المشاركة الأصلية كتبت بواسطة beeronasr (المشاركة 570295)

شكرا ربنا يخليك يا أستاذ أشرف - أنا فعلا موضوع صوت الموتور و كتمتة كان مخوفنى لكن مادام الموضوع فى التليين و بس يبقى تمام.
وموضوع المانيوال مش مخوفنى اوى لان من اربع سنين كنت راكب مانيوال قبل الاتوماتيك و على رايك طول ما الموضوع اغلبة سفر مش ح يبقى فارق ان شاء اللة.
و ألف شكر لحضرتك.
SLAM

المشاركة الأصلية كتبت بواسطة beeronasr (المشاركة 569922)

ربنا يباركلك فيها يا رب - كان فى تعليق من واحد راكبها ان ال rbm لما بيبقى عند 3200 العربية بتبقى مكتومة اوى و بعد كدة بترجع تسحب تانى - هل دة موجود فى كل العربيات ولا دى عيب فى عربية واحدة؟
أنا برضة محتار بقالى كتير و بصراحة خايف اندم - بس كلام حضرتك و انطباعات ناس تانية كلها ايجابية الحمد للة.
ناس تانية قالت بالفلوس دى تجيب كيا كارينز كاملة بس انا شايف ان الداستر اجمد بكتير و كنت راكب كارينز جديدة انا وواحد زميلى و معانا شنطة واحدة و مشغل التكييف - بصراحة كرهتها. كان لازم يقرص جامد علشان العربية تسحب معاة و كانت تقيلة و صوتها عالى (صحيح اوبشن اعلى كتير بس اضعف كتير)
و عزل العربية و صوت الموتور جوة الكابينة عامل اية - محدش اتكلم عنة؟
أخر حاجة رأى حضرتك فى اتزان العربية على سرعة و ملفات لانى بأسافر كتير القاهرة - الغردقة و معايا أسرتى و موضوع الاتزان دة يعتبر اهم حاجة بالنسبة لى و خاصة ان معايا لانسر و دى بصراحة ثابتة لدرجة لا توصف - فمش عايز اندم بصراحة.
و لسيادتك جزيل الشكر على نصائحك ووقتك

المشاركة الأصلية كتبت بواسطة beeronasr (المشاركة 571448)

متشكر جدا لحضراتكم جميعا - انا شفت الفيديوهات و التعليقات على النت و كلها تمام بس كان يهمنى رأى اللى راكبها و مجربها و حضراتكوا ما شاء اللة بتشكروا فيها أوى و دى حاجة تشجعنى على الاقدام فى شرائها.
وواضح ان موضوع كتمة الموتور موجود بس فى مرحلة التليين و بعد كدة بيختفى.
مش ناقص غير اتزان العربية على سرعات عالية أخبارة اية و دة لان اغلب مشيها ح يبقى سفر و طريق العين السخنة كلة منحنيات عاصية. و ربنا يسترها مع الجميع ان شاء اللة.
هل حضراتكم جربتوا السفر بيها ؟ و اخبارها اية؟

المشاركة الأصلية كتبت بواسطة stonecoldmido5 (المشاركة 571692)

بسافر بيها علي الطريق الدولي الساحلي و بمشي بمعدل سرعة 140 كم وما شاء اللة في قمة الاتزان و كأني ماشي علي 60 كم و دي تعتبر اهم ميزة في العربية دي وده اللي هيشجع حضرتك ع شراء العربية دي مع ان كمالياتها الداخلية قليلة شوية بالنسبة للانسر بس لو حضرتك بتفكر في الاتزان و الثبات يبقي الداستر من اكتر العربيات ثبات و اتزان سوقتها في حياتي و ربنا يسلمنا جميعا واقصي سرعة جبتها (160كم ) و كانت برضة ممتازة جدا بالنسبة لعربية في ارتفاعها وأسف ع الاطالة .

المشاركة الأصلية كتبت بواسطة beeronasr (المشاركة 573277)

ربنا يباركلك فيها ان شاء اللة - أنا شايف ان الداستر مميزة و فيها الامكانيات التالية ازيد من اللانسر:
1- الزجاج العازل للحرارة
2- الزجاج المظلل بالابواب الخلفية و الخلف.
3- مصابيح ضباب أمامية
4- مساحة للزجاج الخلفي
5- كمبيوتر رحلات لعرض معلومات القيادة )متوسط استهلاك وقود ، المسافة المتبقية ...ألخ
6- مخارج هواء للمقاعد الخلفية أسفل المقاعد الأمامية
7-نظام ايموبيليزر للحماية ضد السطو و السرقة
8- تصفيح حديدي أسفل السيارة و عتب جانبى
9- 4x4 و امكانية القيادة بثلاث وضعيات مختلفة
10- حجم اوسع للعلئلة مع ارتفاع اكثر عن الارض
11- التحكم بالصوت من عجلة القيادة
12- نظام المكابح المضادة للإنغلاق EBD و BAS مع ABS
كل دى حاجات شايف ان الداستر أميز من اللانسر فيها لكن تميز اللانسر بالنسبة لى فى الاتوماتيك و شياكة الصالون فقط و دى حاجتين يمكن التغاضى عنهم بسهولة نظير اقتناء عربية زى الداستر و لا حضرتك تقصد امكانيات تانية اية فى اللانسر حتفرق معايا لعدم وجودها فى الداستر؟
و متشكر طبعا لوقت حضرتك.