مصر موتورز مجتمع السيارات - فصل كهربا العربية بالكامل لمنع السرقة !!! افكار !!!!

صفحة 2 من 5

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - فصل كهربا العربية بالكامل لمنع السرقة !!! افكار !!!! (https://www.masrmotors.com/vb/showthread.php?t=69844)

aymanay32

14-10-2011 03:19 AM

رد: فصل كهربا العربية بالكامل لمنع السرقة !!! افكار !!!!

اقتباس:

المشاركة الأصلية كتبت بواسطة lawyer9 (المشاركة 531832)

نسيت اقولك حاجه مهمة عشان جهاز الإنذار يكون له فايدة لازم تجيبله طبنجه وترخصها ودا طبعا صعب جدا الايامدى لكن مطلوب جدا لأنك لو نزلت مع سماع السرينه هتلاقى إلى انتا شايفه فى البلكونه واحد بقى خمسه على الاقل متفرقين حولين المكان وفى الحاله دى ممكن تبقى الخسارة خسارتين .. عن نفسى جايب شومه بس يا ترى فى ظرف زى دا هفتكر اجبها او حتى هفتكر البس شبشب وانا نازل .. ربنا يستر هما بقى حتى الشاى بيبقوا شربينه قبل العمليه يعنى جاهزين وشغالين شغل مزاج مطوته معاه ومفاتيحه معاه والزراديه ومقص الحديد يعنى مش حارم الزباين من حاجه .. ربنا معانا

ايه رائيك لو فكيت شاكوش الاسبراتير و خدته معايا فى جيبى مش كدة هيوقف الحرامى و مش هيعرف يشغل العربية من غيره اما الفيوز ممكن يحط حته سلكه مكانه و يشغل العربية

romioromio

14-10-2011 05:03 AM

رد: فصل كهربا العربية بالكامل لمنع السرقة !!! افكار !!!!

ياه ايه اللي بيجري في مصر

والله ساعات بسيب عربيتي مفتوحه بالليل

احمد على 1999

14-10-2011 07:43 AM

رد: فصل كهربا العربية بالكامل لمنع السرقة !!! افكار !!!!

ممكن مؤقتا ما عقبال ما تعمل انذار او مفتاح فصل
زى ما بتقول افتح الكابوت و افتح علبة الفيوزات و بص على خريطة الفيوزات المرسومة على العلبة غطا ( حتلاقيها مرسومة من بره او جوه ) دور على كت أوت اسمه fuel pump فكه خليه معاك او خبيه فى مكان تانى ( زخنق فى الماتور او فى الشنطة )
و فك فيوز ignition رئيسى ( احتمال هما اتنين ) او الاسهل لو عندك كويل واحد فك الفيشة بتاعته و علقها مكانها كانها راكبة

كده سبب تعطل العربية حاجتين
بنزين
و كهرباء
يعنى الحرامى لازم يكون ميكانيكى شاطر و حتاخد منه ساعتين تلاتة عشان يعرف السبب و لو عرف واحد حياخد وقت عشان يعرف التانى ده غير مش حيبقى ماشى فى ايده كت أوت و فيوزات

الكلام ده كله مع قفل الدركسيون الى بيركب على الدركسيون لوحده

و تستودع العربية الله

romioromio

15-10-2011 01:37 AM

رد: فصل كهربا العربية بالكامل لمنع السرقة !!! افكار !!!!

مش ممكن يكون في حرامي مثقف
وبيدخل مصر موتورز

ويعرف كل الاشتغالات اللي بنقول عليها ده

وبعدين ممكن حرامي دماغه عاليه
يروح قاطر العربيه ومريح دماغ اهله

ولا انا خيالي واسع شويه

احمد على 1999

15-10-2011 07:43 AM

رد: فصل كهربا العربية بالكامل لمنع السرقة !!! افكار !!!!

هههههه
ممكن بس مش معقول حيمشي بقطع غيار ماركات متنوعه ده غير عامل الوقت و الهدوء مهمين و غالبا لو شاف قفل الدركسيون حيروح لغيرها

و فعلا حكاية قطر العربية وسيلة فعالة في السرقة بس محتاجة مكان مهجور

و في النهاية احب اقول للحرامية الي بيدخلوا مصر موتورز سجل في الموقع و قول رأيك رأيك يهمنا

karem ali

15-10-2011 07:54 AM

رد: فصل كهربا العربية بالكامل لمنع السرقة !!! افكار !!!!

اقتباس:

المشاركة الأصلية كتبت بواسطة احمد على 1999 (المشاركة 532728)

حلوى اوى نقطه قول رايك لانى رايك يهمنا و كده نعرف الحرامى بيفكر ازى :30p[1]:

مهند سالم

15-10-2011 02:43 PM

رد: فصل كهربا العربية بالكامل لمنع السرقة !!! افكار !!!!

بالإضافة للاي فات أحب أضيف:
فكرة فك الشاكوش ممتازة، بس طبعا بتنفع في عربيات وعربيات لا، يعني لازم يكون الاسبيراتير عادي مش الكتروني، ويكون مربوط بكلبسات مش مسامير ربط؛ لأنك مش هتقعد كل يوم تفك أربع مسامير وتربطهم تاني يوم الصبح.
الفكرة الأسهل فكرة فصل الكهربا عن الاسبيراتير، ودي بيعملها الكهربائية، بيعملك مفتاح فصل في أي حتة مدارية في التابلوه، تحت مثلا ، المفتاح ده بيبقى عامل زي الكومتراية بتاعة الكهربا، بيقطع التيار إلا داخل من الموبينة للاسبيراتير، ولازم عشان العربية تدور تقفل المفتاح، والفكرة دي أنا عاملها في عربيتي، بعد ما زهقت كل يوم من فك الشاكوش.
وربنا يسترها علينا، آمين

الساعة الآن 12:53 AM.

صفحة 2 من 5

عرض 7 مشاركات من هذا الموضوع لكل صفحة