|
رد: اريد المساعدة فى اختيار سيارة بسعر 36000
انا مع انك تدور كويس علي اكسنت حالتها حلوه يا اما تشوف اللانسر البطه دي . و فعلا اللانسر طول عمرها معروفه في اعاده البيع و قطع غيارها كويسه و الجوده بتكون ممتازه . فكر و خد انت القرار و ربنا يوفقك و برضوا شوف الكيا ريو و اسأل و استفسر كويس قبل الشراء و ربنا معاك |
رد: اريد المساعدة فى اختيار سيارة بسعر 36000
مبدئيا أنا مستغرب إنك ما حطتش اللانوس في اختياراتك.
والبطة طبعا ممتازة، وممكن كمان تجيب صني تسعينات بالسعر ده، وهتبقى حالتها كويسة. فأنا بأرشحلك واحدة من الثلاثة: اللانوس الصني الانسر والثلاثة قطع غيارهم متوفرة، وإن كانت اللانوس قطع غيارها أكثر توفرا ورخصا. وربنا يوفقك |
رد: اريد المساعدة فى اختيار سيارة بسعر 36000
متشكر اوى لاهتمامك دا يا جماعة
بس اولا : اللانسر بطة دى موديل قديم اوى 93 و لو اوتوماتيك هتبقى مشاكلها كتير جدا اكيد و تكيف مش مظبوط ثانيا : انا ماحطتش اللانوس فى الاختيار عشان طبيعى انها اغلى من الاكسنت بيطلبو برضو 42 و كدا ثالثا : بفكر فى الريو اوى |
رد: اريد المساعدة فى اختيار سيارة بسعر 36000
بسم الله الرحمن الرحيم الإجابة رينو كليو السعر ده مش محتاج تفكير كتير لان الكليو تعتبر افضل من جميع الجوانب فيما عدا الغلو النسبى لبعض قطع الغيار لكن معمرة جدا ومنتشرة لانتشار العربية الكبير العربية من موديل 2003 او 2004 الموتور 1200cc قوى جدا 16 صباب و 75 حصان وتكييفها قوى واسعة وشنطتها ملعب كورة،، تنفع لجوة البلد وللسفر كمان مستريح وثباتها عالى موديل حديث شوية وراحة ونعومة سواقة والله انا كان معايا سيتروين c3 وبعتها من شهر وندمت انى مكنتش جبت كليو بدلها دى نصيحة لوجه الله لانى مجرب الفرنساوى وسألت كتييييير عن رنج السعر ده والله الموفق |
رد: اريد المساعدة فى اختيار سيارة بسعر 36000
متشكر اوى يا باشا للاهتمام
بس بيقولو قطع غيارها غالية جدا مش شوية يعنى مرة لاقيت واحد بيقول كان جايب من التكويل المفتاح ب 700 جنية السنسور ب 700 برضو حاجات كدا |
رد: اريد المساعدة فى اختيار سيارة بسعر 36000
بص يا باشا
اختيار السيارة شىء محير جدا , وطبيعى نفسك تجيب احسن حاجه انا راى الشخصى فى العربيات اللى ركبتها وامتلكتها 1- الاكسيل : عربيه متينه ويميزها سعر اعادة البيع وقطع الغيار لاكنها موديل قديم ومشاكل القديم كتير والدنيا بتطور 2- الفليشيا : عربيه قويه وصالونها حلو وتحص انك راكب عربيه كبيرة لاكن قليل لما تلاقى منها نظيف لان موديلها قديم والدنيا بتطور 3- السيينا : ممتعه جدا فى السواقه وبتشدنى انى اجرى بيها وبتجمع سرعه بسرعه ويميزها موديلها قريب وشكلها الخارجى شيك جدا وسعرها حلو 4- اللانوس: عربيه محترمه واقلهم فى المشاكل بس مش ممتعه فى السواقه بامانه السينا احسن فى سوقتها وممكن تجيب بفلوسك لانوس مش كامله المهم احب اوضحلك ان موضوع قطع الغيار فى السينا مش غالى ولا حاجه , وكمان قطع الغيار فى الفليشيا رخيصه جدا تماثل الاكسيل جدا فى الاسعار قطع الغيار ؛ اللانوس محدش يقدر يقول عليها كلمه واخيرا شوف اللى ترتاح له |
رد: اريد المساعدة فى اختيار سيارة بسعر 36000
ولا عربيه من الحضرتك زكرتهم هتلاقي حاله معقوله
معظمهم هتلاقيهم ضايعيين و هتصرف كتير غير الوقت و المجهود انا من رائي اتك تشوف عربيه تكون ماشيه بتاع 50 الف بالكتير ممكن تلاقي سيتروين ثي ثري 2003او دايهاتسو شاريد 2004 او رينو كليو 2005 |
| الساعة الآن 01:25 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017