رد: اجيب نيسان صنى و لا لأ
 

مع احترامى للجميع انا شايف ان النيسان صنى ديه عربية جبارة وفيها مواصفات كتيرة بالنسبة لسعرها ويابانى
وانا رأيى انك تشترى نيسان صنى 2007 هى مع واحد جارى وقاعدة معاه بقالها فترة ومش عايز يبيعها

رد: اجيب نيسان صنى و لا لأ
 

اتا ليا واحد صاحبى لسه جايبها 2012 امبارح بيقولى استهلاك البنزين كويس (مشى بيها 700 كيلو من القاهره لقنا ب 80 جنيه بنزين) يعنى بحسبه بسيطه الصفيحه عامله 320 كيلو و ده معدل كويس جدا ارجو الافاده يمكن موديل 2012 ظبطوا فيه موضوع البنزين.

رد: اجيب نيسان صنى و لا لأ
 

بص يا باشا هي عربية تمام وياباني 100% وعربية اعتمادية ومناسبة للطرق المصرية ولكن سوقها واقف في اعادة البيع ودة اللي مخلي الناس مش بتقبل عليها فانصحك انك تشتري ليك وللسوق لانك وارد تحب تغير عربيتك في اي وقت فمش هتعرف تبيع العربية غير بعد عذاب فانصحك تجيب عربية كيا او هيونداي لسهولة الصيانة وقطع الغيار واعادة البيع

رد: اجيب نيسان صنى و لا لأ
 

بص بمنتهى البساطة شوف نفس السعر للصني هيجيبلك إيه مكانها وقارنه بيها وشوف عقلك هيختار إيه وتوكل على الله.
وبالتوفيق ومبروك مقدما.:12C186~161:

رد: اجيب نيسان صنى و لا لأ
 

نفس سعر الصني يجيبله accent rb عربية حلوة جدا وفتيس ستيبترونيك ومش استهلاكية في البنزين وتكييف جميل وشكل جديد لسه نازل ده غير ان العربية بدات تنتشر ده غير كماليات العربية الكتير ده غير ان العربية هيونداي وهي اكثر عربية تشتريها وانت مطمن لانها اكثر عربيات ناجحة في مصر حاليا ( النترا باشكالها - ماتريكس - فيرنا - فيرنا فيفا - اكسنت ار بي - نيو اكسنت - اكسنت القديمة - اكسل - جيتز - i10 ) انا مش شغال في هيونداي ولا ليا اي علاقة بيهم بس بحترم الشركة دي جدا واقولك اشتري وانت مطمن منها ( انا عندي النترا على فكرة )

رد: اجيب نيسان صنى و لا لأ
 

أنا مش هقارن بين الصني والأكسنت الآر بي بس إرجع لموضوعات نفس المنتدى وهتلاقي أكتر من مقارنة بينها وبين الصني وحدد بنفسك.

رد: اجيب نيسان صنى و لا لأ
 

انا ياجماعة عملت 38.25 لتر في 305 كم جوه البلد فهل ده كويس