشتريها وتشوف التكييف خليه يشغلهولك لمده دقيقه بس عشان تطمئن انه شغال والا لا وتختار لون بقى يكون فاتح لان الاسود بتاعى بقى كل شويه عاوز يتغسل ههههههه مشكلته بيلم تراب اوى لكن انت لو من عشاق اللون الاسود اتحمل بقى ههههههه عموما فى الرصاصى وفيه الدهبى والنبيتى الوان تحفه بجد وممتازه برضه وصلى استخاره قبل متروح تشترى والخلاصه السياره زى الفل وقطع غيارها موجوده واسعارها كمان نزلت عن السنتين اليى فاتوا اوى وكمان فيه منها استعمال يعنى الخلاصه صفقه رابحه بخصوص سياره يابانى اعطالها قليله بالمقارنه بالكورى طبعا وكيلها مش وحش زى بقيه وكلاء مصر وبرضه انا عندى مبدأ مهم طول منت بتحافظ على الحاجه هى كمان حتحافظ عليك وبخصوص شكاوى بعض الناس دى بتبقى قسمه ونصيب ومفيش حاجه مفيهاش عيب الكمال لله وحده وفى كل السيارات عمرك محتلائى سياره بدون عيب يعنى تبقى مميزه من كله وبرضه خلى بالك لان فيه ناس كتير مع الاسف وكلاء لشركات منافسه بيدخلوا يشوهوا منظر السياره وخلاص عشان يصرفوا نظر الناس عنها والنوع ده من الناس مع الاسف منتشر على النت وبكثره زى الفلول كده هههههههه اتمنى اكون افدتك المهم برضه صلى استخاره وربنا حيكرمك ان شاء الله بس الخلاصه السياره جميله متقلقش وعلى فكره كمان رسالتك اليى بتقول بعتهالى دى موصلتنيش ومعرفش عنها اى شيىء خالص وده للاحاطه بس عشان تكون عارف وانا تحت امرك فى اى شيىء عاوز تعرفه احنا هنا كلنا بنخدم بعض اذكر نقاط استفسارك بالتحديد وحجاوبك عليها بكل سعه صدر وبص بقى النقطه الاخيره فى الموضوع ده الفرق بين السوبر صالون والاى اكس صالون اعلى فئه 2012 اليى هى مزوده بنظام abs الفرق بينها وبين السوبر صالون ام 103000 جنيه الاتى

الفرق فى السعر يشمل الآتى 1-جنوط اسبور-2-ابانوس لالبواب من الداخل والتابلوه 3- بار للوصل بين المساعدين الخلفيين والاماميين يربط بينهم مما يساعد على اتزان السياره فى السرعات العاليه والمنحنيات الحاده والبار ده موجود خلفى فقط فى فئه الاى اكس صالون اعلى فئه 4-فرامل مزوده بنظام 5 EBD+BA+abs- مقابض نيكل داخليه وخارجيه6-الدركسيون (الطاره) + الفتيس + فرامل اليد مصنعه من الجلد الطبيعى7-مساند رأس خلفيه ----- سى دى شنجر 6 اسطوانات + وصله يو اس بى 8- مخدع خلفى مزود بمكانين لوضع الاكواب موجود بمنتصف الكنبه الخلفيه كل هذه الاختلافات السابقه لا توجد فى الموديل ex صالون ما عدا الايه اكس صالون اعلى فئه طبعا اليى هى فيها abs فقط ودى بتعمل 96000 الف جنيه بس عاوزك تسأل بقى بخصوص العفشه الرياضيه دى لان الاى اكس صالون فيها عفشه رياضيه برضه بس تسأل لان فيه ناس بتقول ان عفشه السوبر صالون مختلفه واريح مش عارف بقى الكلام ده صح والا دعايه بس لان موديلات الصنى الاى اكس بعد 2010 كلها عفشه رياضيه فهل هى هى اليى بتركب فى السوبر صالون والا لا وعلى فكره اليى حيفتيك اكتر فى الحوار ده لازم يكون واحد بتاع قطع غيار سيبك خالص من الموزع او التوكيل لانهم مش حيفتوك يأما عن جهل وعدم معرفه يأما عن تضليل عشان يخليك تروح للسوبر صالون عشان فيها ربح كويس للبائع وعلى فكره الاسكالا رينو عربيه حلوه جدا زى الصنى بس مع الاسف وكيلها مبالغ اوى فى قطع غيارها ومش منتشره خالص وصيانتها فى التوكيل وقطع غيارها مش زى اللوجان خالص اللوجان قطع غيارها حلوه ومنتشره لكن الاسكالا لا واعاده بيعها زفت ومش حتنتشر خالص يبقى على ايه كل ده بقى تظلم نفسك وتدخل فيها!!!!! يارب اكون افدتك
تحياتى :Wkiss5:

رد: عاوز اشترى نيسان صنى 2012
 

السلام عليكم
مليون شكر على رسالتك الجميلو ووقتك وجهدك انت والله فكرتنى باخ اسمه dragon كان على صفحة النيو اكسنت كان دايما يكلمنى عنها لكنى فى الاخر اشتريت اللوجان وبعتها لظروف
مليون شكر

رد: عاوز اشترى نيسان صنى 2012
 

ربنا يعوضك خير ان شاء الله وانا عن نفسى محبش حد ياخد رايى فى شيىء وكلمه فيه بأختصار عشان كده طولت عليك شويه فى الشرح بس عشان تكون ملم بالموضوع بشكل اكثر واوضح

رد: عاوز اشترى نيسان صنى 2012
 

elgdawy2007مجهود رائع منك ياريت اداره الموقع تسند اليك اشراف قسم النيسان انت انسب واحد للقسم ده وشكرا علي المجهود الرائع