رد: جماعه ضرورى الصنى 2012 ولا لانسر بومه 1600
 

السلام عليكم
مع انى احد مالكى الانسر البومة ... بس انا بنصح بالصنى علشان فرق السعر
البومة عربية كويسة جدا بس غالية شوية عن الصنى

رد: جماعه ضرورى الصنى 2012 ولا لانسر بومه 1600
 

مش متفق معاك فى حكاية الكماليات الاكتر فى اللنسر عن الموجودة فى الصنى؟؟؟


متفق تماماً.

الاهم صلى استخارة وجرب تسوق العربيتين لو تقدر

رد: جماعه ضرورى الصنى 2012 ولا لانسر بومه 1600
 

بص حضرتك انا من مالكي الصني بس طبعا البوما افضل في انها سوقها منتشر جدا والكنبه اللي ورا واسعه والعفشه انعم ولكن السعر اعلي من الصني هي ديه الاختلافات الوحيده بين البوما والصني اما من ناحيه تقفيل الصني ففعلا اول مره اقتنع بالتقفيل المصري بيتحسن موديل ورا موديل ومتقلقش منه لو حضرتك في استطاعتك تجيب بوما زيرو توكل علي الله اللي مع حضرتك ميكملش يبقي الصني كويسه جدا وربنا يوفق للخير

رد: جماعه ضرورى الصنى 2012 ولا لانسر بومه 1600
 

لانسر اوفر في الاستهلاك واوسع وانعم واسرع...

رد: جماعه ضرورى الصنى 2012 ولا لانسر بومه 1600
 

الصنى عربيه ميزتها ان فيها اى بى اس و 2 ايرباج ب 105 الف ومشاكلها كتير فشخ .. تنحصر فى التالى:
استهلاك البنزين عالى جدا و ده لان الموتور بتاعها كامتين و بمعنى اسهل غرفتين احتراق فطبيعى ان استهلاكها يباه اكتر من البومه او الإلنترا او السيراتو او الفنتازيا او اى عربيه جديده 1600 لان كله دلوقتى كامه واحده عشان يرشد فى استهلاك البنزين

اضيف على تصميم الموتور القديم ايضا الفتيس 4 نقلات فقط و ده برده بيستهلك بدوره بنزين كتير على عكس السيراتو او الالنترا او الفنتازيا كلهم 6 نقلات لدرجة ان الاوكتافيا برغم ثقل هيكلها الخارجى اللى مفروض يخليها تاكل بنزين الا ان استهلاكها 7 لتر فى 100 كيلو و الهوندا سيفيك 5 نقلات، فالفتيس و الموتور و ثقل الهيكل فى الصنى يؤدى الى استهلاك بنزين عالى و تسارع اقل بكثير من مثيلاتها .. البومه فتيسها 4 نقلات بس ستيبترونيك و ده تكنولوجيا احدث و افضل و جامد جدا لهواة الجرى لانه بيحولك العربيه لمانيوال و لكن بسهولة الاوتوماتيك

حاجه كمان مشكلة فى الصنى انه تقفيلها مصرى فبتلاقى الفرش اقل فى الجوده و الراحه عن اى عربيه كورى او يابانى تقفيل الخارج .. وفيه حاجه اكتشفتها فى الصنى حديثا و هو ان مواتيرها مقفوله على سرعة 160 فقط ، فبدل ما تجيب 180 بالسيراتو و 200 بالالنترا و الفنتازيا هتلاقى نفسك ااااااااخرك 160 على الرغم من ان موديلات 2009 و ما قبلها عشان كانت تقفيل بره كانت مفتوحه حتى 220 لو عايز و اخيرا اقول حاجه فى حقها هيه ثابته جدا على الطريق و مش بتعوم عشان العفشه الرياضية (الجنوط السبور و Stabilizer ) فتقدر تعمل بيها اللى انت عايزه وانت مطمئن انها معااك مش هتبيعك زى الالنترا او السيراتو لخفة هيكلهم المبالغ فيه

فى الاخر البومه عربيه يابانى حديثة الموتور و الفتيس ستيبترونيك و ده فى حد ذاته يندفع فيه فلوس و استهلاكها فى البنزين معقول جدا و بتجرى موووووووووووووووووت و ثابته مع بعض احترام النفس و تقريبا نفس وزن الصنى مش خفيفه لدرجة الالنترا و السيراتو ومش تهمه لدرجة الفنتازيا بس افضل حاجه انها تقفيل الخااااااااااارج ده اهم ما فى الموضوع ابعد عن التقفيل المصرى

اسف للاطالة