مصر موتورز مجتمع السيارات - رعشه فى النور ع السلانسيه ولما ادوس بنزين بتثبت وقوة النور تزيد

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

رد: رعشه فى النور ع السلانسيه ولما ادوس بنزين بتثبت وقوة النور تزيد

آسف على عطل الرابط
و ده بسبب تغيير البنط
و الرابط هنا
http://www.masrmotors.com/vb/showthread.php?t=48055

رد: رعشه فى النور ع السلانسيه ولما ادوس بنزين بتثبت وقوة النور تزيد

جزاكم الله خيرا
البطارية دى سائلة قعدت حوالى سنه واربعة اشهر
هل يجوز ان يكون الدينامو سليم والبطارية بايظه ولا لابد ان يكون بينهما علاقه ؟
بتاع البطاريات والكهربائي اجمعوا على ان شحن الدينامو سليم حوالى 13.9 الى 14.1 وهى ع السلانسيه
وبيقولوا رعشة النور دى ملهاش علاقة بشحن الدينامو ده عيب كتاوت بس لكنه لا يؤثر على الشحن الصادر من الدينامو الى البطارية؟ هل هذا صحيح ؟؟؟
وشاهد اثبات الكهربائي ان العربيه طول ما هى ماشيه البطارية شغاله تمام نتيجة شحن الدينامو لها اثناء الحركة// لكن عندما تترك العربيه 3 او4 ساعات العربيه بتنتع لان البطارية افرغت شحن؟
هل لو قمت بشحن البطارية ممكن تمشي شوية شهرين او تلاته ولا الشحن لا يجدي لبطارية بها ربع ضارب ؟
شكرا جزيلا لاهتمامكم وسعة صدركم

رد: رعشه فى النور ع السلانسيه ولما ادوس بنزين بتثبت وقوة النور تزيد

جرب مش حتخسر حاجة بس ظبط التركيز و تتحط علي الشاحن 24 ساعة

رد: رعشه فى النور ع السلانسيه ولما ادوس بنزين بتثبت وقوة النور تزيد

من الاخر يا باشا .. ده عيب دينامو ... حصل معايا المشكلة دى من سنتين وبعد لف و دوران و سحلة ... اشتريت دينامو (اصلى ) و الحمد لله اتحلت المشكلة تماما ... و لعلمك كل اللى قاسو شحن الدينامو القديم بردو قاللو انه سليم

عشان تعرف انه مش عريب بطارية شغل النور و العربية مطفية هتلاقيه عادى مش بيرعش حتى لو كان ضعيف شوية ... بس ثابت .. او ما تشغل العربية النور يرعش يبقى ده عيب دينامو 100%

و ربنا معاك يا باشا

رد: رعشه فى النور ع السلانسيه ولما ادوس بنزين بتثبت وقوة النور تزيد

عندي نفس المشكلة ولكن مع الكلكس ونور التبلوة والكهربائي قالي انه عيب البطارية وان الدينمو سليم
بس انا قلت استنا شويه لما البطارية تموت خالص

رد: رعشه فى النور ع السلانسيه ولما ادوس بنزين بتثبت وقوة النور تزيد

السلام عليكم ورحمة الله

ايه رايكم
فى البطاريات
اي سي ديلكو السعودى الامريكي ولا بلزر التركى ولا بانر النمساوى
دول المتاحين هنا فى المنصورة وقوتهم 70 امبير
وهل كل بطارية لها قدرة مختلفه فى التقويم والتدوير عن الاخرى
مثلا واحد قالى ان البلزر التركي قوتها عند التقويم 455 امبير واي سي ديلكو 255 امبير فقط عشان كده هو مبيشتغلش فيها
ناس هنا بتؤيد اى سي ديلكو وانا جربتها مره كان كويسه
وناس بتشكر فى المنتج التركي
السعر متقارب 450 ج للتركي والسعودى 470 والنمساوى 500 ج

نرجو الافادة العاجله وشكرا جزيلا

رد: رعشه فى النور ع السلانسيه ولما ادوس بنزين بتثبت وقوة النور تزيد

السلام عليكم
اشتريت دينامو استيراد 75 امبير وغيرته مرتين لانه طلع بيشحن زياده وكمان غيرت البطارية بقت اي سي ديلكو 70
حاليا اللى راكب اول امبارح قاس شحن مظبوط
امبارح قاس شحن زائد
اليوم رجع نقص شوية
يعنى حاليا 14.3 -14.4 وانا مزود كان امبارح 14.9 - 15
وعلى السلانسية الآن 14.02-14.03 وامبارح كان 14.5
الدينامو ده كتاوت داخلى وبتاع البطاريات بيقول القياس المظبوط للدينامو الكتاوت الداخلى بيكون ع السلانسيه 13.7 ولما تزود لا يزيد عن 14 باى حال من الاحوال
انا الآن اعانى من خفتان النور ع السلانسيه ولما بزود النور بيزيد ويقوى
واختفت رعشة النور تمام سواء ع السلانسيه او التزويد
ومشكله اخرى لما بشغل النور الواطى مثلا او العالى والعربيه ع السلانسيه العربيه بتوطي وبتترج؟؟ ده من ايه؟ علما بان السلانسيه عندى عالى ومظبوط
الغريب ان 3 كهربائية مختلفين قالولى الدينامو مفيش فى اى مشكله وانك لما تمشي بيه شوية هيعدل نفسه مع البطارية اوتوماتيك
وبتاع البطاريات اللى شاري منه البطارية بيقولى لا ده شحنه زايد المفروض ما يزيدش عن 14 وانى هنا بيقيس بمقاس ديجتال ارقام وهو ادق من قياس المؤشر
اسف للاطاله ومتابع افادتكم العاجله
وشكرا جزيلا