رد: اول عطل فى عربيتى مع تمام 13 الف كيلو
 

الف سلامة
لا يوجد اى شىء فى السيارة يساوى ضيقك منها
كل السيارات معرضة
احتملال تكون اخذت مطب جامد
اوان يكون تم توجيه خرطوم المياة بقوة ناحية العجلة المصابة
يفضل عند تغير الاجزاء الالكترونية ان تكون جديدة مثل الحساسات وما شابها
:01FDAB~189::01FDAB~189:
ان شاء الله يتم موضوع لا خير

رد: اول عطل فى عربيتى مع تمام 13 الف كيلو
 

الف شكر ياباشا ع شرحك وتبسيطك للفكرة وياباشا العربية الى تركبها تبقى اغلى واجمل عربية

بس بالنسبة للسعر انا للاسف الاسعار الى سمعتها فى السينسورات التانية او تقدريى من التجار اذا كان السنسور موجود كان 350 - 400 ولما سألت داخل التوكيل ممكن يعملوا كام سمعت 1000 جنية وطبعا اتصدمت لما عرفت الفرق دة

رد: اول عطل فى عربيتى مع تمام 13 الف كيلو
 

الله يسلمك يا محمد بك والحمد الله ع كل حل .. وفعلا هو ممكن يكون السبب خرطوم المياة لانى غسلتها قبل ما اسافر ع طول

وانا والله نفسى اركب بتاعها ويكون جديد بس الاقية بعيد عن التوكيل لان سعرة هيكون صعب اوى وفرق جامد محتار ومش عارف اعمل اية الصراحة

رد: اول عطل فى عربيتى مع تمام 13 الف كيلو
 

اخر الاخبار ...

انهاردة من وقت ما صحيت وانا نازل اتصلات وتليفونات واسأل هنا وهناك لما دوخت

انى الاقي السينسور .. بردة مفيش

الحاج محمود كلمنى قالى انة ملقاش وانا كلمت 3 محلات قطع غيار فى القاهرة مش عندهم وواحد منهم بل ريقى وقالى هسألك وابقى اتصل بيا بكرة الظهر
كلمت واحد فى المنصورة ... قالى طريقك مسدود مسدود مسدود ياولدى .. انة مش بيجيبة اصلا ومش هلاقى حد بيجيبة هنا

المهم اخيرا كلمت واحد صاحبى فى القاهرة وقولتلة ينزل بكرة التوكيل ويسألى موجود ولا لاء ولو موجود يعملة كام ولو لقيتة سعرة معقول هجيبة وهتوكل ع الله

مكنش يبقى هركب بتاع الماذدا الاستيراد وخلاص

رد: اول عطل فى عربيتى مع تمام 13 الف كيلو
 

الحالة بتاعتك عندي في سيارتي من زمان..
وينور عندي علامة ABS خصوصا عند المطبات او الفرملة المفاجئة
واعتقد انه لو الديسكات استهلكت بيفتح هذا النور كذلك..؟!
فالافضل انك تچيك على الدسكات والبانزات (أمامية وخلفية) ليكون فيها احتكاك (استهلاك)
قبل ما تشكك في السينسور
واعتقد ان السينسور يتم تنظيفه من الاطيان والاوساخ فقط ليعود للعمل كالسابق فهو غير سهل التعطل
تحياتي

رد: اول عطل فى عربيتى مع تمام 13 الف كيلو
 

تسلملى ياباشا ع مرورك الكريم وقرأتك للمشكلة

بس الديسكات لما يكون فيها مشكلة دى ليها نور لوحدها غير بتاع الاية بى اس
نور الاية بى اس مختص بالاية بى اس بس

تانى حاجة ان اللمبة عندى منورة ع طول

تالت حاجة انا لما غيرت السينسور باخر تجريبى المشكلة انتهت

وبكدة يبقى اكيد ان الموضوع سينسور والحمد الله ع كل حال

رد: اول عطل فى عربيتى مع تمام 13 الف كيلو
 

السلام عليكم يا احلى اعضاء

واليكم اخر التطورات ..............

انهاردة كنت فى اليكس وروحت لمركز المبيعات بتاع منصور فى منطقة سيدى بشر المهم دخل وسألت ع السنسور ... وكان الرد انة مش موجود وممكن يتواجد فى خلال الاسبوع القادم

فسألتة وقولتة طيب هو مش موجود خالص فى اى فرع من فروع اليكس .. قالى لاء بس موجود فى القاهرة فى فرع الهرم

قولت ياواد اسأل ع السعر كمان بالمرة وسألتة وانا ايدى ع قلبى وكانت المفجأة .... 225 جنية

بصراحة ارتحت نفسيا لانى كنت بسمع اسعار جامدة وان شاء الله هسافر القاهرة السبت علشان اجيبة

السؤال بقى هما فاتحين يوم السبت ولا بيأنتخو فى اليوم دة ؟؟