رد: اصلاح اسطوانه الدبرياج والرعشه فى الطلعه بدون فك المحرك
 

ايوه يا باشا انا عملتها زى ما انت قايل بالظبط

رد: اصلاح اسطوانه الدبرياج والرعشه فى الطلعه بدون فك المحرك
 

باشمهندس احمد--قلنا ايه النتيجة ,يعنى الرعشة اختفت ولا ايه,انا عارف ان الموضوع قديم لكنه موضوع جميل ومفيد ,وهى دى المواضيع الى تستاهل ان الواحد يدخل ويضيع وقت فى المنتدى وهذا هوالهدف من هذا الموقع ,تحياتى للأستاذ عصام صاحب الموضوع ويارب يكون الأسم صح ,لأنه عاجبنى كل مواضيعه فهى جديده دائماً بل وتثقيف...شكر وتقدير:THUMB_~112::THUMB_ ~112::THUMB_~112:

رد: اصلاح اسطوانه الدبرياج والرعشه فى الطلعه بدون فك المحرك
 

بس على فكرة الرعشة دى سببها ان الدبرياج عالى وده يدل على ان الاسطوانة متكلة فكان بردة من ضمن الحلول انك توطى الدبرياج

رد: اصلاح اسطوانه الدبرياج والرعشه فى الطلعه بدون فك المحرك
 

اشكرك اخى العزيز على اطرائك واحييك بشده
وعلى فكره انا اسمى عصام محمد
بعد اذن الاستاذ احمد انا لحد دلوقتى مفيش رعشه بتاتا والحمد لله
وتقبل تحياتى

رد: اصلاح اسطوانه الدبرياج والرعشه فى الطلعه بدون فك المحرك
 

ممكن توضيح اكتر للى الميكانيكي عمله بالظبط
لاني مش فاهم
يعني ايه داس على الفرامل والدبرياج وطلع وهو شادد اليد
يعني ياريت توضح اكتر

رد: اصلاح اسطوانه الدبرياج والرعشه فى الطلعه بدون فك المحرك
 

انا اسف جدا على التاخير
الفكره انك تلين الاسطوانه ( سطح الاسطوانه والسوست ) عن طريق حركه عمود الكرنك مع الجير بوكس مع وجود الفرامل لاحكام عدم حركه الجير بوكس
اسطوانه الدبريج جزاين جزء فيه التيل والاخر اسطوانه من الحديد مثبتين مع بعضهم ويوجد بينهم 4 او 5 سست وتلك هى المقصوده من التلين
الرجه فى الطله سببه عدم ظبط الكربراتير( وده مش موضوعنا ) او عيب فى السست نتيجه 3 حالات :
1- ضعف السست ( لفقد مرونتها ) وفى تلك الحاله يلزم تغيرها ( مينفعش الموضوع ده معها )
2-كسر فى السست ( مينفعش الموضوع ده معها )
3-قفش السوست او وجود اوساخ عليها او بين سطح التيل وسطح جسم الاسطوانه لذلك لا تقوم السست بعملها الطبيعى ( تلك الحاله الوحيده الى تنفع معاها الموضوع ده )
وبالنسبه للطريقه حاول تحريك العربيه بحيث متطفيش منك وانت ضاغط على الفرامل الرجل
على فكره العربيه متحركتشى من مكانها
ممكن تخلى واحد يساعدك انه يضغط على البنزين وهو قاعد جمبك وحضرتك تضغط على الفرامل وتعشق على الاول وانتى ضاغط على الدبرياج وصحبك يقضل ضاغط على البنزين وتشيل رجلك بشويش من على الدبرياج ببطء ولما تحس ان العربيه هتطفى تدوس على الدبرياج تانى وتكرر العمايه اكثر من مره طبعا العربيه مش هتمشى لانك ضاغط على الفرامل

اكرر الموضوع ده مش هيجيب نتيجه للحاله الاولى والثانى او عند استهلاك التيل الى موجود فى الاسطوانه

تقبل تحياتى

رد: اصلاح اسطوانه الدبرياج والرعشه فى الطلعه بدون فك المحرك
 

السلام عليكم
الاخ الكريم الطريقه التى تم وصفها فى حاله ادا كانت الاسطوانه جديده والدبرياج لايقم بلفصل فهنا
نقوم باستهلاك قليل من الاسطوانه ليتم فصل الدبرياج
اماعن سبب رعشه السياره
فى حاله رعشه السياره وهى بارده يكون السبب الاسطوانه
فى حاله رعشه السياره وهى ساخنه السبب يكون الدسك(ملاحظه التاكيد على رباط المسامير الخاصه
بربط الفتيس مع الموتور قبل اى شىء)

واخيرا هدا الحل الموصوف خطا لان سرعه الموتور لاتجعل اتربه الا على الحواف الخارجيه للاسطوانه وهدا بسبب (الطرد المركزى) تحياتى hamdy ali