مصر موتورز مجتمع السيارات - مش عارف دة بصراحة سببة اية ؟

صفحة 2 من 3

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- عفشة السيارة (https://www.masrmotors.com/vb/forumdisplay.php?f=152)

- - مش عارف دة بصراحة سببة اية ؟ (https://www.masrmotors.com/vb/showthread.php?t=75880)

رومـــــا

01-01-2012 04:54 PM

رد: مش عارف دة بصراحة سببة اية ؟

اقتباس:

المشاركة الأصلية كتبت بواسطة sherif fersh (المشاركة 586097)

لو بتسمع الخبطة أول ما تعشق D أو R
يبقى كبالن داخلية ( الموجودة داخل الفتيس )
ريحة الشياط ممكن تكون حاجات كتير
بس عشان أقول انها من التيل الامامى يبقى لازم
تنزل من العربية و تحط ايدك على الجنط
لو سخن لدرجة انه يلسعك .. يبقى التيل ضاغط باستمرار على الطنبورة
لازم تجيب تفاصيل أكتر
و ان شاء الله بسيطة `

شكرا لحضرتك علي الاهتمام
بس التيل كويس انا اطمنت علية وجربت موضوع السخونية دة لقيتها عادية
هو الميكانيكي قالي وديها لعفشجي انا شاكك ان المساعد اللي قدام بيجيب زيت
ولا اية رأي حضرتك ؟

رومـــــا

01-01-2012 04:56 PM

رد: مش عارف دة بصراحة سببة اية ؟

اقتباس:

المشاركة الأصلية كتبت بواسطة mr_astra (المشاركة 586197)

او ممكن الصوت يكون من عدم احكام تيل الفرامل الامامى فى البيت بتاعة وبيكون عاوز سوستة زنق

ممكن الميكانيكي اما فكة وشافة وجهة ركبة ماحكمهوش كويس ؟
مش عارف بصراحة العيب فين
وخايف اروح لاي حد كدة ويضحك عليا

رومـــــا

01-01-2012 04:59 PM

رد: مش عارف دة بصراحة سببة اية ؟

اقتباس:

المشاركة الأصلية كتبت بواسطة hazem_khidr (المشاركة 586165)

الصوت اللي بتسمعه دا يا اما من الكوبلن الداخلي يا اما من قاعده الموتور
اما ريحه الشياط زي ما قال الاستاذ شريف
و اعمل زي ما قالك و قارن حراره الجنط بحراره الجنط في الجهه المقابله

متشكر جدا لرد حضرتك
انشاءالله هشوف دة من اية واعرفكم اخر الاخبار
وتسلموا علي الردود
انتوا فعلا ناااااس فوق قمة الاحترام

sherif fersh

01-01-2012 08:08 PM

رد: مش عارف دة بصراحة سببة اية ؟

لازم تروح لميكانيكى تانى
الراجل اللى انت بتروح عنده ماعندوش ضمير

رومـــــا

01-01-2012 09:12 PM

رد: مش عارف دة بصراحة سببة اية ؟

اقتباس:

المشاركة الأصلية كتبت بواسطة sherif fersh (المشاركة 586941)

لازم تروح لميكانيكى تانى
الراجل اللى انت بتروح عنده ماعندوش ضمير

انشاءالله هروح لواحد تاني يا استاذ شريف
وهبقي اقولك اخر الاخبار
شكرا لاهتمام حضرتك

رومـــــا

03-01-2012 04:35 PM

رد: مش عارف دة بصراحة سببة اية ؟

اخر التطورات انا روحت لعفشجي عشان يظبطلي العربية
وها هي الفاتورة كالاتي
2 جلبة مقص 50جنية
2كاوتشة ميزان 30 جنية
2 صليبة دركسيون 80 جنية
3 كاوتشة بيض 15 جنية
علبة شحم 20 جنية
10 جنية حساب مخرطة
25 كاوتشة شكمان كرولا اصلي
100 مصنعية
الاجمالي 380جنية

طبعا العربية الحمد لله مابقاش فيها ولاخبط ولا حاجة
بس الغريب بقي طالع اجرب العربية لقيت صوت الموتور عالي جدا
والار بي ام بيعلي بطريقة غريبة
وسحب العربية يعتبر مافيهاش سحب
بقيت حاسس انها بتمشي غصب عنها
انا بصراحة اتخنقت اصلح حاجة تطلع حاجة
ومش عارف دة اية
ياريت تفيدوني بالله عليكم
واسف للاطالة

akerima

03-01-2012 04:46 PM

رد: مش عارف دة بصراحة سببة اية ؟

من الاخر الاعراض دي اعراض ماستر فرامل بيخلي التيل قافش علي الطنابير حتي لو انت شلت رجلك من علي الفرامل وريحة السياط دي ريحة التيل لما بيحتك بالطنابير - الحل حاجة من اتنين حتروح لميكانيكي يا اما ينضف المساتر لان في الغالب بيبقي عليهل صدا وتراب ويغسلهم كويس يا اما تغير المساتر خاص ودي اللي يحددها الميكانيكي بعد ما يحل ويشوف المساتر حتنفع تاني ولا لا

الساعة الآن 11:50 AM.

صفحة 2 من 3

عرض 7 مشاركات من هذا الموضوع لكل صفحة