رد: تسريب كهرباء ( قفله )
 

بسم الله الرحمن الرحيم
ابسط اختبار لمعرفة وجود احمال علي السيارة و هي غير دائرة كالتالي
1 - هتخلع كابل من البطارية
2 - هتجيب لمبة صغيرة حوالي 5 وات او 10 وات زي المستخدمة في النور الصغير او نور الصالون
3 - هتركب فيها سلكبن في الاطراف
4 - هتوصل طرف بالبطارية و الطرف التاني بالكابل اللي خلعناه
5 - لو اللمبة نورت دة معناه ان فيه سحب و العربية مش شغاله بس استني شوية لو عربيتك حديثه هتنتظر ثواني لغاية مانور الصالون يطفي و ده من غير ماتلغي اللي عملناه علشان العربيات الحديثه نور الصالون بيبقي علي تايمر و بيعمل سحب ثواني و بيفصل بعدها
طيب فرضا اللمبة فضلت بعد دقيقة او دقيقتين برضه منورة انا قصدي متوهجه مش مسرية يبقي فيه حاجه كمان بتسحب و عموما اول حاجه هتشيك عليها نور الشنطه لو الشنطه فيها لمبة ممكن تكون مش بتفصل ( مش قلت لك ماتسيبش باب التلاجه مفتوح - زيها كده بالظبط ) هتتأكد ان لمبة الشنطه بتفصل لما بتقفل الشنطه ماتسألنيش ازاي حط واحد جوة الشنطه و اقفل عليه
تاني حاجه لمبة درج التابلوه دي برضه ممكن تكون عامله سحب
ثالث حاجه ام بي ثري الولاعه لو الولاعه شغالة مباشر و مش علي الكونتاكت
رابع حاجه جهاز الانذار اه فيه اجهزة انزار غبية حملها عالي
خامس حاجه وحدات رفع الزجاج و مكن الزجاج ممكن يكون فيه زجاج اي باب رافع للآخر و الزرار او وحدة الرفع بتعلق عايزة الزجاج يطلع من سقف العربية :) عادي بتحصل و مش هتاخد بالك بس دي هتعرفها لو حطيت ايدك علي الفرش ناحية ماكينة الزجاج هتحس بسخونتها
سادس حاجه سلك الذاكرة بتاع الكاسيت - ايوة اي كاسيت بيبقي فيه سلك اصفر بيوصل مباشر علشان المحطات المخزنة و آخر وضعيه كان مفتوح او مغلق و اعدادات السماعات و الفوليوم و الوقت ممكن يكون ذاكرة الكاسيت بتستهلك شوية
لو لقيت كل ده سليم و اللمبة برضه متوهجه يبقي حلال عليا عربيتك و كفاية عليك فيها 100 جنيه علشان انا زهقت
لو اللمبة فيها يعني شبه تسرية بس فده طبيعي و ساعتها يبقي البطارية بايظه
و بعد ازنك هعمل الكلام ده في موضوع منفصل علشان الناس تستفيد
و اي خدمة
م / سامح ليله

رد: تسريب كهرباء ( قفله )
 

كلام سليم وزى الفل و ممكن بدل اللمبة تستعمل الأفوميتر على التوالى فى وضع قياس الملى الأمبير

رد: تسريب كهرباء ( قفله )
 

كلام ممتاز الى حضرتك نصحت بيه وده فعلا الى عملو الكهربائي قدامى وفضلت اللمبة منورة وقال لى فى النهاية مفيش تسريب ده السحب بتاع كمبيوتر السيارة . ولما حس انى مش مقتنع قال لى تقدر تروخ تكشف عليها بالكمبيوتر .... الغريبة انا مفيش حاجة انا عملتها فى العربية الى جرى هو ان البرد ذاد بس ...

رد: تسريب كهرباء ( قفله )
 

السلام عليكم اخي الكريم انا متاكد انا بطارية سيارتك سليمه مع احترامي للجميع لو عندك افو متر تقوم بفصل كبل السالب للبطاريه وتضع موشرالافو متر على الامبير وتضع طرف الافو متر + على سالب البطاريه والطرف _ للافو متر على الشاسي وتشوف اذا عطاك الافو تاشيره فانه لديك تسريبفي احدى الدارات في السياره وللكشف اي داره فيها التسريب تقوم بفصل الفيوزات واحد واحد عندما تتغير التاشيره اوتختفي فان هذه الداره يكون فيها التسريب واتمنى لك التوفيق

رد: تسريب كهرباء ( قفله )
 

شكرا لكم جميعا . انا غيرت البطارية واشتريت بطارية ACDELO 65 والحمد لله المشكلة اتحلت خالص

تحياتى للجميع