مصر موتورز مجتمع السيارات - رابطه ملاك و محبين الرينو الداستر

مصر موتورز مجتمع السيارات (https://www.masrmotors.com/vb/index.php)

- رينو داستر Duster (https://www.masrmotors.com/vb/forumdisplay.php?f=162)

- - رابطه ملاك و محبين الرينو الداستر (https://www.masrmotors.com/vb/showthread.php?t=66170)

رد: رابطه ملاك و محبين الرينو الداستر

تسلم يا باشا على التوبيك

انا شخصيا عاجبانى العربيه جدا بس مستحيل الواحد يفكر فيها قبل ما يبىق فيه عضوين تلاتة معاهم العربيه فى المنتدى :fun_36_3_1[1]:

رد: رابطه ملاك و محبين الرينو الداستر

اقتباس:

المشاركة الأصلية كتبت بواسطة AboNoRa (المشاركة 500711)

دة الحصل معيا يا ابو نورا كنت حاجز ال الداستر 4*4 اسود ب 135000 ويوم ماكنت رايح استلم قلقت برضه وقولت استنى اشوف تجربة الناس الاول قبل ما اتهور انا واجيبها وللاسف ماجبتهاش وجبت الالنترا لحد ما اشوف اخبار العربية وقطع الغيار وهل فيه مشاكل منها ولا لا وخصوصا انا العربية معايا تعتبر شغلى كله وسفرياتى كلها بيها فلو كانت حصلت مشكله كانت هتأثر عليا كتير.

رد: رابطه ملاك و محبين الرينو الداستر

اقتباس:

المشاركة الأصلية كتبت بواسطة pointer (المشاركة 500665)

تسمح لي اختلف معاك
العربه مكملنش سنه و موجوده في كل حته و بشوف منها كتير جدا و ده نجاح باهر و خصوصا قصر مده النزول و الطلب المهول عالميا و بالتالي نقص حصه مصر منها "مشكله البيجو ال 206 اول ما نزلت "
قطع العيار متوفره من زماااااااان لان الموتور ال k4m فخر رينو ال 1600 هو بتاع الميجان هو بتاع الاجونا
بالنسبه لكلمه اشد حضرتك نقصد العزم و القوه مش التسارع تمام كدا ولا وصلتني غلط
ومش مشكله اصلا التفاعل اد ما نفيد بعض و ننقل الخبرات
شكرا يا كبير

انا طبعا ما اقدرش اختلف مع حضرتك بس انا قصدي اما حضرتك تعمل موضوع زي ده في قسم الاسبيرانزا او اي نوع تاني متداول في مصر حضرتك طبعا هتلاقي فرق الردود و المشاركات و ده طبيعي جدا لان زي اما حضرتك قولت العربية لسه جديدة و حصة مصر منها قليلة .
طبعا اقصد العزم و القوة لان التسارع فيها مش عالي قوي زي عربيات السيدان .
واشكر حضرتك مرة تانية و كنت عايز اسأل سيادتك سؤال هو ليه معظم التعليقات في الموضوع ده خايفة من العربية دي مع اني مسمعتش حد جربها و اشتكي من اي جزء فيها مع ان في عربيات بتنزل في اي موديلا تانية و بتبقي فيها عيوب صناعة و تقفيل و مع كده الناس بتقبل علي انها تشتريها ؟

رد: رابطه ملاك و محبين الرينو الداستر

اقتباس:

المشاركة الأصلية كتبت بواسطة stonecoldmido5 (المشاركة 500967)

السبب في كدا ان ثقافه الشعب المصري
اللي تعرفه احسن من اللي ما تعرافوش

وامشي سنه ولا تعدي اقنا
كل الناس مستنيه حد يجرب و مش عاوزه تتعب دماعها و تدور علي النت و تبحث
ده الي جانب ان العربيه بتاعتي احلي عربيه في العالم ولو كانت بايظه و مفوته
و علي فكره الموضوع ده مش معمول علي شان مشاركات لا ده لبستفيد بيه الملاك و عشاق السياره و تبادل المعلومات

رد: رابطه ملاك و محبين الرينو الداستر

اقتباس:

المشاركة الأصلية كتبت بواسطة pointer (المشاركة 500995)

ده اكيد بس رينو شركة كبيرة و محترمة ومش هتغامر باسمها في عربية ممكن تخسرها تاريخها وايا كان نوع العربية اللي بتنتجها شركة رينو بتبقي محل ثقة و لا هو علشان سعر الداستر قليل الي حد ما فده مخليها محل شك

رد: رابطه ملاك و محبين الرينو الداستر

بصراحه أنا نفسي فيها وذهبت التوكيل فعلا بس قالوا لازم تحجز الاول وبما أني عايش بالسعوديه وينزل في الصيف بس ناوي ان شاء الله احجزها قبل ما انزل بشهرين ثلاثه بس مش عارف احجز ال 4 ولا 2 أنا اللي 4 مش هتفرق معايا بس هل فيه فرق بالشكل الخارجي ولا مفيش ويسعدني اننا نتواصل معا وشكرا لك

رد: رابطه ملاك و محبين الرينو الداستر

اقتباس:

المشاركة الأصلية كتبت بواسطة mokh21 (المشاركة 502381)

لا حضرتك كفيش اي تغيير نهائي في الشكل الخارجي بش4x4 مصفحة من تحت و الدفع الئنائي غير مصفحة و توصل حضرتك بالف سلامة