|
رد: كتاوت النور .. هل من مجيب ؟؟؟
السلام عليكم
كل عيد وانتم بخير يارب كنت بشتكي فى الاول خالص بخفتان النور ورعشته وخصوصا ع السلانسيه ولما بزود بنزين بيزيد ويثبت وركبت لمبات 260 / 200 وكنت لما باجى ارعش نور كان النور بيطفي ثانيه او اتنين ويشتغل تانى فالكهربائي قالى عيب كتاوت وفعلا غيرها والمشكله اتحلت ولكن بقيت رعشة النور وخفتانه بعض الشئ النور عندى اصفر هل الابيض افضل فى الاضاءة وايه افضل نوع لمبات لو سمحتم الآن النور الواطى مش شغال خالص واوقات العالى يشتغل واوقات لا لكن تقليب النور شغال ؟ نيجي للبطارية كنت كشفت عليها من اسبوع وكان فيها عين ناشفها زودتها ميه وزودت كل العيون الباقية وكانت شغالة كويس بقالها يومين البطارية ( من ساعة ما النور ا لواطي قطع )بتنام وتدور بصعوبة جدا لو اتركنت يوم مثلا مع العلم انها قبل كده كانت بتدور علطول حتى لو مركونه 3 ايام مثلا نيجي للدينامو اعتقد انه سليم لانه كده يبقي بيشحن البطارية ولا ايه ؟ لانها وهى ماشيه وحتى لو فصلتها نص ساعه او حتى 3 ساعات بتشغل علطول عادى ؟ هل يوجد كتاوت اخرى غير كتاوت الدينامو مسئوله عن رعشه النور ع السلانسيه؟ هل اغير كتاوت الدينامو الخارجي اللى راكبه عندى ولا الدينامو ككل ؟ نرجو الافادة العاجله وشكرا جزيلا |
رد: كتاوت النور .. هل من مجيب ؟؟؟
فعلا الكتاوت مهمة. بص يا سيدى
الكتاوت دى اساسا عبارة عن ريلاى ووظيفته توصيل الكهربا للمبات او لاى حاجة تانية من البطارية مباشرة بحيث يمر التيار الكهربى من خلال الريلاى وليس من خلال مفتاح النور اللى ممكن مايكنش مصمم ليتحمل تيار عالى نتيجة تغيير اللمبات الى لمبات اعلى او مثلا تركيب نور زينون . لكن برده مع الكتاوت لازم تراعى سماكة الاسلاك بمعنى انك تجيب اسلاك تتحمل التيار العالى اللى ممكن اللمبات او الشئ اللى هتوصله يسحب هذا التيار. وتحياتى |
رد: كتاوت النور .. هل من مجيب ؟؟؟
كل سنة وانت طيب يا حسام باشا واحنا ما ننساش افضالك علينا فى مشاركاتك وردودك المتميزة
وللعلم كده فى عربيات كتير (متكتوكته) يعنى فيها كتاوت لكل حاجه مراوح انوار واضاءة كلاكس وعليه اى حاجه من دول بتعطل او كفائتها تقل يبقى نبص على الكتاوت بتاعتهم وزى ما الاخوه الافاضل قالو ان الكتاوت مهمته تحمل الضغط العالى القادم من الاداه(لمبات -كلاكس -...الخ) عشان ما يأثرش على الاجزاء الضعيفة واشهر مثل (اللمبات القوية يركب لها كتاوت تستحمل قوة اللمبات وشدتها وتمرر القدر المطلوب بس لذراع النور ) زى ما بيحصل فى لمبات الزينزن والهالوجين (فيليبس-اوسرام- اللمبات الالمانية كده) اعتقد ان المبلغ والطلبات اللى قالها الكهربائى مبالغ فيها شوية وسلك 6 مم خصوصا وطول 10 متر ؟؟؟ ليه ده كله المفروض ان الاسلاك اصلا متوصلة فى كل حاجه ولو هايحتاج سلك اضافى واقوى يبقى هايحتاج مش اكتر من 2م بالكتير ووصلا صغير على حسب مكان الكتاوت المثبتة فى الحوض كمان وكل الشغل هايبقى فى الحوض يبقى 10 كتير جدا والجدير بالذكر من خلال تجربة وبالصدفة عندى فانوسين شبورة (عين الكتوت ) ابو 25ج كنت مركبهم من غير كتاوات ولاحظت ان المفتاح(واحد شده) اللى موصلة عشان اشغل منه الفوانيس بيسخن ومع الوقت بيسيح قولت للكهربائى قالى نركب له كتاوت (يعنى فى الاصل عشان مايسخنش المفتاح) واتفاجأت ان النور بقى شديد عن الاول بنسبة +25% طبعا الكتاوت قوت النور على الرغم من انها صينى و10ج بالنسبة لك جرب اللمبات الالمانى 20/260 الفيليبس او الاوسرام سمعت انهم ممتازين وراجع على الكتاوت وغيرهم لو لزم الامر وركبهم لو مش عندك وربنا ينورلك طريقك ويسترها عليك وعلينا |
رد: كتاوت النور .. هل من مجيب ؟؟؟
الاخ الكريم جداً :حسام باشا
الموضوع من واقع التجربة كتاوت فرنساوى 35ج 6متر سلك 6مللى 25ج 2لمبة 260/200 المانى 60ج كلبسات وشريط لحام و2 فيشة +مكرونة لتغليف السلك 25ج المصنعية تشمل تجميع السابق بأستخدام اللحام بالمكواة لعدم حدوث اى تفويت كهربائى 70ج الوقت 3 ساعات بدون حساب وقت الشراء الاجمالى =225 بعد اضافة اكرامية للصبى 10ج النتيجة :مرضية جداً |
رد: كتاوت النور .. هل من مجيب ؟؟؟
بسم الله الرحمن الرحيم
راجع الموضوع ده علما بأنه يصلح للنور العالي و الواطي فقط ولا يصلح لنور التابلوة و النور و الصغير و العدادات و لو فيهم مشكله يبقي الارضي عندك مش سليم و دي مشكلة تأريض هتعمل ارضي كويس للعربية اة تغير كابل الارضي الخارج من البطاريه او لو هوه داخل علي الموتور بس هتعمل كابل تاني من الموتور لجسم العربية http://www.masrmotors.com/vb/showthread.php?t=72195 و اي خدمة م / سامح ليله |
| الساعة الآن 07:04 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017