مصر موتورز مجتمع السيارات - انا قدمت على اسبرانزا a113 2012 ياريت حد يساعدني!!!!!

صفحة 2 من 3

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- A 113 (https://www.masrmotors.com/vb/forumdisplay.php?f=188)

- - انا قدمت على اسبرانزا a113 2012 ياريت حد يساعدني!!!!! (https://www.masrmotors.com/vb/showthread.php?t=72481)

ممدوح علي

29-11-2011 08:29 PM

رد: انا قدمت على اسبرانزا a113 2012 ياريت حد يساعدني!!!!!

متشكر جدا ليك ياباشا وليا الشرف والله اني اكون في وسطيكم ومنكم

انا سألت المعرض قالولي مانعرفش لكن الشركة اللي هتعامل معاها اللي هي كونتكت كار اني لما ان شاء الله استلم العربية في مندوب من عندهم هييجي معايا وقت الترخيص

وبالنسبة لرخصة القيادة الحمد لله استلمتها من مرور الجزيرة من اسبوع

لوجان 2012

02-12-2011 03:01 PM

رد: انا قدمت على اسبرانزا a113 2012 ياريت حد يساعدني!!!!!

هات من ابو الفتوح

world_of_kill

02-12-2011 04:10 PM

رد: انا قدمت على اسبرانزا a113 2012 ياريت حد يساعدني!!!!!

حياك الله ببلدك الثاني مصر :CHUBBY~36:

انت طالب اولا يعني كام سنه وراجع السعوديه تاني يبقي هات عريبه تعرف تبيعها و متقرفكش العربيات هنا مش زي عندكو بيبتقي جايبها من الصاله ممكن تتطلع بيها علي الميكانيكي

شوف حاجه هيونداي او شيفروليه
انت شكلك هاوي سيارات صغيرع ممكن تشوف هيونداي فيرنا او شفروليه لانوس او افيو سيارات قطع غيارها منتشره و رخيصه + سهله الصيانه

ممدوح علي

03-12-2011 04:32 PM

رد: انا قدمت على اسبرانزا a113 2012 ياريت حد يساعدني!!!!!

متشكر ليك جدا اخ world of kill على ردك لكن انا شايف نفسي ميال اكتر لل a113 وصليت استخارة والحمد لله ثانيا العربيات اللي بتقول عليها زي الفيرنا ناس كتير منصحتنيش بيها وباقي العربيات مش فول اوبشن
وبعدين انا مش هبيعها لما اسافر هرفعها في مصر ويبقى عندي واحدة هنا وواحدة هناك وان شاء الله لسه باقي 3 سنين ياعالم مين يعيش انا كنت فقط عاوز نصايح هامة من ناحية العربية دي بالذات الحفاظ عليها نقلات الفتيس الحاجات اللي ممكن مخدش بالي منها ويكون فيها مشكلة لان انا ابيض ياورد في ميكانيكية العربيات وشكرا

Elsebily

03-12-2011 04:53 PM

رد: انا قدمت على اسبرانزا a113 2012 ياريت حد يساعدني!!!!!

هو من الواضح انك مقتنع بيها جدا
بص هي العربيه كانت مع ابن عمتي زمان واول ما جابها جابت معاه فتيس
وكانت ليسه زيرو وبردو يقال اني فيه ناس بتقول اني الصيني كويس عن تجربتهم الشخصيه
بس عامة زي ما كتير قالو العربيات الصيني عامة زي البطيخه فشوف انت حظك ايه بس اهم حاجة سواء كده او كده لازم تكون من اصحاب البال الطويل وربنا يوفقك وان شاء الله تطلع كويسه ولو ممكن تفكر انك تشتري مستعمل كويس او عربيات كسر زيرو من اللوجان يبقي تمام
وطبعا الرأي الاول والاخر ليك ولازم تكون مقتنع بالعربيه اللي هتركبها

ممدوح علي

04-12-2011 12:59 AM

رد: انا قدمت على اسبرانزا a113 2012 ياريت حد يساعدني!!!!!

متشكر جدا على ردك اخ elsebily لكن انا مبحبش المستعمل ابدا في اي حاجة كانت لو قلم حتى مستعمل بس انا فعلا مقتنع بالعربية دي ويارب يسهلها وتكون بطيختي لونها احمر ومعسلة هههههههه
انا كلمت الشركة عموما وسألتهم شوية اسئلة واقنعوني ان العربية ال2012 معدلة عن الاول وبقت قليلة العيوب وشكرا

عصام الجارحي

04-12-2011 02:30 PM

رد: انا قدمت على اسبرانزا a113 2012 ياريت حد يساعدني!!!!!

اقتباس:

المشاركة الأصلية كتبت بواسطة ممدوح علي (المشاركة 564051)

انا معك في اختيار اسبرانزا A113 لان انا مغرم بالعربية دي جدا
وبفاضل بينها وبين الباندا كروس من جيلي تحفة بصراحة واشد من الاسبرانزا في راي
لولا افتقادها لبعض الاساسيات من فرامل مانعة للانزلاق وجنوط اسبور وكاسيت سي دي
لولا هذه الاشياء لتفوقت ولكن الي الان الاسبرانزا تتفوق لانتشارها وتوافر قطع الغيار واشياء اخري
بالتوفيق لك وتوكل علي الله

الساعة الآن 04:51 PM.

صفحة 2 من 3

عرض 7 مشاركات من هذا الموضوع لكل صفحة