رد: سيــــــــــارات المعاقين
 

السلام عليكم شكرا علي الرد
بس اقدم اوراق الكومسيون فين
واية الاوراق المطلوبة
وما هي المصاريف المطلوبة
ولازم يكون معي رخصة قيادة معاق ولا اي رخصة خاصة عادي

جزاكم الله خيرا

رد: سيــــــــــارات المعاقين
 

اهلا وسهلا بيك ومعاك لحد ما تستلم عربيتك إنشاء الله

أولا: تقديم الأوراق بيكون فى العنوان التالى // مدينة نصر - الحى السادس - شارع الصحة - بجوار جراحات اليوم الواحد - الادارة العامة للمجالس الطبية...والموظفين هناك يبدأوا بعد الساعة 9


أما عن الأوراق المطلوبة فهى
1- صورة البطاقة الشخصية وكذلك صورتين شخصيتين ( دائما خلى معاك صور شخصية 4 فى 6 فى المشوار ده)، وخد معاك قلم علشان مش تقعد تدور ولا تصور.
2- هيعطوك أستمارة تملاها وتحدد فيها الجمرك اللى هتشترى منه على حسب رغبتك. الأكبر والأكثر رواجا هو جمرك بورسعيد طبعا
3- هتملى الأستمارات والراجل هياخد منك الصور وصورة البطاقة ويفتح لك ملف. مش فاكر إذا كان فى دمغات ولا لا.
4- هتادفع 600 جنية للكشف المستعجل أو 300 للكشف العادى. كله بيدفع مستعجل وهتكشف فى خلال اسبوعين على حسب قائمة الإنتظار. هو هيحدد لك الميعاد والمكان بعد ما تملى الأستمارات...

أما عن الرخصة فمش لازم خلاص رخص وفى ناس كتيرة بتجيب سيارات وبعدين تطلع الرخص زى. فوجود الرخصة ليس ضرورى على الإطلاق...

وعلى فكرة أى حد ممكن يعمل لك الخطوات دى يعنى لو مش هتقدر تروح القاهرة ممكن تكلف حد بالمشوار دة..


لما تخلص الخطوات دى نبقى نتكلم فى الباقى. ابقى قولى لى عملت ايه.

رد: سيــــــــــارات المعاقين
 

شكرا علي هذا البيان الوافي
ربنا يجزيك خيرا
وانا انا شاءالله نازل قريب مصر وسوف ابدا في الاجرائات

رد: سيــــــــــارات المعاقين
 

شكرا جزيلا

رد: سيــــــــــارات المعاقين
 

لو سمحتو انا بابا عامل بتر فى رجلو الشمال من تحت الرقبه و مركب طرف صناعى ممكن اجيب العربيه من المعوقين ولا لا؟ و كمان هما بيحتاجو شهادة محو الاميه و مش عارفه اطلعهالو منين لو ينفع ممكن حد يساعدنى بالرد؟

رد: سيــــــــــارات المعاقين
 

ممكن مساعده
هل يجوز ان استورد سياره معاق من المانيا ؟
كم يكون جمارك البي ام دبليو 116i 2007 اوتوماتيك كامله ؟
أرجو الرد سريعا

رد: سيــــــــــارات المعاقين
 

طبعا ممكن تستورد بنفسك ولكن يجب أن يكون عندك مخلص جمركى هنا علشان فى مناطق فى الجمرك مش تقدر تدخلها بنفسك... والعربية البى أم دابيلوا هتكون غالية. أنا شفت واحدة فى بورسعيد كانت عاملة 70 الف وكانت موديل 2002 باين. طبعا كل ما العربية تعلى فى الموديل الجمرك بيبقى كثير علشان كدة معظم الشركات فى سيارات المعاقين مش بتجيب إلا السيارات القديمة من 97 إلى 2005 على اقصى تقدير