|
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
عايز اعلق علي حاجة فقط ،، بخصوص حكاية درجة اولي و درجة عاشرة الحكاية دي اه موجودة في السلع الاستهلاكية و المنتجات البدائية لكن مش موجودة في الصناعات الميكانيكية و الصناعات الكبيرة يعني العربية اللي بتخرج من المصنع بيكونوا كلهم نفس الخامات مش حكاية التزام و شرف حكاية انه ده شئ غير اقتصادي بالنسبة لخط انتاجه ممكن استخدام محركات قديمة ممكن الغاء كماليات و اوبشنز ممكن مواصفات اقل لكن الاساسيات واحدة لأنه طلع عينه عقبال ما يعمل موتور مش مجدي اقتصاديا بالنسبة ليه انه يطلع عينه عشان يعمل موتور خاماته اقل و سعره ارخص لمصر |
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
متفق مع الأستاذ أحمد انور
الموتور و الشاسية و الأنظمة الأساسية فى العربية بتكون واحدة طبعا لكن مثلا الكاسيت و خام التابلوة و الكراسى و التكييف و تنجيد الصالون و الفوانيس و الشبكة و الجنوط دى كلها حاجات ممكن يتلعب فيها |
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
و انا يا استاذ حازم متفق مع حضرتك تماماً
و اللي اقصده بقى هنا إن الحاجات ده بتفرق بعد كده مع الاستخدام و بالتالي في تمن العربيه و فعلا هي زي م قال الأخ alref مش قميص ولا حاجة ممكن يجيبها كل يوم. على فكره المصريين بيحبوا المنتج الرخيص فعلاً بس هم مش حمل فلوس تندفع و بعد فتره قصيره يلاقي نفسه خسرها يعني آجيب العربيه ب ٧٠ ألف و بعد سنه أبيعها ب ٥٠ مثلاً و هي عامله ١٢ الف كيلو بس طبعاً حرام و خاصة ان معظم اللي بيشتروها من الموظفين (إذا كان قطاع عام ولا خاص) |
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
عموما برضه رأى الأستاذ إسلام جلال صحيح يعنى قدامنا تلات أربع سنين لما يبقى الحكم على العربيات الصينى نهائى و لو إن ده مش مضمون قوى أنا شوفت موضوع "مدراس إنتاج السيارات" و لقيت إن فيه ناس لسه بتعتبر اليابانى مثلا تقليد و الكورى مغشوش رغم كل النجاح اللى حصل ليهم طول السنين اللى فاتت
|
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
مبدئياً انا سعيد ان فيه ناس اهتمت بالموضوع باعتباره دعوه جادة للنقاش بموضوعية عن تجربة الشيرى فى مصر وسعيد اكتر ان النقاش بداء ياخود شكل منظم والافكار بدائت تقرب وتتفق بشكل كبير
مبدئياً عايز اعرف منكم تفتكروا لسه فيه ناس بتستنكر نجاح الاسبيرانزا العملى حتى الان مع انتشار موديلات منها بكثره ومع تشغيلها فى مشروع التاكسى الجديد ؟ هل ينطبق المثل القائل بأن كل فولة مسوسة وليها شيال اعمى على عربيات شيرى ؟ بمعنى اوضح هل انتشار السياره يعد مؤشر لنجاحها ؟ وهل العربيات الجيدة دائماً بتنجح فى السوق المصرى وتنتشر ولا النجاح فى السوق ليه علاقة بحاجات تانية غير جوده واعتمادية المنتج ؟ |
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
اقتباس:
الشعب المصري مبيفرقشي معاه اوي الاعتمادية يفرق معاه ان العربية لم تعطل يعرف يصلحها و بسعر مناسب و دي المعادلة اللي لو نجح فيها ابو الفتوح فعلا ،، ( حتي الآن مش ناجح بدرجة كبيرة زي نجاحه مع اللانوس ) العربيات دي هتمعل شغل بمعني اخر مش مهم هتعطل كام مرة المهم لما تعطل هادفع كام |
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
انا عن نفسي مش بحب الصيني اوي
اه فيه منها عربيات كويسه لكن انا بالنسبالي العربيه ايدي و رجلي و بتحرك بيها و بسافر و شغل و مصايف و و و و و مش عاوز عربيه تعمل اي دقه نقص معايا ممكن انصح غيري لو استعماله خفيف انه يجيب صيني مش بيمشي اكتر من 100 كيلو يوميا . اكتر من كده انا ببقي خايف و قلقان . بالنسبه للعربيات زي بي ام و مرسيدس اللي بتتجمع في الصين ما تعتبرش صيني لانها تصميمها و تقنيتها و جودتها بتبقي حسب بلد المنشأ مش صيني و مش معقول شركه كبيره تضحي بسمعتها علشان تخفض اجور العمال .و دا برضه ينطبق علي التلفزيونات و الموبيلات الخ الخ يعني انا اشتري تلفزيون توشيبا متجمع في الصين و 14 بوصه و ما اشتريش ماركه صينه مجهوله الهويه بتمن ارخص و 21 بوصه !!!! من الاخر كل واحد ليه متطلباته اللي بيدور علي حجم كبير و سعر قليل بس مش مهم الاعتماديه عنده الصيني و اللي بيدور علي الاعتماديه في المقام الاول و يجيب حاجه تعيش العمر حتي لو اصغر عنده مركات كتير محترمه........... ............ تجربه سبرانزا في مصر تجربه ناجحه رغم وجود بعض المشاكل فيها بس ارجع و اقول عربيه 1600 و فول اوبشن و 66 الف دا كده كويس عليها ما تطلبش من العربيه انها تعاملك معامله العربيه اللي ب 150 الف |
| الساعة الآن 05:55 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017