رد: عمود الدسبراتور انكسر تاني اه ياني اه ياني (فليشيا)
 

هى مشكلة جلبة العمود نفسة اللى فى قلب الاسبراتور وحضرتك بتركب عمود استيراد على جلبة بايظة لازم يتكسر ، عاوز تريح بالك اعمل زى انا ما عملت - روحت لموزع معتمد اشتريت اسبراتور تشيكى اصلى مدموغ ب 500 ج وزى الفل كامل من كلة على التركيب بس أما السعر اللى بيقولة الزميل فهو سعر التركى والصينى ودول عمرهم قصير جداً ، وفى حل ابسط انك تشترى عمود استيراد وتعمل علية جلبة فى المخرطة وهى على فكرة انا عاملها قبل كدة نحاس ب 25ج بس ، والحل دة يرجع لسعر العامود لو رخيص نفذ ولو هيعدى ال 150 ج مثلاً اشترى جديد وعلى فكرة سر فشل الاسبراتور التركى والصينى هو الملف الكهربى بيقطع بسرعة فممكن مثلاً تشترى واحد تركى وتشيل الملف بتاعة عندك احتياطى وتركب ملف الاسبراتور القديم بشرط انة يكون الاصلى وفى كمان حل انك تشترى ملف اصلى من التوكيل ثمنة 75ج وتركبة على اسبراتور تركى جديد يبقى التكلفة 275ج ومعاك ملف للطوارىء زيادة ودة حل اعتقد جيد جداً - وتقبل مرورى

رد: عمود الدسبراتور انكسر تاني اه ياني اه ياني (فليشيا)
 

(بسم الله)اخى الكريم اشترى إسبراتير البيجو العادة أحسن مئة مرة من الإسبراتير الاصلى بتاعها وعن تجربة انا شفت جارى مركبه ومريحه جدا وياريت تقوللى آخر الأخبار
سعر إسبراتير البيجو الأصلى 260 جنيه ويركب للإسكودا الفيليشيا
متابع بإهتمام وتقبلوا مرورى

رد: عمود الدسبراتور انكسر تاني اه ياني اه ياني (فليشيا)
 

اخى ايمن عبد الحميد ممكن تقولى من الموزع او المستورد اللى عندها قطع غيار تشيكي اصلى او ارقم تليفوانته والعنوان ياريت :010104~171:

رد: عمود الدسبراتور انكسر تاني اه ياني اه ياني (فليشيا)
 

المشكلة يا اخ عمر ان انا من جنب اسكندرية فأعرف فى اسكندرية فقط وهو فى اتنين واحد فى شارع صلاح الدين واسمة العزازى والتانى اسمة عاطف فى سيدى جابر الشيخ والتليفونات كالتالى :
العزازى 034961577
مهندس عاطف :01005603300
واكيد فى عند حضرتك فى الجيزة او القاهرة والاسبراتير الأصلى منحوت علية بالانجليزى صنع فى جمهورية التشيك
وعلى فكرة نصيحة الزميل الجزار باسبراتير البيجو الأصلى مظبوطة جداً والتحكم فى الابلاتين والكوندنسر سهل أما الالكترونى بتاعها لو قطع يبقى البقية فى حياتك ، لذلك انا اشتريت جديد وصلحت القديم وشايلة فى العربية

رد: عمود الدسبراتور انكسر تاني اه ياني اه ياني (فليشيا)
 

انا متشكر جدا جدا لثقة حضرتك وربنا يباركلك فى عربيتك يارب ويكفيك شرها
وآسف ان كنت نصحت حضرتك بإسبراتير عادة وهى الفبريكة بتاعها إليكترونى
انا شفت جارى عاملها فى عربيته والعربية ماشية معاه زى الفل الحمدلله
وإسبراتير البيجو الأصلى طبعا ماشا الله لا يعلى عليه و إسأل 250 ألف سواق على مر الزمن كانوا شغالين بالبيجو على الطريق فى الشرق والغرب والشمال والجنوب
وطبعا عربية صديق عمرى ال504 ( الله يرحمها ) قبل ما تتسرق
ربنا يوفقك فى اللى فيه الخير وشكرا لثقتك الغالية
تقبل تحياتى

رد: عمود الدسبراتور انكسر تاني اه ياني اه ياني (فليشيا)
 

الاسبراتير الاكترونى ىلة مميزات كثيرة واهمها قدرتة على تنظيم التيار المطلوب حسب احتياج الموتور ، وطبعاً ناهيك عن مشاكل الابلاتين لما يقفل او يفتح او يلدع وشرحة بالنسبة للكوندنسر ، ولكن عيبة الوحيد انة يصاب باسكتة بدون مقدمات وقائد السيارة عندما يكون عديم او قليل الخبرة لا يمكنة التعامل مع المشكلة لأن التعامل يتطلب وجود ملف كهربى جديد وحل القديم وهكذا ودى مسألة بتحتاج وقت وخبرة ولكنها نادرة الحدوث طالما تستعمل قطع غيار اصلية ، ولكن الاسبراتير العادة لة ايضً مميزاتة الكبيرة واهمها قدرة قائد السيارة على اعادة تشغيلها بمجرد صنفرة الابلاتين او تغيير الكوندنسر فضلاً عن رخص قطع الغيار البديلة ، وللعلم هناكك اسبراتير بيجو الكترونى ولكنة غالى الثمن ولا يقل الاستعمل السليم منة عن 400ج وعموماً انا شخصياً بفكر ابيع الاسبراتير الزيادة من عندى واشترى اسبراتير بيجو اخلية احتياطى وربنا يستر علينا جميعاً من العربيات القديمة دى :CONGRA~238: