مصر موتورز مجتمع السيارات - الريداتير ونصيحة لوجة الله ارجوكم ساعدونى

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - الريداتير ونصيحة لوجة الله ارجوكم ساعدونى (https://www.masrmotors.com/vb/showthread.php?t=64980)

رد: الريداتير ونصيحة لوجة الله ارجوكم ساعدونى

الله يا جماعة طول عمرى بحط مياة خضراء ومش عارف بقى صدا ازاى تعفوا والله سالت علية فى التوكيل كان باكثر من 900 جنية والله العظيم
حزنت جدا قلت انا عبيط انى افكة اساسا هههههه دا غالى اوى
المهم انهاردة جريت بالعربية وتكيييف وحوار الحرارة مظبوطة الحمد لله وبصيت على الخرطوم اللى فوق جايب من الريداتير من قوف كدة لقيتة منفوخ وكابس يدوب 5 دقايق لقيتة بيهدى ويطرى يعنى زى بيفسى نفسة هل دا طبيعى ولا اية ولا كدة بينفس فى الريداتير من مكان الجيل وكدة وللعلم انا مش ملاحظ نزول مياة من اى حتة من اى مكان محطوط فية الجل دا وهل انى لما قطع الجوان عشان يظبطة وحط مكان القطع جيل يبقى كدة تمام والجيل هيعوض القطع ولا اية معلش وشكرا اوى اوى على المشاركات والله انتم اكتر ناس محترمة ومنتدى موثوق

رد: الريداتير ونصيحة لوجة الله ارجوكم ساعدونى

للاسف فرحة ما تمت انهاردة لقيت ترشيح بسيط كدة فوق مش خرم فى الريداتير لاة ترشيح فوق عند العمة رحت دقيت بالشاكوش والمفك على كل الكلبسات قلت اكبس علية ممكن يكون مهوى شوية على الجوان وطلعت وهجرب بكرة ولله الامر شكلى هجيب واحد جديد وهقولكم بكرة الاخبار

رد: الريداتير ونصيحة لوجة الله ارجوكم ساعدونى

انهاردة يا جماعة دورت ومشيت حوالى ساعتين بالتكييف والمية كويسة والحرارة طبيعية الحمد لله ما شاء الله وبصيت لما ركنت على الريداتير لقيتة مش مسرب الظاهر الدق على الكلبسات منع شوية بس هنشوف بقى هل المية هتنقص فى اليومين الجيين دول ولا اية ربنا يستر لى مشاركة بعد فترة عشان اقولكم اللى حصل وهحط موضوع عن الكوعة اللى اتخرمت من الملح والمية ومنظرها فظيع هنشوفها وهصورها واقولك لية عملت كدة عشان الكل يستفاد

رد: الريداتير ونصيحة لوجة الله ارجوكم ساعدونى

تسلم يا ميمو على المتابعة وان شاء الله خير
جزاك الله كل الخير:Wkiss5:

رد: الريداتير ونصيحة لوجة الله ارجوكم ساعدونى

اقتباس:

المشاركة الأصلية كتبت بواسطة aymangalal (المشاركة 492824)

تسلم يا ميمو على المتابعة وان شاء الله خير
جزاك الله كل الخير:Wkiss5:

شكرا جدا وانا راى انى لازم الكل يستفاد لان معرض جدا تحصل مشكلتى مع اى حد وانا صورت القطع البايظة وهعمل موضوع ونشوف المية الخضراء والحمراء المغشوشة اللى فى مصرنا الحبيبة بتعمل اية

رد: الريداتير ونصيحة لوجة الله ارجوكم ساعدونى

انا عملت الموضوع اهه ويارب الكل يستفاد
http://masrmotors.com/vb/showthread....d=1#post493216

رد: الريداتير ونصيحة لوجة الله ارجوكم ساعدونى

عاجبني اسلوب حضرتك في متابعة المشكلة و المشاركة بها لك تعم الافادة

شكرا كثيرا