|
رد: الحقونى العربيه غول بنزين
استحالة تكون العربية استهلكت ده كله لازم فى تسريب من التانك او من اى خرطوم بنزين
|
رد: الحقونى العربيه غول بنزين
فعلا زي ما الاعضاء قالو
استحاله ده يكون استهلاك العربيه للبنزين اكيييييييييد في تسريب ابقي بص برضوا تحت العربيه وهي ركنه انا مره حصل معايا تسريب في البنزين وعرفتوا لانها وقعتوا علي الارض |
رد: الحقونى العربيه غول بنزين
بص ياباشا اكيد عندك مشكله لان الاستهلاك غير طبيعى لانك اكيد بتحط 80 وده بيقعد اكتر من ال 90 بكتير يعنى انا عندى 128 بحط ب 20 جم بيقعد معايا من 7-10 ايام وبتشقلب بالعربيه ليل نهار :
اولا ممكن يكون التنك مخروم ثانيا ممكن يكون احد خراطيم البنزين مخروم وبيسرب ثالثا والاهم الكاربراتير ممكن تكون البك بتاعه كبير وبياكل بنزين وحصل معايا الموضوع ده اول ما جبت العربيه كنت بحط ب 20 جم بنزين 90 كل ثلاثه ايام ايام ما كان اللتر ب جنيه لو الكاربراتير بايظ ريح دماغك زى مانا عملت وهات واحد جديد ب 300 جم رابعا شوف كابلات البوجيهات والبوجيهات لو مزيته وقديمه غيرها علشان يكون الاحتراق تمام بحوالى 30 جم النظيف خامسا كاوتشات العربيه بتفرق قليلا فى الاستهلاك لو قديمه وناعمه بس انت عاوز رايي النهائى انا متاكد ان عندك حاجه بتسيل بنزين لان ده غير طبيعى |
رد: الحقونى العربيه غول بنزين
اساسي تسريب دا لو همر و 5000 سي سي مش هتاكل كدا :d
|
رد: الحقونى العربيه غول بنزين
ربنا يبارك فيكم يا شباب ان شاء الله عروح الاول لفنى كاربرانير يشوفه وبعدين ميكانيكى يبصلى على وصلات البنزين والتانك بس بجد ربنا يبارك فى كل واحد رد عشان انا كده فهمت ممكن السبب يكون ايه واعرف اتكلم مع الصنايعيه |
رد: الحقونى العربيه غول بنزين
<HR style="BACKGROUND-COLOR: #aeaeae; COLOR: #aeaeae" SIZE=1>
<!-- google_ad_section_start --> شباب دلوقتى انا روحت لفنى كاربراتير ونضف الكاربراتير وغير البكات حط بيكات 110 بس المشكله لسه موجوده 20 لتر يغملوا 45 كيلو بسسسسسسسسس اعمل ايه تانى يا شباب ولا المشكله فييييييييييين؟ ارجو المساعده لانى زهقت من هذه المشكله |
رد: الحقونى العربيه غول بنزين
اقتباس:
بص على الاتى : 1- بص كويس على خراطيم البنزين اللى رايح للكاربراتير واللى راجع لو محجرين وناشفين ممكن يكون واحد منهم اتشرخ او اتقطع وبيسيل وانت ماشى لان البنزين بينشف البلاستيك جامد دى فكرة . 2- بص برضع ودى الاهم وكان عندى نفس المشكله عوامه البنزين اللى فوق التانك تكون متركبه كويس يعنى العوامه بتركب على جوان بحوالى 3-5 جم ده بعد تركيبها بتركب العوامه عليها علشان تمنع اى تسريب او دخول اى مياة عند غسيل العربيه . 3- العوامه بتركب على خمس مسامير ملحومين فى التانك بصواميل صغيرة جدا اتاكد انها الخمسه موجودين وراكبين والعوامه ثابته ومش بتسرب بنزين لانها لو مهويه بتخلى البنزين يطير . 4- هتلاقى فى جنب التانك ماسوره دى بتاعه الفايظ لما تيجى تفول العربيه بتبقى متوصله بخرطوم صغير جنب الفتحه بتاعه تفويل البنزين لو كانت مفتوحه هتطير لك البنزين . من الاخر ركز فى موضوع التانك مبدئيا لانه الاهم ولو حالته تعبانه غيرة المستعمل نظيف منه بحوالى 140 جم وهتريح دماغك . جرب اللى قولتهولك ولو فيه حاجه جديده قول واحنا معاك باذن الله |
| الساعة الآن 06:18 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017