رد: مطلوب دراسة من ذوى الخبرة فى العربية فورد مونديو
 

قاعدة الموتور بتاعت المونديو الاصلية بحوالي 650 و عمرها الافتراضي 7 سنوات مع اسواء استعمال
اي عربية كوري او ياباني القطعة ديه بحوالي 250 و عمرها الافتراضي بيكون سنتين مع افضل استعمال

رد: مطلوب دراسة من ذوى الخبرة فى العربية فورد مونديو
 

في الإعاده إفاده عشان مانبقاش سيبناك بدون مانبلغك عنها ونشيل ذنبك ...... ديه مشاركه ليا في سؤال عن مونديو 1998 وكان بيفكر يشتري برضه وده رابط الموضوع
http://www.masrmotors.com/vb/showthread.php?t=11193 للعلم

والأسكورت أسوأ سياره في التاريخ إبعد عنها برضه ... نصيحة أخ ... لي أحد الأقرباء (لواء جيش) جاب سنة 1998 عربيتين واحده ليه مونديو وواحده إسكورت ليفت باك لإبنه ... وللأسف واجه مشاكل لاحصر لها مع المونديو وفتيسها الأوتوماتيك إللي بيمشي 2000 كيلو ويعطل بتاع 5000 كيلو كان مفروض يمشيهم في فترة العطلان
وباعها بمعجزه وخلص منها
إبنه صارع وجاهد مع العربيه بصراحه الإسكورت لحد ماربنا وفقه وعرف يبيعها لسمير ريان بعد شراء سياره زيرو من عنده
وكانت مشاكلها (الإسكورت) وهي مشكله عامه وإسأل بتوع قطع غيار الإستيراد عليها وهي دراع النور اللي على الشمال لتقليب النور العالي بيرعش مع المطبات وبيعلق بإستمرار .. ده غير مشاكل التكييف إللي أشبه بمروحة الرادياتير بتاع العربيه والعفشه الزباله والكاوتش الموجود بالعربيه بلا إستثناء بنهار لوحده ويتااكل منه فيه
(كاوتش بيبان التابلوه والحشوات المبطنه به .. الدركسيون الكاوتش بتاعه بينهار ... يعني لاأنصحك بالإتنين إبعد عنهم
مالهومش سوق ولا قطع غيار وإن وجدت قطعة الغيار فسعرها مبالغ فيه
نصيحة أخ صائم ... ماتقربلهاش

رد: مطلوب دراسة من ذوى الخبرة فى العربية فورد مونديو
 

واضح انك من عشاق الفورد
اولا انا مش هاتكلم عن الاسكورت علشان ال1300 منها كانت جاية من روسيا البيضاء فاضية و التوكيل القديم ركبلها هنا تكييف و سنتر و فعلا مشاكلها كتير بس المونديو مسمعتش حد بيشكي منها كل الشكوى ديه
و بعيد قطع غيار الفورد غالية نسبيا علشان عمرها الافتراضي عالي
بس برده لو ديه اول عربية تركبها يبقي بلاش اي عربية قطع غيارها غالية علشان في الاول بتتعلم و تبهدل

رد: مطلوب دراسة من ذوى الخبرة فى العربية فورد مونديو
 

انا معايا فورد مونديو موديل 1998 عربيه ماشاء الله قطع غيارها غاليه بس بتعييش والعربيه ماشائ الله عليها عامله الواجب انا مش عارف مين مديكو فكره وحشه عن العربيه دى انا كنت ماشى 220 وانا مسافر وبخرج بيها كتير ولا لاحظت اى حاجه فيها بس انا مش عارف بجد مين الا قالكو كده عن العربيه وهى فعلا عربية بشوات ومش اى حد يركبها
وانا عن نفسى بصلحها فى مركز خدمه فى طريق الاوتوستراد باقل الاسعار وخدمه ممتازه اى استفسار انا تحت امركم
وقربة الميه لسه مخرومه جبتها ب 125 من التوفيقيه

رد: مطلوب دراسة من ذوى الخبرة فى العربية فورد مونديو
 

رد: مطلوب دراسة من ذوى الخبرة فى العربية فورد مونديو
 

لا طبعا مع احترامى للجميع قطع الغيار رخيصة مقارنة بما هو فى مستواها او اقل فهى ارخص من المرسيداس وال بى ام اوالباسات او حتى الاوكتافيا او التويوتا وهى فعلا تقارن بالسيارت الالمانى المذكورة وافضل من الاوكتافيا ميت مرة بناء على تجربى الشخصية فى السيارات لمدة 30 عام ولا ارتاد الا السيارات الاوربى...ام بائعى قطع الغيار فهم كثيرون في التوفيقية غهناك يوجد 5 محلات هناك وف مصر الجديدة 5 ومدينة نصر 2 والهرم 2 والمعادي 2 والاسكندرية شارع صلاح الدين 5 غير الاستيراد كثيرون جدا ف الحرفين والوكالة والهرم والاسكندرية وفعلا والله بننتهي الحياد من يشتريها هو الرابح حيث ان ثمن المستعمل حوالي 40الف والنظير ف الماركات الاخري الباسات مثلا نفس الموديل بحوالي 70الف مع نفس الامكانيات تماما بل المونديو تتفوق ف الثبات والتكيف ..........4BY4

رد: مطلوب دراسة من ذوى الخبرة فى العربية فورد مونديو
 

انا متشكر جدا يا اخوانى للمشاركة البناءة دى ومبسوط جدا زاميل للراى المشجع للعربية وخاصة من الاخوة المالكين لها وياريت بعد اذنك ياخى العزيز Koshary تعمل لنا قايمة باماكن الاصلاح وقطع الغيار واسعارها والاعطال الشائعة فيها لانى شايف ان مشكل يوم حروح للمياكنيكى بيها ودى فورد بردو ولكم جميعا حبى واعتزازى