رد: لو سمحت ؟؟؟؟ إركن فى مكان تانى
 

ما هو يا سيدى الفاضل ياكدة يا اما هشد معاة فى الكلام وهنمسك فى بعض وواحد فينا يتعور او يا سيدى قدر ان لما شافنى شديت معاه سكت وكبر دماغة .. ورجعت ولقيت الازاز محدوف بطوبة ولما متخربشة من اولها لاخرها ولا علامة مسروقة

يبقى انا كدة استافدت اية فى الحالتين ؟؟؟

بعدين والله زى ما قولتلك احنا مشكلتنا انهاردة فى مصر ان اغلب الناس بقت وخدها فتونة ومفقتدة للذوق وكل واحد بقى ع تكة ومستعد يتشاكل ويرفع السلاح فى اى لحظة والناس مخنوقة ومش طايقة بعضها

طيب ولية كل دة لو كل واحد هدى وفكر بالعقل وبالراحة والاصول هتلاقى الامور مشت وكلة زى الفل .. وانا ياما اتعاملت مع ناس كتير اقفال وطريقة كلامهم تكسر الجبل بس الحمد الله بالهدوء وباسلوبى فى الكلام والادب خليتة يقولى انت عاوز اية وانا اعملهولك

يا سيدى وربنا ما يوقعنا ابدا فى اى مشاكل مع حد ويعدى ايامنا ع خير ان شاء الله

رد: لو سمحت ؟؟؟؟ إركن فى مكان تانى
 

انا بصراحه من كتر الارف بتاع ده مكانى وفيه عربيه جايه
ريحت دماغى وبقيت اركنها ف جراج
منى بحميها من السرقه ومنها بشترى دماغى

رد: لو سمحت ؟؟؟؟ إركن فى مكان تانى
 

اكتر حاجه بتدايقنى هو كلام البهوات بتوع المحلات أل يعنى العربية اللى واقفة ادام المحل هتحجب الفاترينة والناس ماتشتريش منهم مايعرفوش ان الارزاق فى يد الله لكن بالنسبة للناس الى عندها جراشات ادام البيت اعتقد مش من اصول الذوق ان واحد يجي يركن عربيته ادام باب الجراش وهو عارف انه جراش اظن من حق صاحب البيت ان يحرج بعربيته فى اى وقت وخاصة لو كان فى شغل صباح باكر ولا واحد افندى محترم مبيت العربية ادام الجراش دى موقف صعب جدا

رد: لو سمحت ؟؟؟؟ إركن فى مكان تانى
 

هو مشكلة اصحاب المحلات الجهل يعني هو لو عرف ان رزقة جاي جاي سواء ركنت امامة او مركنتش بس تكلم مين يقولك قدام شوية يا استاذ عشان دة محل اكل عيش هو انا بعمل حاجة غلط تضيع اكل العيش يعني بس انا مرة ركنت قدام واحد بتاع كوتش بالليل وهو قافل وكنت في مكان غريب عني ومخدتش باللي خالص وجيت بعد الظهر لاقيت الراجل حاطط كرسي وقاعد جنب العربية وقالي انا مشتغلتش من الصبح بسبب الركنة دي مفيش عربية عارفة تخش الورشة اا بصراحة زعلت علي اللي انا عملتة فية

رد: لو سمحت ؟؟؟؟ إركن فى مكان تانى
 

رد: لو سمحت ؟؟؟؟ إركن فى مكان تانى
 

انت عملت عين العقل
مش انا بنت بس لو ده حصل معايا ده انا كنت فردت الملايه وعرفتوامقامه كويس
هو مكان ابوه

رد: لو سمحت ؟؟؟؟ إركن فى مكان تانى
 

والله يا جماعة انا مقتنع ان ديه مشكلة تخطيط مدن فى الاساس مش مشكلتى ولا مشكلة صاحب الدكان
خارج القاهرة مفيش الكلام ده خالص والمدن الجديدة مفيش كده ابداً
وبالتالى مش صح انى اشيل صاحب المحل كل المشكلة
فاللى انا بعملة فعلا انى بقدر المكان اللى هركن فيه واذا كان فعلا هيحجب الرؤية عن فاترينة او هيمنع صاحب محل او ورشة من استخدام المساحة اللى قدامة باستاذنة قبل ما اركن اصلاً تمام تمام مش تمام بشوف مكان تانى

بس الامر مبيخلاش بردو من ناس باردة زى حلاق مثلا ولا ليه باترينة ولا ليه دعوة بالشارع ويوقلك معلش متركنش
او زى ما بيحكى الشباب عن اللى واخدين الارض بالدراع وبياخدو اتاوه على كل ركنة

دول بيبقلى لهم رد تانى طبعا :01964E~163: