المشاركة الأصلية كتبت بواسطة فلاش (المشاركة 588470)

السلام عليكم ورحمة الله

ياجماعة الموضوع ده منقول بس عجبنى قولت ادهشكو معايا
واحد عادى خالص حب يعدل عداده بصو عمل ايه وياريات الى يلاقى حاجة للشاهين
يارت يحطها

أولا: عداد RPM بلمبات LED أبيض


ما كانش عندي عداد RPM أساساً و عندي مكانه الساعة اللي بعقارب و هي واقفة من 20 سنة تقريباً، جت لي فكرة و قعدت أدور في النت على دائرة RPM بدون مؤشر عبارة عن لمبات تضئ تباعاً كلما زادت لفات الموتور و لقيتها


نزلت اشتريت المكونات و هي متوفرة جداً في باب اللوق (النخيلي، الجمال، رام إلخ..) و اتكلفت 35 جنيه


و بدأت الشغل و أخدت 3 ساعات للتجميع ، و كانت أول تجربة ناجحة




نيجي للتطبيق على لوحة العدادات بقى، هل أسيب لون اللمبات أبيض؟ هل أخليها على شكل خط؟ ولا أعملها شكل دائرة؟ و كده أو كده، إزاي يبقى شكلها متقن؟


رحت على موضوع تعديل العدادات و أخذت الصور و عدلت صورة عداد الRPM و طبعتها هي و عداد السرعة عند الاستديو

ملاحظ أن كل 3 لمبات = 1000 RPM لأني عايرت الدائرة بالشكل ده على عربية واحد صاحبي (شاهين) فيها عداد RPM و ظبطت الدائرة عندي على كده



طبعت من كل صورة نسختين عشان تحطهم فوق بعض لزيادة العتامة عند إضاءة النور الصغير (الإضاءة خلف الورقة)


بالنسبة للورقة الخلفية قمت بتفريغ أماكن اللمبات (المربعات الصفراء) زي الصورة

الدقة في 3 حاجات:

1- تفريغ أماكن اللمبات في الورقة الخلفية

2- أماكن اللمبات و المسافة بينها

3- العزل بين كل لمبة و الأخرى و دي أكتر حاجة أخدت وقت

ثانياً: إضاءة خلفية للعدادات بلمبات LED أبيض

عملتها باستخدام 5 أو 6 لمبات خلف كل عداد، لكن أظن لو ركبت شريط ليدات هتبقى النتيجة أحسن + أريح في الشغل

لكن راضي بالنتيجة جداً و ممكن أعدلها بعدين مش دلوقتي



http://4.bp.blogspot.com/_6xxrbcxVRC...0/26639157.jpg