رد: كل عام و اخواننا الاقباط بخير
 

شكرا ليكو يا جماعة .. وانتة طيبين وبصحة وبسملامة ونشكركم جميعا للمعايدة الجميلة
مهندس/مينا عصام

رد: كل عام و اخواننا الاقباط بخير
 

كل سنة وانتم طيبين جميعا مسيحيين ومسلمين

بس بالنسبة لموضوع الرنجة والفسيخ والسردين
أنا ضد كل الحاجات دي ... وياريت كلكم تشوفوا التوبك ده

احذر....الفسيخ فيه سم قاتل!!!
http://www.masrmotors.com/vb/showthread.php?t=7357

رد: كل عام و اخواننا الاقباط بخير
 

أستعير كلمة أخي sam ram

كل سنه و كلنا اخوه ... و كلنا بخير

رد: كل عام و اخواننا الاقباط بخير
 

كل سنه و كلنا طيبين
شم النسيم احتفال بستناه من السنه للسنه
اولا العيله كلها بتتجمع و نروح راس البر و نسهر ليلتها لوش الفجر و نلف بالعربيات و نروح ننام و نصحى بدري و ننزل نتمشى على البحر و كلنا لابسين الشورتات و على البحر
يكون بابا مجهز الفسيخ و الرنجه
بس مش اي فسيخ فسيخ بابا الي عامله مظبوط مع البصل و الخل و العيش و فاردين الجرايد غير الخس و الخيار و الطماطم و اكلي فسيخايه و رنجايه و حبه سردين مملح
لحد ماتسطل اقوم انام و اقوم اكمل لف في راس البر لحد ماازهق و انزل دمياط
بس بيبقى يوم رائع و بحبه جدا
و كل سنه و كل اخوتنا الاقباط بخير و كل المصريين بخير و سعاده

رد: كل عام و اخواننا الاقباط بخير
 

وانت بالف صحة و سلامة حازم باشا

و شكرا على تهنئتك الرقيقة الجميلة

ربنا يعود على الجميع الايام بكل الخير و الهناء و السرور

رد: كل عام و اخواننا الاقباط بخير
 

لا يا دكتور العيد خلص خلاص
بقي يا راجل كنت متوقع ان انت اول واحد ترد علي الموضوع
الاقيك رادد علي تهنئتي بعدها باسبوع:)
عموما كل سنه و انت طيب يا دكتور و دايما في صحه و سعاده

رد: كل عام و اخواننا الاقباط بخير
 

معلش يا حازم يا حبيب قلبى غصب عنى فعلأ

لأن نفس توقيت أيام العيد هو كان أربعين المرحومة والدتى

و ماكنتش فى القاهرة كنت فى المنصورة مع أخواتى لعمل جناز الأربعين

و فعلا لما رجعت أول حاجة أتلهينا فيها سقوط المنتدى اللى بالى بالك هههههههههه

لكن بجد كلك واجب و زوق و أخلاق عاليا

و ربنا يبارك فيك و يديم محبتك الكبيرة