رد: السلام عليكم محتار ما بين أكسنت RB ولا رينو سكالا
 

مع ان انا بكرة توكيل غبور بس فعلا الاكسنت احسن وماتور قوي فعلا سحبة سريع وشكلها جامد بس الاسكالا ثابتها افضل مع السرعات العالية بس مش منتشرة قوي

رد: السلام عليكم محتار ما بين أكسنت RB ولا رينو سكالا
 

أنا عن نفسي منصحكش بالأكسنت RB لأنك و انت سايقها بتحس انك سايق ورقة هي موتور و بس

رد: السلام عليكم محتار ما بين أكسنت RB ولا رينو سكالا
 

ال rb ورق ورق ورق ورق nonononoالسكالا برقبتها :Bravo: مريحة من جوة و قوية
و شكلها جميل و بسيط مش وحش انا ركبتها و سافرت بيها انا و جماعة صحابي كنا 8 في السعودية نيسان صني من جدة لأبحر الشمال كنا ماشين على 140 مكيفها تلاجة و واسعة والله
بس كانت 2000 سي سي اتوماتيك :Bravo:
ثابتة قوية جميلة مريحة ياباني فيها ايرباج بس كناليتها متوسطة و بسيطة
قطع غيارها معمرة وممكن برضوا تفكر في صني مصري احسن لك من الاربي :Bravo::Bravo::Bravo:

رد: السلام عليكم محتار ما بين أكسنت RB ولا رينو سكالا
 

شكرا يا جماعة على الردود أنا بحترم كل الأراء بس مش عارف انا مازلت ميال جدا وبفضل الأكسنت عن كل العربيات اللى فى مستواها

رد: السلام عليكم محتار ما بين أكسنت RB ولا رينو سكالا
 

اكسنت rb كويسة

رد: السلام عليكم محتار ما بين أكسنت RB ولا رينو سكالا
 

بصراحة الموضوع محير... ال rp جميلة طبعا وسعر اعادة البيع بتاعها كويس وشيك وشكلها خطيييييير بس منه لله غبور رافع سعرها ..يعنى اقل حاجه فيها 96000 ... ومفيهاش غير الكماليات الاساسيه

بينما بنفس السعر ممكن تجيب السكالا الهاى لاين ...
فيها تكييف - باور -4 زجاج كهرباء - كاسيت mp3 - موتور 1600 - مصابيح شبورة ((زى الrp)) بالاضافه الى
فرامل ABS +EBD ودول مهمين جداا للأمان
اتنين وساده هوائيه
مرايات كهرباء ضبط وضم
5 جنوط سبور مقاس 15
عجلة قيادة ملتى فانكشن مع امكانية تغيير وضعها
سنتر وريموت

بالاضافه طبعا الى الحاجات الصغيرة اللى موجوده فى الاتنين
زى حامل اكواب جراب نضارة - اضاءه اماميه ووسطى بالصالون - اضاءه داخل الشنطه

بالنسبة للتوكيل ... توكيل غبور بصراحه انا شايفه مش حلو وناس كتير اشتكت منه
اما توكيل رينو كان زى الزفت ايام ما كان عز العرب دلوقتى ((بيقولوا)) اتحسن ... محتاج تسأل فى ديه وفى سعر قطع الغيار

مفيش شك السكالا اكثر ثبات على الطريق من الهيونداى ..الموضوع مش موتور بس ولكن بودى برده وعفشه وو
من الداخل اعتقد السكالا ابسط من ال Rp ..وديه الحكم فيها ليك ...يعنى اى واحده فيهم تعجبك


انا شايف السكالا سواء كانت رينو او نيسان صنى بس نازله بعلامة رينو فى الحالتين انا شايفها اكثر كفاءة

يعنى بحاول اساعدك فى التفكير

رد: السلام عليكم محتار ما بين أكسنت RB ولا رينو سكالا
 

ال rb ثم الرينو والافضل من الاثنين التيجو