رد: مشكلة في اللانسر لم يستطع أي حد حلها حتى الآن
 

شكراً أخي فادي على الرد السريع, وكنت قد كشفت على المقصات وهي بحالة جيدة وكمان الكوتشات جديدة من نوع ميشيلان آخر حاجة نزلت في السوق وأصلية.

رد: مشكلة في اللانسر لم يستطع أي حد حلها حتى الآن
 

في أي فرع تعمل مهندسنا الكريم؟

رد: مشكلة في اللانسر لم يستطع أي حد حلها حتى الآن
 

فى الرفع الرئيسى
مصرية
الكيلو 16 طريق مصر الأسكندرية الزراعى
و ما زلت فى إنتظارك

رد: مشكلة في اللانسر لم يستطع أي حد حلها حتى الآن
 

يا تري العربيه اتخبطت منك في رصيف او حاجه؟؟
او ممكن يكون حد غيرك بيركب العربيه و خبطها ؟؟!!!!
لان زي ما بتقول كله سليم و لسه بتحدف
يا اما جنط او كاوتش او مقصات
و انت بتقول سليم
يبقي مافيش غير ان الشاسيه رجل شويه و الله اعلم

رد: مشكلة في اللانسر لم يستطع أي حد حلها حتى الآن
 

كلامك صح بالنسبة لحدف العربية انا حصلت معايا والمكانيكي قالى ان العجلتين اللى قدام وااحدة بس هي اللى بتمسك والتانيه لا
علشان كدة بتحدف ولما غيرت خزن الفرامل لقيت العربية مش بتحدف وبقت تمام والحمد لله واكيد نفس المشكلة معاك

رد: مشكلة في اللانسر لم يستطع أي حد حلها حتى الآن
 

فيه حاجة كمان لازم تاخد بالك منها,
العربية ممكن تعوم لأسباب خارجية زى حالة الطريق و شدة الهواء,
معظم السيارات العائلية الصغيرة مثل اللانسر و غيرها غير مجهزة للطرق السريعة, و وزنها يقل بشكل كبير مع السرعة العالية, لذا فان تعرج الطريق أو معاكسة الهواء لها قد يتسبب بالعومان. حاول تجربها فى طريق متسفلت كويس و غير مائل, و فى أجواء هادئة.

رد: مشكلة في اللانسر لم يستطع أي حد حلها حتى الآن
 

في الحقيقة العربية متخبطتش مني وفيش حد بيسوقها غيري

كلامك سليم من ناحية إنه بسبب تعويم العربية قد يكون لها أسباب خارجية, ولكن الشئ الواضح هو وجود ميل في طارة الدركسيون مما يؤدي لإنحراف واضح, هذا بالإضافة إلى إنحراف العربية عند الضغط على الفرامل.
ولكن سأقوم بمحاولة أخيرة لفحص العربية في توكيل متسوبيشي فرع قليوب بدلاً من فرع المهندسين, وربنا كريم علشان فعلاً انا بقالي على الحالة ده أكثر من 4 شهور.