مصر موتورز مجتمع السيارات - مقارنة عملية بين الانترا القديمة وال2012 و انهي افضل

صفحة 2 من 3

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- Hyundai Elantra - النترا (https://www.masrmotors.com/vb/forumdisplay.php?f=134)

- - مقارنة عملية بين الانترا القديمة وال2012 و انهي افضل (https://www.masrmotors.com/vb/showthread.php?t=74477)

aymanshebl

20-12-2011 09:18 AM

رد: مقارنة عملية بين الانترا القديمة وال2012 و انهي افضل

اقتباس:

المشاركة الأصلية كتبت بواسطة tamer.koko (المشاركة 576458)

:010104~171: قبل ما تشوف ردي علي حضرتك ونقدي ميعجبكش اعرف اولا من عشاق الالنترا الشكل اللي فات وكانت معايا سنتين ولو هيخروني بين الاتنين اركب القديمه فعلا بس الموديل والشكل مش اكتر:010104~171: ثانيا اني من كارهي غبور جدا ولسه عامل معاهم خناقه وكمان دافع الف جنيه وشاري دراع نور لعربيتي ولو بصيت في مواضيعي هتلاقي الموضوع كامل يعني مش من مؤيدي العربيه تماما بس منبهدلهاش اوي كده :010104~171:
:837: اولا مفيش حد اشتكي من العفشه نهائي بالعكس العربيه ناعمه جدا
:w6w200504112236376dثانيا ثباتها تقريبا زي الشكل اللي فات بنسبه 99% لانه نفس التعليق زياده عليه قاعده عجلات خلفي وامامي اعرض
:w6w200504112236376dثالثا تقريبا حضرتك كنت راكب عربيه تاني وناسي ولا ايه تسارع زفت مينفعش تقول كده لأنها ببساطه نفس المكنه اللي فاتت بس 130 حصان مش 121 وتسارعها رهيب
:010104~171:رابعا للامانه موضوع السماعات ده ملحظتوش اوي لاني مش من هواه الكاسيت وخاصه الصوت العالي
:010104~171:خامسا الفرامل بتاعتها كويسه بس يمكن مش هعرف اجادل حضرتك لاني جايب الفئه اللي فيها ABS
:010104~171:سادسا فعلا موضوع جهاز الانذار ده حقيقي ومليت منه بس انا ريحت دماغي وغيرته بواحد وولف محترم علي نفس السنتر القديم وتمنه مش غالي وشغال كويس
:12EA7A~153:سابعا موضوع السرقه ده بجد اول مره اسمعه منك ومصدقك لان غبور بجد توكيل معفن وربنا يستر

هو انا هعلق على اللى انا اعرفه فى الرد بتاع حضرتك التعليق الخلفى فى الالنترا القديمة مستقل بعكس الجديدة تعليق متصل زى السيراتو علشان ده بتلاقى الاحساس بالمطبات و الحفر ملحوظ اما باقى الحاجات عن الجديدة فانا للامانة ما جربتش العربية علشان احكم عليها و شكرا

kastan

20-12-2011 09:44 AM

رد: مقارنة عملية بين الانترا القديمة وال2012 و انهي افضل

والله دى بئت كارثه على الرغم من ارتفاع مستوى المعيشه بشكل رهييييييييييييييييييييب الناس بتروح ترمى فلوسها وخلاص عربيه انا مع الكل ان شكلها حلو بس حرام الفلوس دى كلها فيها دى رأى معظم الاعضاء وغير الاعضاء اللى عندهم خبره كويسه وشامله فى العربيات بس نئول ايه غبور عرف اللى فيها عارف ان الناس نفسها تركب حاجات فخمه فبيجيب العربيه من بره شكلها حلو لكن الانتيريور بتاعها فاشل يالا ربنا يسامحه وذنب الناس فى رئبته:w6w200504112245306e

hossamdoaaaa

20-12-2011 05:24 PM

رد: مقارنة عملية بين الانترا القديمة وال2012 و انهي افضل

ما حدش ياجماعه يصدق كلام العضو صاحب الموضوع بسرعه كده لان والله اعلم ممكن يكون من توكيل منافس وبيدخل يفرقع اى موضوع لضرب سمعة العربيه وخلاص والقصد تقليل فجوة المنافسه وحتلاحظو انه عضو جديد فى المنتدى ورصيده 5 مشاركات بس

وكمان مفيش حد اشتكى من اى من الامور الى ذكرها على الاطلاق والدليل المواقع والمنتديات الاجنبيه ادخلوها وشوفو الردود الكل مبهور بالعربيه والتطور الرهيب الى بقت فيه هيونداى

وكله الا الموتور الجديد ده ياناس مفيش حد الا وقال عليه موتور طياره وطفره فى 1600

ده امريكا لوحدها اتباع فيها خلال العام ده اكتر من ربع مليون النترا الشكل الجديد والناس هناك ركيبه يعنى مش اى حاجه تدخل مزاجهم وعقلهم بسهوله

تحياتى

ehab98

23-12-2011 06:22 AM

رد: مقارنة عملية بين الانترا القديمة وال2012 و انهي افضل

انا شايف ان الموضوع فية مبالغات جامدة جدا
و خصوصا موضوع التسارع دة .. دي العربية طيارة و الفتيس الاوتوماتيك الست سرعات + الموتور ال120 حصان زي الطلقة ما بالك بقة لو عربية مانيوال كمان.

ما فيش حاجة ممكن تكون ملاحظة علي العربية غير موضوع ان العفشة مش ناعمة اوي زي القديمة

حتي العفشة لا تعيب العربية اطلاقا امال بقة عافشة الفانتازيا الهاي لاين الجنط ال17 تبقي اية و لا البي ام

socobolos

23-12-2011 10:09 PM

رد: مقارنة عملية بين الانترا القديمة وال2012 و انهي افضل

اقتباس:

المشاركة الأصلية كتبت بواسطة hossamdoaaaa (المشاركة 576908)

اولا انا مش منافس ولا حاجة و مش هتفرق جديد ولا قديم و مش هتفرق عدد المشاركات لاني مش بشارك الا لما اكون محتاج اشارك مش زيادة عدد..انا عندي عربيتين اصلا و هم مرسيدس 2010 اي 250 و هيونداي الانترا 2012 بعد ما استبدلت ال2007..لو هنتكلم فنيا هبررلك الفروق..اولا الموتور ده 1600 مش 1800 اللي هو البيسيك في امريكا. الفرامل في امريكا نازلة ديسكات ورا و قدام و في مصر نازلة ديسكات امامي فقط و ده عشان يوفر في السعر لان الفرامل البرميل بتشتغل فرامل يد انما فرامل الديسكات محتاجة يركب لها فرامل يد...العفشة في القديمة تعليق مستقل IRS زي العربيات المحترمة انما الجديدة نازلة عامود ثابت solid bar و ذلك للتوفير في السعر ايضا على حساب الثبات و النعومة في القيادة..جهاز الانذار طبعا هتلاقي اكتر من عضو بيشتكي منه مش انا بس ...و اخير الارقام الرسمية Hyundai says 2008 model 0-60 mph takes 8.8 seconds with manual transmission ......2011 Hyundai Elantra Limited 0-60 mph 9.5 Quarter Mile 16.4. 2011 Hyundai Elantra GLS (Manual) 0-60 mph 9.4

hossamdoaaaa

24-12-2011 01:05 AM

رد: مقارنة عملية بين الانترا القديمة وال2012 و انهي افضل

اقتباس:

المشاركة الأصلية كتبت بواسطة socobolos (المشاركة 579676)

بالنسبه للموتور ف الخليجى كله مش نازلgdi

وكمان 1600 المناسب لينا فى مصر من حيث التسارع وكمان الفئه الضريبيه الى حنحاسب عليها سنويا
اما حكاية الدسكات والبرميل

السؤال الى عايز اعرف اجابته منين قطعنا بالقول ان الدسكات اقوى واحسن فى الفرمله اكتر من البرميل بدليل ان العربيات النقل الكبير والمتوسطه والصغيره كلها برميل فى العجلات الخلفيه مع العلم انها اولى بالدسكات لانها سيارات صاحبة عزم وعند ايقافها بحمولتها لابد من فرامل قويه وبما ان الفرامل البرميل هيا المستخدمه فيها اذن هيا الاقوى او على الاقل متكافئه فى القوه

اما التعليق الخلفى انا اعرف ان فيه موديلات محترمه فى الاوربى بنفس التعليق وعلى ما اعتقد الجيتا مش متأكد بس فيه موديلات كتيره ومثلا برضه الوجان نفس التعليق

تحياتى

dr_eslam_66

24-12-2011 11:48 AM

رد: مقارنة عملية بين الانترا القديمة وال2012 و انهي افضل

اقتباس:

المشاركة الأصلية كتبت بواسطة hossamdoaaaa (المشاركة 579771)

بالنسبه للموتور ف الخليجى كله مش نازلgdi

وكمان 1600 المناسب لينا فى مصر من حيث التسارع وكمان الفئه الضريبيه الى حنحاسب عليها سنويا
اما حكاية الدسكات والبرميل

السؤال الى عايز اعرف اجابته منين قطعنا بالقول ان الدسكات اقوى واحسن فى الفرمله اكتر من البرميل بدليل ان العربيات النقل الكبير والمتوسطه والصغيره كلها برميل فى العجلات الخلفيه مع العلم انها اولى بالدسكات لانها سيارات صاحبة عزم وعند ايقافها بحمولتها لابد من فرامل قويه وبما ان الفرامل البرميل هيا المستخدمه فيها اذن هيا الاقوى او على الاقل متكافئه فى القوه

اما التعليق الخلفى انا اعرف ان فيه موديلات محترمه فى الاوربى بنفس التعليق وعلى ما اعتقد الجيتا مش متأكد بس فيه موديلات كتيره ومثلا برضه الوجان نفس التعليق

تحياتى

أنا شوفت نفس تعليق الفرامل دا وتقريبا كان في موضوع مستقل وكل الأعضاء الكرام وضوجوا تاماما عدم صحة مقارنة السيارات النقل بالملاكي وأشاروا مشكورين بأن فرامل الديسكات نعم أقوى من البراميل وأحدث منها, فا خلينا من الي فات ونتكلم في الباقي.
مش معنى إني فيه عربيات أوروبي تعليق متصل يبقى دي حاجة حلوة شوف العربيات دي كام واحدة موجودة في السوق وشوف كام واحد إشترى إلانترا 2012 فعلا لو كانت موجودة بنفس العدد كنت هتلاقي نفس الشكوى.
ثانيا ليه غنكار الحقائق الواضحة لما شركة هايونداي نفسها تحط أرقام التسارع للموديل الجديد وتكون اكبر من الموديل القديم إزاي ياعني عايزني أكدبهم وأصدق الي بيقولي إزاي دا ماتور 120 والتاني كان 112.
مع العلم بردو إني غالبية أرقام مواقع الشركات نفسها بيبقى مجاملين فيها نفسهم قوي على فكرة ولأكتر من مرة وملحوظة جدا وخاصتا في الكوري.
بصراحة لو جينا نفردهم كدة واحدة واحدة:

التعليق القديم فعلا أحسن بكتيير وبشكل ملحوظ.
سحب الموديل القديم فعلا أحلى.

تقبل تحياتي ولا داعي للتسرع في الرد فقط فكر بمنطقية.

الساعة الآن 03:05 AM.

صفحة 2 من 3

عرض 7 مشاركات من هذا الموضوع لكل صفحة