|
رد: أوقفوا نشر هذه الصورة واحترموا كرامة الفتاة
عندك حق
أضم صوتي لصوتك |
رد: أوقفوا نشر هذه الصورة واحترموا كرامة الفتاة
اقتباس:
احنا يا ابو نورا مش بننتقد مظاهر المشكلة ونسيب اسبابها ما احنا من يناير اللى فات بنتناقش فى اسبابها احنا بنقول نستر العورات شوية مش هتوصل اننا نقعد نناقش نوعية ملابس البنت و نقعد نناقش طريقة شدها منين و مين و اللون بقه كمان بالمرة و اللى يقول ولد ولابس بلاستيك بالله عليك هل ده كلام مقبول وغير جارح استروا انتو البنت اللى عراها يا سيدى العسكرى مش معقول كده دول زى اللى ما صدقوا حاجة يمسكوها بالتحليل وصور و فيديو ما نتكلم و نتناقش بدون ذنوب النظر لعورات النساء مش معقول كده هو خلاص الفراغ عند الكل تواجد لمناقشة ملابس البنت و نوعها و مستوردة منين بالمرة يا ابونورا لازم نراعى ربنا فى كلامنا ونناقش يا سيدى الاسباب و النتائج و يارب تشتموا الجيش و الشرطة و الشعب كله بس استتروا سترنا الله جميعا الراجل المحترم صاحب الموضوع بيقول ابنته امامه و هذا ما هز مشاعره و تخيل لا قدر الله ابنته لو فى هذا الموقف وبعدين البنات دى يا ابو نورا و اللى راحوا يشتموا المجلس العسكرى فى العباسية ما يقعدوا فى بيوتهم او يمارسوا السياسة باحترام مش بشتيمة بذيئة و قلة ادب هى دى الثورة انت تقبل بنات يقفوا امام شركتك و يشتموك بهذا الشكل ارجوك لا تزعل من صراحتى بس كلنا مثلك وطنيين و خايفيين على البلد بس مش نؤيد شتيمة فى الجيش ومش عاوزين حريقة كل يوم تحياتى لحضرتك و دعمك الدائم للثورة بس برضة لا للتخريب لا لحرق البلد لا للاهانات :thnkr: واخيرا اللهم استرنا فوق الارض وتحت الارض ويوم العرض عليك |
رد: أوقفوا نشر هذه الصورة واحترموا كرامة الفتاة
اقتباس:
واللي بيقول مفبركة العالم كله شاف الصورة خلاص وعرف هيا أيه وعلى ما أعتقد الصورة حاضرة في أذهان الجميع ولن نستطيع نسيان ما بها من مرارة مرارة أن فتاة مصرية يحدث لها هذا على أرض الوطن وأن ما حدث هو فعل لفرد في قواتنا المسلحة التي تحمي أعناقنا من العدو الخارجي لكن يجب ألا ينسينا هذا مبادئنا والفيديو على الوكالات العالمية مش المحلية بس ومش محتاج نشر أكتر من كده |
رد: أوقفوا نشر هذه الصورة واحترموا كرامة الفتاة
اللهم استرنا فوق الارض و تحت الارض و يوم العرض يا رب
|
رد: أوقفوا نشر هذه الصورة واحترموا كرامة الفتاة
معنى كلام حضرتك انك شوفتى البنت ديه بتشتم وبتعمل الحاجات اللى بتقوليها ديه
وبالتالى هى تستاهل السحل والفتك بيها بس من غير صور طبعاً ولاحضرتك تقصدى ان البنات او السيدات عموماً المفروض مينزلوش المظاهرات ؟؟ مش فاهم بجد ؟ وحضرتك بتقولى (يا ابونورا لازم نراعى ربنا فى كلامنا ) وانا بقول لحضرتك اكيد لازم نراعى ربنا فى كل افعالنا مش كلامنا بس فين الاختلاف فى النقطة ديه تحديداً |
رد: أوقفوا نشر هذه الصورة واحترموا كرامة الفتاة
ما هى فعلا مش موجودة غير فى موضوعات الاخبار والمناقشات المتعلقة بالاخبار محدش عملها تيشرتات ولا نزلت على المجات لسه
انا اسف للتهكم بس بجد انا مش فاهم ليه بنوجهه غضبنا لنتيجة من الاصل هو حتى لو اتحذفت من كل المنتدى هتتحذف من باقى المواقع وباقى الفضائيات وكل الناس فين اللى شافو واقتنعو خلاص ده لسه من دقائق موضوعات التبرير والاتهام شغالة الله ينور اقتباس:
وعلى اى اساس حضرتك خرجتينا احنا من الشعب برضو ؟؟ احنا مين يا ماما سلوى ارجو التوضيح لو سمحتى |
رد: أوقفوا نشر هذه الصورة واحترموا كرامة الفتاة
اقتباس:
المظاهرات عندما تقول بها البنت الفاظ بذيئة طبعا لا و الف لا ما تنزلش البنت و الست علشان يشتموا الجيش و الشرطة بالفاظ لا تقال لان حق التظاعر معناه انى اتظاهر بقواعد التظاهر المعروفة احنا كلنا اكيد شاركنا فى 25 يناير لما نادينا بسقوط النظام و اصلاح البلد وانا لو هطالب الآن فانا اطالب برجوع علنية المحاكمات تانى و متابعة من هم فى طرة و فلوسنا المنهوبه اتظاهر باحترامى مش بالفاظ نابية تسئ لكل البنات و الستات مش اطلع على المجلس العسكرى و اشتم واحرق السيارات واحرق وثائق مص اللى استردينا بيها طابا هى دى الثورة كده احنا بنهد الدولة ودى فترة مؤقته بس كثرة المشاحنات ستوجد بلاوى لما قلت لازم نتقى الله يا ابو نورا طبعا لم اقصد شخصك الكريم و انما الفت نظرك لما يقال عن البنت و ملابسها فى المداخلات وهل فعلا لو بعض البنات اعترضوا لا سمح الله عليك ووقفوا يشتموا امام مقر عملك بهذا الشكل ماذا ستفعل مع احترامى لشخصكم الكريم و ارجوك لا تزعل من مناقشتى الاختلاف فى الرأى لا يفسد للود قضية:CONGRA~238: وعلى فكرة انا ما قلتش البنت دى تستحق كده حتى لو شتمت بل المفروض محاكمة عادلة ولم اقول ان المجلس العسكرى و الجيش تصرفاتهم مع المتظاهرين كده صح انا معترضة على التصرفات الخطأ من الطرفين |
| الساعة الآن 01:57 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017