المشاركة الأصلية كتبت بواسطة Sherivanov (المشاركة 608993)

الأستاذ mando_car
شكراً جزيلاً على معلوماتك الوفيرة .. جزاك الله خيراً

المشاركة الأصلية كتبت بواسطة mando_car (المشاركة 606709)

ياباشا كلام الناس دة كلو غلط . ومحدش فيكم نزل واشتغل قبل كدا فكلو بيفتي وبيحلل شغلانة علي مزاجو . وكدا عيب وقلة تربية والله لما تقولو علي سواقين التكاسي والمكروباصات كلهم بلطجية وحرمية . عالاقل احسن من ناس كتير وبتنزل تاكل عيش بالحلال مش رشوة وفساد وبلا ازرق وتفاها ما بعدها تفاها .
..
صاحب الموضوع ..

انا كنت صاحب تاكسي واشتغلت علية لفترة 3 سنين .. واقدر اقلك اني مجال التاكسي مفهوش اي حاجة من الكلام الفاضي دة لا لازم تكون بلطجي ولا لازم تكون صايع . انت نازل تاكل عيش هتمشي بالعربية هيوقفك زبون يقلك المكان الفلاني وعدادك شغال وانا كنت شغال علي ابيض واسود يعني مكنش فية عداد وكان المشوار الصغير هوة عارف طريقو والمشوار البعييد بنتفق علية واحنا واقفين .. وكل شغلانة وليها مشاكلها وقرفها . ودية مشاكلها لو جبت التاكسي وشغلتو لسواقين لو انت مش معاهم هيخربو التاكسي لو انت معاهم وردية هتركب كل يوم وهتعرف اية المشاكل فالتاكسي ألي بتحصل
وافضلك لو جبتو وركبتو لوحدك او لسواق امين جدا جدا انتا تعرفو .
مشاكل التاكسي كسائق .
لو انت سواق محترم وبتقف فالمكان الصح وماشي صح ورخصتك سليمة مفيش مشاكل مع حكومة خالص . لكن وارد هتلاقي مشاكل مع زباين ومتسبش حقك لو الزبون عمل عبيط . انا حصل معايا مواقف كتير جدا منها زبون سبني وطلع يجري !
وزبون سكران وحالتو بالبلة ومش عارف يروح فين . يعني كلو وارد ودلوقتي كمان لازم تحط عينك وسط راسك عشان البهدلة ألي فالبلد . يعني اي مشاوير بعيدة فكك منها لو قالك هديك 100 جنية في مشوار ميستهلش 20 جنية
مفيش حد بيسافر بتاكسي ميعرفوش حاجات كدا لو نويت هقلك عليها ولازم تحفظها وتعمل بيها .
مشروع مجدي لكن الايام السودة دية البلد كلها متنيلة بستين نيلة وكل شارع فية مسيرة ومظاهرة ومحن وكلام فاضي المشوار الي تعملو في ساعة ياخد ساعتين وتلاتة والوردية بتشفط ..
عشان تجيب عربية زيرو من المعارض دلوقتي بقت غالية وبنت كلب تدفع 50 الف وتقسط 1750 جنية كل شهر ل 60 شهر . وال 60 دول سحلة بجد . وكل سنة فحص وتجديد مش زي الملاكي كل 3 سنين . والغاز هتجيبو قسط هتركبو ببلاش وكل شهر هتدفع 275 جنية . وركب الامبوبة الصغيرة عشان حمل عالعربية وهتمشيك حوالي 120 كيلو . ولو فكرت تجيبها من البنك فدلوقتي البنوك قافلة وفيها مشاكل كتير. بس هيا جامدة . ولو فكرت تجيب مستعمل فممكن تجيب بيضة مثلا تدفع 70 الف وتكمل انتا القسط . وفي لقط بتبان قدامك كدا بس تكون جاهز وصبور .. في تاكسي شاهين 2008 كان معروض ب 67 الف كاش .
....
موضوع المكروباص بقا . لو بتفكر تشتغل خط داخلي ابعد عن الزيرو خالص . لو بتفكر تشتغل بية سفر وشركات يلزمك حتة زيرو .
لو عايز تشتغل في موقف عادي جدا بس لازم يكون ليك معرفة وكل موقف لية واحد ماسكو ودايرو والي بيسير عليهم هيسير عليك . دية المواقف الشرعية .
المواقف الي بيعملوها السواقين مع بعضيهم بقا بلاش تقف فيها لانهم فعلا مش تمام ومش هيدخلوك ألا لو فية مصلحة منك فالليلة دية . لو انت ساكن جمب دائري اشتغل علي الدائري هتعمل احلي شغل وعلي الرااايق .
من موقف العاشر لكتوبر . يعني الخط كلوو . او من العاشر للهرم وهتشتغل تحمل وتنزل . او من اكتوبر لمدينة نصر . والفردة هنا هتعملك 40 جنية في كل واحدة في دول عالاقل .
او ممكن تجيب مكروباص وتشتغل بية في محطة تلفزيون او شركة سياحة بس هنا لازم تجيب التيوتا . وهياخدوة منك ب 5 : 6 الاف فالشهر وعليهم كل حاجة تخصة . وليك انت كمان بدل سفر مش عارف اية . والقصة دية . وتشهيص نفسك كدا في الصيف تعمل رحلات سفر مرسي مطروح ولا اسكندرية كدا يعني .. ودية مفيهاش تعب بتاعت الشركة زي المواقف
او بقا تدوس فالتقيل وتشتغل سفر . ودية لازم تكون عارف شيخ موقف عشان يدخلك فيها . ولازم تدفع لية وبياخد منك فالاول كرسيين فالفردة .

اتمنا اكون وضحتلك واي شىء راسلني عالخاص .

المشاركة الأصلية كتبت بواسطة lonely_2409 (المشاركة 610464)

الأخ الفاضل...........
أظن عيب جدا لما توصف ناس متعرفهاش و تشتم فيها و تقول كلام فاضي و قلة تربية لأنهم ممكن يكونوا أحسن منك و خبرتهم أكتر منك بمراحل.
كلامي ده من واقع تجربة فعلية مش كلام فاضي زي ما سعادتك بتقول لأن عندي أربع ميكروباصات و 2 تاكسي و لولا إن فيه واحد قريبي بيساعدني في إدارتهم كان زماني حرقتهم من كتر مشاكلهم.
صاحب الموضوع طلب المشورة من ناس لها تجربة فعلية و لو حضرتك مش عاجبك الرد مش مهم، رد عليه حضرتك أنت بتجربتك من دون إهانات و لا تجريح في غيرك.

المشاركة الأصلية كتبت بواسطة lonely_2409 (المشاركة 610464)

الأخ الفاضل...........
أظن عيب جدا لما توصف ناس متعرفهاش و تشتم فيها و تقول كلام فاضي و قلة تربية لأنهم ممكن يكونوا أحسن منك و خبرتهم أكتر منك بمراحل.
كلامي ده من واقع تجربة فعلية مش كلام فاضي زي ما سعادتك بتقول لأن عندي أربع ميكروباصات و 2 تاكسي و لولا إن فيه واحد قريبي بيساعدني في إدارتهم كان زماني حرقتهم من كتر مشاكلهم.

المشاركة الأصلية كتبت بواسطة mando_car (المشاركة 610507)

سبحان الله انت جي تقول لازم تكون بلطجي وصايع عشان تشتغل وكلام فعلا فاضي !
وانا بكلم من تجربتي وتجارب غيري وغيري هوة مش هيشتغل في مخدرات عشان يكون بلطجي دة راجل بيكلم في مشروع في اكتر من 500 الف تاكسي في مصر . كل دول بلطجية ؟
كلام فاضي لانك عممت واظن ردك مكنش فية اي معلومة مفيدة تذكر بالنسبالي يمكن يكون صاحب الموضوع استفاد لكن يوم ما دخلت المنتدي وسجلت كنت عشان افيد الناس بجد واستفيد .

ويا عزيزي لو حضرتك عندك 4 مكروباصات و2تاكسي فكان الأولي يكون ردك مفيد جدا عن كدا ودة يدل اني حضرتك بتدير المشروع دة بنجاح وربنا يكرمك اكتر وكتر وتفتح غبور اتنين . فمش عارف ازاي مشروعك ناجح وبتنصح الراجل انة يبعد عن المشروع !!
لكن قبل ما تعقب علي كلامي ياريت تقرا كلام حضرتك مرة تانية وتشوف الأفادة ألي حضرتك وضحتها فالمشروع ! لصاحب الموضوع او لغيرو :) وانا مغلطتش فيك انا فعلا شايف كلامك عار جداً من الصحة . وواجبي سواء انا او غيري يدافع عن الخطاء . واعتزر ليك لو كنت مندفع نوعا ما في ردي

المشاركة الأصلية كتبت بواسطة احمد سويلم (المشاركة 610436)

النمر فى اسماعيليه بتعمل 52000 جنيه غير العربيه طبعا

بصراحه مشجعكش علىا لموضوع اصلا نتيجه خبرتى كسائق تاكسى
البلد حالها من سيىء لاسوا ..الطرق زىا لزوفت ..البلد تعبانه

وربنا يوفقك