رد: حد سافر مرسي مطروح اليومين دول
 

انا كنت هناك بس ع ٢٤ ٦ هو الطريق طويل وخصوصا م الفيوم وحاشة الطريق ف انك لازم تكون مالي ايدك م البنزين لأنك ف طريق العلمين مفيش بنزينة واحدة بس هي اكتر بلد محترمة مش زي شرم ولا الغردقة والزيطة اللي هناك هي البلد مزحومة شوية بسبب الليبيين وهتبقي برد دلوقتي شوية

رد: حد سافر مرسي مطروح اليومين دول
 

إن شاء الله أنا جاي من القاهره ، بس ياريت حد يقولي أخبار الرادار علي الطريق إيه وأماكنه فين .

رد: حد سافر مرسي مطروح اليومين دول
 

بص انا اللي اعرفه ان مفيش رادار ف طريق العلمين لكن انا شفت رادار ف اول مرسي مطروح ع يمينك هتلاقي برج عبارة عن سلالم بس وسط منطقة فاضية وواحد قاعد فوق قدامه حاجة زي الكاميرا ... اعتقد انه رادار

رد: حد سافر مرسي مطروح اليومين دول
 

يا جماعة مفيش اى مشاكل ان شاء الله الى طريق مطروح
والطريق من القاهره الى مطروح كالاتي

طريق القاهره / الاسكندريه الصحراوى 100 ك م
طريق وادي النطرون العلمين 130 ك م
الطريق من العلمين الى مطروح 180 ك م

يبقى الاجمالى 410 كم تقريبا
لو ريحت مرتين فى الطريق مره فى الريست ومره فى العلمين ودى احسن اماكن للراحه

الطريق ياخد منك بالظبط 6 ساعات لو مسافر احسن وقت للسفر 4 فجرا توصل ان شاء الله 10 صباحا حتى تتجنب الحر الشديد

الطرق التلاته سواء الصحراوى او وادي النطرون او مطروح امان ومفيش اى قلق او مشاكل بس المهم تفويل العربيه دائما لان طريق وادي النطرون العلمين مفيش فيه غير بنزينه واحده والتانيه فى الغالب مش هتلاقي فيها بنزين