|
رد: المرأه اسواء من الرجل بقياده السياره؟
سبحان الله .. اتعجب لما ألاقى حوارات من النوع ده .. كلنا بشر وكلنا متساويين فى القدرات إلا ما اختص به الله تعالى البعض عن الآخر .. قد تكون المرأة قلبها اضعف من الرجل .. لكن الامر فى السواقة يرجع إلى التعود إلى حد كبير.. فلماذا هذا الجدل العقيم الذى لا فائدة منه .. كل واحد أعلم بقدراته .. وخلاص على كده .. لا داعى للتباهى بشئ .. ولا داعى للجدال أصلا .. بس اللى نفسى حد يجاوبنى فيه , لماذا دايما يسخر الرجال من النساء؟؟, والأهم, لما الرجل يستهزئ أو يسخر من المرأة لأى سببٍ كان .. ده نسميه إيه؟؟؟ , سبحان الله .
|
رد: المرأه اسواء من الرجل بقياده السياره؟
اقتباس:
احنا اصلا بنهرج كلنا وواخدين الموضوع بضحك وتريقه بس برده نرد واحده واحده مفيش مشكله الرد علي اولا انا قولت خلص الكلام ( يعني كلامي خلص في الموضوع ) مش ( محدش يتكلم في الموضوع ده تاني عشان ميحصلش قفش وزعل ) وبالنسبه لثانيا بصي كده اسلوبك في الكلام عامل ازاي (( ثانيا بردو مش شرط حضرتك تفرض عليا او على اى حد انه يدخل فى سباق مع حضرتك عشان يبان مين بيسوق احسن فيه حد بيسوق عشان يتمنظر ويفرد عضلاته وفي حد بيسوق عشان يروح مشاويره ويرجع منها وهو مرتاح لا متبهدل من موصلات ولا مخنوق من سواق تاكسى )) طبعا اولا انا ولا فرضت علي حد حاجه ولا اي حاجه - هو بس قفش وخلاص دي حاجه انا متاكد منها - وكمان انا مقولتش سباق ولا حاجه انا قولت المنافسه اللي الستات تحبها أيا كانت نوع المنافسه لاني ضد السباقات اصلا ومبحبهاش ولا بحب اتفرج عليها ودا للي عايزة تقنعنا بطريقه تانيه غير الكلام .. وبرده في نطاق المزاح و الهزار طبعا واخيرا وبالتوفيق لحضرتك يا محترف سواقه http://www.masrmotors.com/vb/images/...63B6%7E153.GIF طبعا دي تريقه انا عمري ما اسمح بيها ومتصحش باي طريقه وحضرتك غلطانه فيها فاطومه يا مصريه انا بالنسبه لي مفيش حاجه حصلت وهعتبر ان اختي الصغيره كانت متضايقه شويه وقرأت مشاركه نرفزتها فكرت الموضوع بجد وعلي هذا الاساس اتكلمت بالاسلوب الذي لا يقبله الا اخوها الكبير بس هستأذنك راعي مزاجك وحالتك النفسيه قبل ما تكتبي رد علي موضوع لاني متاكد انك حد محترم جدا وميردش رد زي ده الا اذا كان متضايق و متنرفز ع الاخر بس برده انت بتتعاملي مع نفوس وممكن حد يزعل بجد أو يرد برده رد جارح وساعتها هتكبر المشكله بدون داعي تحياتي بجد ليكي يا ....... يا .. فاطومه يا مصريه فاطمه مش كده .. ؟ |
رد: المرأه اسواء من الرجل بقياده السياره؟
يا جماعة الموضوع مش محتاج خلاف ...
خلاصة الكلام لان الموضوع ده بجد "مسخ" من كتر ما اتكلمنا فيه .. غالبية الستات فى مصر ميعرفوش غير طريقة او اسلوب معين فى السواقة .. والاسلوب ده هو الصح .. يعنى هما لما اتعلموا السواقة اتعلموها 1 + 1 = 2 .. فلو جينا نقولهم 2 - 1 = 1 هيتلخبطوا ويرتبكوا ... وده لان البنت او الست لما بتقول عاوزه اسوق مش بيكون عندها اى خلفية عن السواقة .. بعكس الراجل اللى بيبقى من صغره نفسه يسوق عربية .. باختصار سواقه الستات فى مصر كويسة جدا ولكن للاسف هما بيسوقوا فى المكان الغلط .. لان السوارع مكسره ومدغدغه وولا فى نظام ولا فى التزام ولا اى حاجه .. فالراجل بيعرف يصرف نفسه ويتعامل مع ده ويفادى ده ويعرب من المطب ده .. لكن الست صعب عليها انها تعمل كده .. هى عاوزه تمشى فى شارع .. ادامها اشاره تقف .. هتحود يمين تدى اشاره وتحود .. هكذا .. لكن صعب عليها تاخد عرزه او توسع لواحد جاى مخالف او او او ... هى دى القصة ..... |
رد: المرأه اسواء من الرجل بقياده السياره؟
انا مقتنع تماما بوجهه نظرك :fun_Whispering:
|
رد: المرأه اسواء من الرجل بقياده السياره؟
على فكرة يا جماعة ده حصل ادامي.. كنت سايق عربيتي الاتوماتيك وادامي 128 سايقاها واحدة ست ووقفنا في اشارة مفترق طرق..ففكرت جوايا كدة وقولت سبحان الله ازاي واحدة ست تسوق عربية مانوال وكمان من غير باور.. دانا اللي هوا انا مش حعرف اعمل زيها كدة.. وعنها،، فتحت الاشارة دخلت يمين وهيا ادامي كملت طوالي و.. بووووووم.. خبطت حتة خبطة في عربية كانت بتركن .. والله يا جماعة مش حسدتها.. احنا ياما بنشوف يعني. :vctry::vctry::vctry:
|
رد: المرأه اسواء من الرجل بقياده السياره؟
رغم اني اعرف العربيات اللي بتبقى سيقاها الستات من على بعد بس فعلا ده بيرجع للتعود والخبرة وفهم ميكانيكا العربية وكيفية الحركة والخ الامر الذي يتفوق فيه الرجل على اغلب النساء وأيضاً الرجالة بيبقى قلبهم جامد شوية يعني لو حصل غلطة لا قدر الله على الطريق بيحاول يلحق نفسه عكس الست اللي بطبعها بيبقى قلبها ضعيف وممكن تسيب الدركسيون من ايدها ( طبعا مش كلهم 444546)
بس انا شفت قدامي نموذجين بصراحة روعة .. واحدة ست راكنة بعربيتها على عربيتي وانا واقف وببتكلم في الموبايل ولا نافع معاها كلكسات ولا اي حاجة واضطريت انزل اخبطلها على الشباك :bb127bc6eab060e3e23 ومرة تانية سايق في أمانة الله لقيت صاروخ سام 6 معدي من جنبي ( هيونداي i10 ) عربية صغيرة والشارع مش مستحمل وعمالة تاخد غرز يمين وشمال معرفتش احصلها :THUMBS~220: يعني بترجع لحكاية تعود وقوة قلب |
| الساعة الآن 03:12 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017