مصر موتورز مجتمع السيارات - انا محتااار جدا جدا جدا

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - انا محتااار جدا جدا جدا (https://www.masrmotors.com/vb/showthread.php?t=71045)

رد: انا محتااار جدا جدا جدا

نصيحة لوجه الله ابعد عن الافيو الانوس برقبتها واللي احسن منهم الاتنين اللوجن طبعا وانا عن نفسي املك الفيرنا بس طالما عايز عربية عالية يبقي خليك في اللوجن

رد: انا محتااار جدا جدا جدا

انا من رأى ايه ياترى .......
بقول يعنى ما دام معاك 75 ألف يبقي تشترى 5 عربيات 128 وتدى كل واحد عربية :fun_36_1_12[1]:

انا بهزر معاك لان انا بحب الهزار بس عموما ربنا يكتبلك اللى فيه الخير والأصلح ليك :fun_36_3_13[1]:

رد: انا محتااار جدا جدا جدا

الافيو تقفيل مصر فعلا فيها مشاكل في العافشة وفي التقفيل هي عربية في الشكل جميلة بس مشاكلها بتظهر بدري وخصوصا العفشة + التوكيل مش كويس

الافيو عربية حلوة قطع غيار متوفرة لكن للاسف مش واسعة وحتبقي صغيرة علي 5 افراد
الانوس من بعد الدايو لا تعليق + ان فيها نفس مشكلة الافيو بالنسبالك وهي صغر الحجم

اللوجان - صالون واسع جدا وشنطة 520 لتر يعني ضخمة وعالية عن الارض بجنوط 15 مش 13 مشاكلها قليلة والتوكيل ممتاز - يعيبها الغلو النسبي لقطع الغيار (مع العلم انها موجوده دلوقت برة التوكيل بس طبعا اغلي حاجة بسيطة من الافيو والانوس) شكلها ووضعية الزراير اللي مختلف عن اي عربية واللي انا نفسي مكنتش مقتنع بية من الاول بس مع التعود والتجربة مبقاش فية اي مشكلة الحمد لله

رد: انا محتااار جدا جدا جدا

اقتباس:

المشاركة الأصلية كتبت بواسطة corsair (المشاركة 544184)

صديقى كورسير أنا :010104~171: متفق تماماً مع حضرتك و مقلتش ان اللانوس وحشه بالعكس أنا بحبها جدا ومريحانى ولكن أنا شايف انه مايل ناحية الأفيو أواللوجان ولذلك أيدت الأفيو لانى اسمع ان اللوجان ليها مشاكل ايضا

رد: انا محتااار جدا جدا جدا

اقتباس:

المشاركة الأصلية كتبت بواسطة azeweel (المشاركة 544265)

سيدي الفاضل اللوجان بقالها معايا سنتين والسانديرو معايا من كام شهر والله الاتنين ما فيهم اي مشاكل علي الاطلاق والحمد لله والمشاكل اللي حضرتك بتقرا عنها يا اما مشاكل فردية يا اما مشاكل مفتعلة لاظهار اي عيب في العربية زي مثلا

العربية كومباكت (اكنها اول عربية يعملوا فيها اختراع الكومباكت دا وبقي عيب)

كالون المفتاح في الباب مش في الاكرة زيها زي ال 128 (مع ان ال 128 مفتاحها في الاكرة انا مش فاهم دا عيب ازاي)

لونها بهتان مش اسود (عشان هي فعلا مش سودا هي فراني غامق ولو بصينا علي الاسود بتاعها حتلاقية اسود من اي حاجة سودا)

علي سقفها اريال (اية التخلف دا هو فية عربية دلوقت علي سقفها اريال دا شيء عجيب)

عفشتها ناعمة قوي ودا جايز -يمكن يخليها مش ثابتة زي عربيات تانية عفشتها ناشفة تكسرلك ضهرك عشان الثبات

العربية فعلا كان فيها مشكلة واحدة وهي سخونة عند بدال البنزين بسبب العزل اللي علي مواسير التكييف الساخن بس الكلام دا اتحل في الموديلات القديمة لكن في 2012 الموضوع دا مش موجود تماما غير كدة والله وبمنتهي الامانة مفيش اي حاجة تانية

رد: انا محتااار جدا جدا جدا

اقتباس:

المشاركة الأصلية كتبت بواسطة akerima (المشاركة 544284)

ربنا يباركلك فيها بس ....... لم أقصد الإساءه ...... وعشان كده بيقولوا اسأل مجرب

رد: انا محتااار جدا جدا جدا

اقتباس:

المشاركة الأصلية كتبت بواسطة azeweel (المشاركة 544290)

ربنا يباركلك فيها بس ....... لم أقصد الإساءه ...... وعشان كده بيقولوا اسأل مجرب

الله يكرمك - يا عم ولا يهمك في بيتها احنا اخوات

وكل سنة وحضرتك طيب بمناسبة عيد الاضحي المبارك

وكل سنة وكل اعضاء منتدانا المحترم بخير