مصر موتورز مجتمع السيارات - بصوا يا جماعه الصوره دى هيا دى عقدتى اللى منكده عليا فى السواقه

صفحة 2 من 6

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - بصوا يا جماعه الصوره دى هيا دى عقدتى اللى منكده عليا فى السواقه (https://www.masrmotors.com/vb/showthread.php?t=71412)

ahmedraafat00

07-11-2011 03:59 PM

رد: بصوا يا جماعه الصوره دى هيا دى عقدتى اللى منكده عليا فى السواقه

اقتباس:

المشاركة الأصلية كتبت بواسطة د.هبه77 (المشاركة 547399)

هو اولا متعتبرهاش عقدة دة اهم شئ
ثانيا قبلها تدي فلاشر انتظار عشان اللي وراك ميبكبسش
ثالثا بقي لو زمر متركش معاه لان انت من حقك توصل للمكان اللي انت عايزة من الطريق اللي انت تعرفه
وزي ما استاذ شريف قالك لو لقيت نفسك خلاص هتخبط في العربيات اللي عالشمال في الشارع الجانبي ممكن تاخدها علي مرتين يعني ارجع تاني مارشدير شوية صغيرين وانت كاسر الدركسيون اقصي شمال ...... وبعدها اقف واكسر الدركسيون يمين وادخل في الشارع الجانبي

وممكن تجرب الموضوع دة في مكان معليهوش ضغط وفي اوقات غير الذروة

شكرا يا د- هبه على الرد والنصيحه وان شاء الله هنفذ النصايح وربنا يقدم اللى فيه الخير

ahmedraafat00

07-11-2011 04:03 PM

رد: بصوا يا جماعه الصوره دى هيا دى عقدتى اللى منكده عليا فى السواقه

اقتباس:

المشاركة الأصلية كتبت بواسطة SheNo0o (المشاركة 547404)

ممكن اسالك سؤال
انت عندك حاجه في نظرك ؟

انا عندي المشكله دي ف المسافات والابعاد
لان عندي عين مش مظبوطه وفيها حول وكده
بالتالي الجمب اليمين عندي مش مظبوط بس وسع لنفسك وانت داخل شويه وحمل علي الجمب المظبوط عندك
القريب منك وامن برده علي الجمب اليمين البعيد عنك

وممكن كمان علي فكرة يكون مش العيب فيك واهم حاجه متخليهاش عقده عندك
ممكن تكون مشكله الناس الي ركنه طالعين برة الشارع جدااا والركنه مش مظبوطه ف عادي يامعلم متقلقش نفسك واتكل علي الله وكله بيخبط يعني مانت عارف انا اتخبطت الجمب كله والعربيه واقفه وانا في البيت فوق

لا معنديش حاجه وهقولك حاجه انا لما كنت رايح اعمل الرخصه اول مره وقع وقعه جامده عالسلم ففى واحد ست اللى تقريبا بتمضى على الملف شافتنى مش ماشى كويس فعملتلى كومسيون طبى و روحت الكومسيون الطبى وكشفوا عليا و على نظرى وطلعت لائق ومكتبوليش حتى نضاره طبيه !
وطبعا شكرا ياباشا على ردك واهتمامك وفعلا في ناس بتبقى راكنه ركنات غبيه وبيزعلوا لما يتحكوا

ahmedraafat00

07-11-2011 04:06 PM

رد: بصوا يا جماعه الصوره دى هيا دى عقدتى اللى منكده عليا فى السواقه

اقتباس:

المشاركة الأصلية كتبت بواسطة mm_champion (المشاركة 547438)

ولا عقدة ولا حاجة انا بقالي برضه حوالي 6 شهور بسوق , وكله مر بالموضوع ده , وعن نفسي الباب عندي فيه خدش بسب الركنات , بالنسبة للصورة اللي انت حاططها أولا حاول تدخل براحة خالص ( لو عربيتك مانيول هات الأول وامشي دبرياج بس ) عشان لو حسيت انك هتخبط تلحق تفرمل ولو خبطت متبقاش فيها حاجة , المهم خليك مركز عينك على طرفي كبوت العربية , وبعد ما تاخد اللفة تبص في المراية اليمين والشمال عشان تشوف جوانب العربية هتدخل ولا لأ , بس شوية شوية هتخدها وانت على التاني كمان هههههههههههه
بالتوفيق

شكرا يا باشا على ردك واهتمامك و ان شاء الله هنفذ النصايح دى بس عندى سؤال بما اننا لسه جداد فى السواقه انا ساعات بحس ان بوظ العربيه خلاص هيخبط ولو نزلت بصيت بلاقى فى مسافه كافيه انها تعدينى هل انا لوحدى كده ولا حضرتك واغلب اللى الناس مروا بالمرحله دى ؟

Eng/salwa

07-11-2011 04:07 PM

رد: بصوا يا جماعه الصوره دى هيا دى عقدتى اللى منكده عليا فى السواقه

السلام عليكم و رحمة الله و بركاته
لا تقلق كلنا كنا كده فى اول السواقة
اهم حاجة تكون هادئ و اركن بهدوء و ربنا يستر طريقك و طريقنا جميعا يا رب و كل عام و انتم جميعا بخير:01FDAB~189:

ahmedraafat00

07-11-2011 04:07 PM

رد: بصوا يا جماعه الصوره دى هيا دى عقدتى اللى منكده عليا فى السواقه

اقتباس:

المشاركة الأصلية كتبت بواسطة SHERIF MARLBORO (المشاركة 547406)

طيب بتاف ليه مهو انت هتشوف فى مرايت الجنب ازاى كانت هاتحك ولا لا؟؟صح؟

بص يا استاذ اسامه انا بخاف لانى بحس ان بوظ العربيه هيخبط وساعات لما بنزل بلاقى لسه فى مسافه تعدينى هوا ده عادى و حضرتك واغلب اللى بيسوقوا حصلهم كده ولا انا بس ؟
وطبعا شكرا يا استاذ شريف على رد حضرتك واهتمامك

ahmedraafat00

07-11-2011 04:09 PM

رد: بصوا يا جماعه الصوره دى هيا دى عقدتى اللى منكده عليا فى السواقه

اقتباس:

المشاركة الأصلية كتبت بواسطة Eng/salwa (المشاركة 547749)

طب تمام شكرا يا استاذه سلوى على الرد والنصيحه والواحد كده ابتدى باخد ثقه انا كنت فاكر انا لوحدى كده

فادي مكرم

07-11-2011 04:13 PM

رد: بصوا يا جماعه الصوره دى هيا دى عقدتى اللى منكده عليا فى السواقه

اقتباس:

المشاركة الأصلية كتبت بواسطة ahmedraafat00 (المشاركة 547750)

لا عادي
وانا زيك بس بقيت واخد بالي يعني انا شايف ان هخبط بس انا عارف ان فيه مسافه ف بطلع سنة

وحتة التقاطعات دي وحشة قوي
لان فى شوارع ضيقة مهما عملت تروح وترجع وهتحرق دمك وهي اصلا متجيبش ماروتي تعدي فيها
للامان وراحة البال امشي 5 دقايق زيادة احسن ما تقف ساعتين تعدل العربية ولاقدر الله تتحك منك
ومتخفش كلنا كدة ^^ :)
تحياتي

الساعة الآن 06:47 AM.

صفحة 2 من 6

عرض 7 مشاركات من هذا الموضوع لكل صفحة