رد: مقارنة بين بيكانتوا / هيونداى I10
احب اقول حاجه ان الموتورواحد فى الاتنين
|
=== لا تنسي ذكر الله ===
كيا بيكانتو تكسب 1-تقفيل كورى والخامات الى فيها نضيفة 2-شكلها احلى 3-توكيل محترم 4-انتشارها كبير جدا 5-ابعد عن غبووووور شويه معلومات عن الكيا بعد أذن الاخ (وائل) محرك البيكانتو يتألف من 4 اسطوانات بسعة 1100cc كامة واحدة علويةSOHC بعدد 12 صباب بواقع 3 صبابات لكل سليندر... قدرة المحرك 65 حصان عند 5500 لفة بالدقيقة عزم المحرك 97 نيوتن متر عند 2800 لفة بالدقيقة وزن السيارة 852 كيلوجرام التسارع من 0-100 في 15.4 ثانية محرك السيارة اقل ما يقال عنه انه هادئ أيا كانت سرعة المحرك...لكن تبدا تسمع صوته بعد ال3000RPM لكن صوت مايدايقش لانه مازال واطي.... سحب العربية يعتبر قليل تحت ال3000 RPM لكن بعد كده بتلاقيها بدأت تشد معاك جامد...و أفضل وقت تنقل فيه مابين ال3000 و 4000RPM لكن ده هايجي علي حساب استهلاك البنزين... التكيف له تأثير ملحوظ علي السحب...لكن ممكن تعوضه انك تنقل متاخر شوية... استهلاك البنزين ممتاز....التنك فيه 37 ليتر بالاحتياطي (6 ليتر) ...لما بفول لحد الزور بتعمل من 400-500 كيلو تبعا لمدي الضغط علي دواسة البنزين و تشغيل التكيف....لكن المتوسط 450 كيلو لل 30 لتر...يعني الصفيحة بتعمل حوالي 300-330 كيلو العفشة و الثبات: صوت العفشة ناعم جدا في النقر و المطبات و ماشابة من عجائب و غرائب الشوارع عندنا....بتاخد و تدي مع المطبات ..متحسش بخشونة او نشوفية زي عربيات تانية في نفس الفئة علي الطريق السريع ثباتها ممتاز لحد 130 لو قاعد لوحدك...و بتاخد الملفات كويس جدا بدون ماتميل جامد و بدون ماتحس انك هاتتقلب علي جنبك..... لو ركب حد وره بقي...بتظهر مشكلة...في مطبات الهواء تلاقي العربية بتتنطط جامد.... وتحس انها مش مستقرة من الخلف الدركسيون ناعم جدا علي السرعات البطيئة و داخل المدينة بس علي السرعات بيتقل ....معرفش ازاي مع انه مش كهربائي فرامل قوية تسعفك عند الحاجة الأمان:حصلت البيكانتو علي 3 نجوم من اصل خمسة في اختبارات EuroNcap للامان التوكيل: EIT محمد نصير....طبعا رجل أشهر من نار علي علم في سوق السيارات المصري...كلنا عارفين مستوي الخدمة اللي بيقدمها للعملاء و مدي جودتها... العربيات البيكانتو الجديدة مثل جميع سيارات كيا عليها ضمان 5 سنين أو 100000 و هو من اعلي الضمانات في سوق السيارات المصري قطع الغيار : فقطع الغيار رخيصه جدا مثل : زيت شل هيليكس ألترا 205 زيت فرامل 11 زيت فتيس 35 مبرد رادياتير شل 38 عدد 2 طنبورة أمامي 410 تيل أمامي 201 فلتر بنزين 65 فلتر زيت 25 فلتر هواء 25 عدد 4 بوجيهات 60 فلتر تكيف 80 لمبة أمامية 60 لمبة شبورة امامية 29 الشكل الخارجي تتمتع البيكانتو بحجم خارجي رائع يجمع بين الشكل العصري الانسيابي و المرونة و العملية الشديدة في المشي و التحكم بها في الشوارع الديقة....يكفي ان اي مكان مهما كان صغير ممكن تركن فيه بكل سهولة و من أول مرة ....و الشوارع الديقة ممكن بسهولة برده تلف و ترجع فيها بدون تعب....عدم وجود شنطة في الخلف يزيد من عمليتها أيضا لكنه ينعكس بالسلب علي مساحة الشنطة زاوية ميل الزجاج الامامي كبيرة جدا و ده اده ميزة لحاجتين: الاحساس الجميل بالوسع الداخلي...و الانسيابية و الخارجية و تقليل ارتطام الهواء بها اثناء السير بسرعة...مما يقلل من الضوضاء الخارجية تتميز البيكانتو بارتفاعها عن الارض مما يساعد علي اجتياز المطبات بكل راحة و عدم قلق....احشي العربية 5 بني أدمين و عدي علي اتخن مطب...مش هاتسمع صوت الحك نهائي مميزات عجبتني في العربيه : بعرضها الملحوظ نسبة الي حجمها المدمج...مما يزيد من ثباتها اثناء المناورات و السرعات العالية المرايات الخارجية كبيرة و تظهر الطريق بالخلف بكل وضوح صاج السيارة محمل و مش خفيف و تقدر تميز تقله من قفلة الباب او تخبط عليه بايدك تناسق الألوان الجميل في المكونات الداخلية للمقصورة....التابلوه جزءه العلوي باللون الاسود و الجزء السفلي باللون الرمادي الفاتح...و نفس الشئ بالنسبة للابواب ...مما يضيف احساس بالفخامة اللي متلاقيهاش بسهولة في الفئة دي التابلوه شكله جميل و مريح....يتميز بالمساحة الكبيرة جدا تشعرك ان السيارة مش بحجمها الخارجي ده ابدا...و ديه العبقرية في التصميم بتاعها...انا لازات مش قادر أفهم ازاي التابلوه بالمساحة ديه لحد الزجاج مع ان الهيونداي أتوس (نفس الشاسية) ببقي لازق في الزجاج!!! الرؤية المحيطة ليك وانت سايق ممتازة و ابعاده ملمومة...و طبعا مستحيل تشوف الكابوت بس مش مشكلة لانه صغير جدا و مش هايسبب أي مشكلة...هي بس مرة حد يقف قدام الكابوت عشان تعرف اخره فين و خلاص! يوجد بلوحة العدادات عداد سرعة يعطي قراءة لحد 180 و عدادRpm أسفل كل منهما شاشتين ديجيتال....واحدة للساعة..و واحدة لعداد الكيلوميتر معTrip A و Trip B...و يتوسطهم عداد البنزين...و مافيش عداد حرارة...فقط لمبتين...واحدة زرقاء للبرودة و حمراء للسخونية خامات الصالون والتابلوه نضيفة جدا هيه أه بلاستيك لكن نوعيته و نقشته نضيفة جدا...علاوة علي كده ان ماتلاقيش فروق في البلاستيك أو بواقي من الاسطامبة و الكلام الفارغ ده:) مساحة الجلوس ممتازة...لاتشعر أبدا انك بداخل سيارة بهذا الحجم...بس طبعا لو انت طويل اللي وراك هايعاني اشد معانة في الجلوس...لكن في العادي السيارة تكفي 5 أشخاص او 4 براحة تامة مساحة الشنطة صغيرة جدا أماكن التخزين: درج التابلوه...و فوق درج التابلوه فيه رف جميل جدا... و ايضا يوجد مكان تحت الكاسيت و بجانب عجلة القيادة من الشمال و رف كبير تحت الدركسيون مايبنش للماشي بره العربية. يوجد 2 حامل أكواب و بداخل أحدهم طفاية سجاير ممكن ترميها لو مش بتدخن...و فيه حامل زجاجة لتر و نص مابين الكرسيين الاماميين ورا الهاند بريك العزل ممتاز داخل المقصورة...مجرد ماتقفل الزجاج ماتسمعش اي حاجة بره...ولا حتي صوت الموتور واسف جدااا علي الاطاله |
رد: مقارنة بين بيكانتوا / هيونداى I10
شكراً يا اسلام على اضافتك القيمة جداً للموضوع ptmnlo123per122
|
رد: مقارنة بين بيكانتوا / هيونداى I10
نفسي تتعمل مقارنه بين i 30 و النترا في كل حاجه الثبات والتسارع وكل حااااااااااااجه
|
رد: مقارنة بين بيكانتوا / هيونداى I10
السادة الزملاء رجاء حاااااااااااااااااااااااا اااااااااااار جدا
مطلوب مقارنة بين البيكانتو والسبارك لأنى ناوى أشترى السبت القادم أرجوكم الرد السريع |
رد: مقارنة بين بيكانتوا / هيونداى I10
لو تسمحولي بالمشاركة
تقرير مصور عن هيونداي I10 الشقيقة الصغرى لـ I30 http://www7.0zz0.com/2008/09/16/16/764575821.jpg I10 هي السيـارة الثانية لدى هيونداي التي تحمل في اسمها حرف I وقد تم تطويرها وفق مبدأ الشكل الخارجي الديناميكي العصري الأنيق الذي يوازيه داخل متوازن وجيد التجهيـز حيث قام المختصون بوضع التصميم والتجهيز الخارجي مع لمسات ذات تقنية عالية جدا مثل الوجه المعبر لماركة هيونداي الذي سبق استخدامه في السيارة I30 ومصابيح أمامية رفيعة المستوى مكونة من قطعـة واحدة وخط زخرفي مميز على غطاء المقدمة يتناغم مع قناع أمامي مدور . وهناك مقابض الأبواب بلون الهيكل وعوارض جانبية واقية وفي الخلف يوجد مجموعتان من المصابيح العمودية بشكل أنيق وذكي ، وصدام معالج بطريقة معبرة تؤكد الطابع العصري والديناميكي لهذا التصميم . => من الداخـــــل <= http://www7.0zz0.com/2008/09/16/16/450546317.jpg ومن الداخل تأتي المقصورة المقصورة رحبة وأنيقة تتسع لخمسة ركـاب تحيط بهم مزايا التنوع التي تتطلبهـا أنماط الحياة العصريـة ، فالمقاعد الخلفيـة تنطوي إلى الأمام وهي مقسومة 40 / 60 ويمكن تحميل عربة أطفال مطوية وحقائب رياضية أو أكياس التسوق . وتزدحم المقصورة بمزايا التنوع أكان بالنسبة للتجهيزات أو الألوان ، فالواجهة الأمامية تتميز بلون معدنية خشن ( اختياري ) يزيد من جمال الداخل ، فيما تحتضن كابينة القيادة السائق بشكل أمثل وكذلك تحتضن المقاعد الركاب بشكل ممتاز ويفيض الداخل بإحساس أكيد بالجودة العالية . كما تمتلك السيارة مجموعة من المؤشرات تأتي بأرضية بيضاء مع إضاءة بخلايا ضوئية LED خضراء تزيد من سهولة الرؤية ووضوح قراءة البيانات ، كما تحتوي على نظام صوتي مرفوع إلى أعلى الواجهة الأمامية من أجل سهولة التشغيل . وهذا النظام هو طراز 2DINRDS يأتي أساسيا في كل الموديلات وهو قادر على استقبال نظام بيانات الراديو مع وجود مكان لوصلة جهاز إضافي ما يسمح للركاب بتوصيل جهاز خارجي مثل أجهزة ( I-POD ) و ( MP3 ). => المحرك <= وتقدم هيونداي I10 آداء ديناميكي مع 3 خيارات من المحركات 2 منهم يعملان بالبنزين ومحرك واحد يعمل بالديزل وكلها متطورة واقتصادية في استهلاك الوقود وكلها تلبي كل المتطلبـات الراهنة للحماية من التلوث وهي تتوفر مع ناقل حركة يدوي بخمس سرعات أساسي أو ناقل حركة آلي مع محركات البنزين . *-*-*-*-*-*-*-* =][ المحرك الأول ][= يأتي المحرك الأول في سيارات هيونداي I10 من طراز ابسيلون سعة 1.1 ليتر بنزين يولد 66 حصـان من 4 اسطوانات . *-*-*-*-*-*-*-* =][ المحرك الثاني ][= أما المحرك الثاني الجديد بالكامل من طراز كابا بنزين سعة 1.2 ليتر يولد 75 حصان وعدد اسطواناته 4 اسطوانات وهذا المحرك يتمتع بمعدل استهلاك وسطي للبنزين يبلغ 4.3 ليترات لكل 100 كلم ، ومعدل 111 جرام/كلم لإخراج غاز ثاني أكسيد الكربون زهي أرقام تعني أن هذا المحرك هو واحد من أفضل المحركات في هذه الفئـة . *-*-*-*-*-*-*-* =][ المحرك الثالث ][= وهو المحرك الذي يعمل بالديزل وسعته 1.1 ليتر [ ] تيربو ويولد قوة مقدارهـا 75 حصان. => الصور <= http://www7.0zz0.com/2008/09/16/16/294831747.jpg http://www7.0zz0.com/2008/09/16/16/542675569.jpg طبعـا عندنا عجلة القيادة على الشمـال http://dvd4arab.maktoob.com/smile1/lol.gif http://www7.0zz0.com/2008/09/16/17/335991560.jpg أرجو إن يكون التقرير وافي لكافة المعلومات http://dvd4arab.maktoob.com/smile1/0.gif أخوكم ابو كريم http://dvd4arab.maktoob.com/smile1/glasses.gif |
رد: مقارنة بين بيكانتوا / هيونداى I10
e; picanto ab3a
shakl a7san we men goa a7san kteeeeeeeeeeeeer we an3am |
الساعة الآن 11:18 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017