مصر موتورز مجتمع السيارات - نيسان صنى المظلومة

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

- - نيسان صنى المظلومة (https://www.masrmotors.com/vb/showthread.php?t=71146)

رد: نيسان صنى المظلومة

اقتباس:

المشاركة الأصلية كتبت بواسطة ahmed_rahem (المشاركة 545331)

انا لسه جايب صنى سوبر صالون 2012 المهم
الفرامل حاسسها مش قوية مش عارف ليه ممكن علشان التليين ،
التلين ليس له علاقة بالفرامل، والنقطة التانية احساسك مقارنة بسيارات اخرى ولا مجرد شعور، عموماً لما تروح صيانة ال 1000 متنساش تتكلم فى النقطة دى ولو الفرامل مش بتمسك كويس يبقى متستناش ال 1000 وروح فى اقرب فرصة (الاحتمال ممكن يكون فية هوا فى الزيت)
والدركسيون لما بخش على مطب بيهتز يمين وشمال فهل هو كده اصلن ولا هيظبطوه فى صيانة 1000كم
المطب على سرعة ولا لأ، واعتقد انة طبيعى طالما اتجاة العربية مش بيتغير - بالبلدى العربية بتحدف ولا لأ - لو بتحدف يبقى زوايا والتظبيط مع الصيانة بس وانت بتحجز تبلغ النقطة دى، ويفضل تروح السبع فى المعادى افضل فى النقطة دى
والفتيس كل لما احركه بيهبد هبدة خفيفة مع انى بدوس فرامل جامد
لو انت واقف على مطلع او منزل لازم يهبد معاك، لو انت هتف وتنزل من العربية تعمل التالى تدوس فرامل وترفع فرامل اليد وبعدين تنقل على P وفى الاخر تطفى العربية، وانت طالع تعمل العكس، تدور وتدوس فرامل وتنقل وبعدين تنزل فرامل اليد، والهبدة دى سببها فك تعشيقة التروس وليس لها ضرر وجميع الاتوماتيك فيها نفس الهبدة (سوقت قبل كدة تيدا، سيفيك، لانسر، سكالا، يارس، دودج)
وعايز اعرف طريقة استعمال الفرامل absهل بكارك ولا؟؟؟؟؟
الفرامل بتشتغل لوحدها عن طريق حساسات انت بس بدوس فرامل فقط - ولما ABS بيشتغل بتحس برجرجة خفيفة فى بدال الفرامل. لو انت عايز تجربها امشى فى حتى متربة ودوس فرامل جامد - وطبعاً خد بالك يكون الشارع فاضى.

واخيراً تحية لصاحب الموضوع ahmedkamal لان فعلاً العربية دى مظلومة جامد على الرغم من انها افضل عربية بالسعر دة.
والسلام ختام

شكرا على الاهتمام ياباشا
وبالنسبة لموضوع الدركسيون انا اقصد وانا داخل على مطب بسرعة هادية الطارة بتتحرك سنة يمين وشمال مش اللى هى يعنى تغير مسار الاتجاه.....وانا اقصد فى موضوع الفرامل(الاستعمال السليم) بمعنى هل لما بتدوس عليها بتفضل مثبت رجليك على الدواسة ولا بتدوس وتسيب وهكذا لحد لما تقف او تهدى...... وشكرا ليك. معلش سؤال تانى هو انا بقول المشاكل اللى فى السيارة وانا بحجز فى التليفون ولا لما ابقى اروح وشكرا ليك مرة تانية

رد: نيسان صنى المظلومة

والفتيس كل لما احركه بيهبد هبدة خفيفة مع انى بدوس فرامل جامد:
عزيزي الفاضل Mr.mohamed http://www.masrmotors.com/vb/sama-el...s/viewpost.gif :
علشان ما تحسش بهبدة الفتيس الأتوماتك اولا خليك ضاغط على الفرامل وانقل على الوضع N وشوف انت عاوز اية لو ها تقف خليك علي N و ارفع فرامل اليد ودوس على الزرار الفضى فى عصا الفتيس وانقل علي P.
لو انت على الوضعP وعاوز تتحرك دوس على الزرار الفضى فى عصا الفتيس وانقل على D و خليك ضاغط على الفرامل واخر حاجة ارفع فرامل اليد.
لو انت وقفت في اشارة انقل على الوضع N و ارفع فرامل اليد ولو ها تتحرك اضغط على الفرامل وانقل مباشرة الى الوضع D وبعد كدة نزل فرامل اليد وشيل رجلك من على الفرامل.
وعايز اعرف طريقة استعمال الفرامل absهل بكارك ولا؟؟؟؟؟
كى يعمل abs وتختبرة خليك ماشى على سرعة متوسطة يعنى من
80-90 واضغط على الفرامل بكل قوة مرة واحدة وخليك ضاغط ما تسيبش ها تحس ان في صوت تكتكة ورجرة خفيفة فى الفرامل
ولو قدرت توجة العربية يمين او شمال كانك بتفادى عربية ولقيت العربية وقفت فى حط مستقيم يبقى absبتاعك شغال زى الفل.
ملحوظة لا تترك الفرامل نهاءيا حت تقف.

وممكن اعرف اجيب زيت lquimoly ،،:
طبعا ودة تليفون التسويق 01224961111
باقى الاستفسارات الاستاذ ahmed_rahem رد بشرح وافى.

رد: نيسان صنى المظلومة

جزاك الله كل خير على الاهتمام بالرد

رد: نيسان صنى المظلومة

اقتباس:

المشاركة الأصلية كتبت بواسطة mohamedfadel (المشاركة 545132)

النيسان صني عربية جميلة بمعني الكلمة :fun_36_3_13[1]:

النيسان سياره محترمه جدا وخصوصا موديل 2012 تم علاج شكاوى العملاء فيه بنسبه 99% بس مراكز الصيانه بجد زفت جربت منهم 2 اسوء من بعض السبع وده فى القاهره بتوع حركات وكلام وبس ويحب يفهمك ان اى عيب فى السياره ده هو ان السياره كده ومش حتاخد منهم غير الابتسامه وخلاص غير كده باقى الكلام كله اشتغالات ثانيا توكيل نيسان فى الحضره بالاسكندريه زباله ومهندسين مبتدئين وزحمه جامده جدا والفنيين معظمهم هاجروا التوكيل وفتحوا ورش خاصه بيهم خارج التوكيل ودى كانت تجربتى السيئه مع مراكز الصيانه بكل اسف غير كده السياره الحمد لله زى الفل ولكن هناك ملحوظه هامه جدا لا يجب بأى حال من الاحوال تخطى السرعه 170 كم ساعه لان الشركه بتنصح بده معدل سرعه السياره القصوى اوتوماتيك 170 كم ولو حبيت تزيد عن المعدل ده يبقى تتحمل وحيكون على حساب موتور السياره واصلاحه فى وقت اقرب من الوقت المحدد له